და აღვიხილენ თუალნი ჩემნი და ვიხილენ ოთხნი რქანი.
და ვარქუ ანგელოზსა მას, რომელი მეტყოდა მე: რაჲ არიან ესენი, უფალო? Page of ms. P: 284r და მრქუა მე: ესე რქანი არიან, რომელთა განაბნიეს იუდაჲ და იერუსალჱმი და ისრაჱლი.
და მიჩუენნა მე ოთხნი ხურონი.
და ვარქუ მას: სასაქმედ მოვლენ ესენი? და თქუა: ვსე რქანი არიან, რომელთა მოსრნეს იგინი, და არავინ მათგან აღიპყრა თავი. და გამოვიდეს ესენი აღმახუვად მათა ჴელთა შინა მათთა. და ოთხნი ესე რქანი ნათესავნი იგი არიან, რომვლთა აღიმაღლეს რქანი მათნი ქუეყანასა ზედა უფლისასა განბნევად მისა.
და აღვიხილენ თუალნი ჩემნი და ვიხილე; და ესერა კაცი და ჴელთა მისთა აქუნდა საბელი ქუეყანისა საზომელი.
და მრქუა მე განზომად იერუსალჱმისა და ხილვად, რაოდენ არს სიგრძჱ მისი.
და ანგელოზი იგი, რომელი მეტყოდა მე, დგა. და ანგელოზი სხუაჲ მოვიდა შემთხუევად მისა.
მიუგო მას და ჰრქუა: აღირბიე და არქუ ჭაბუკსა მას: ნაყოიერად დაიმკჳდრო იერუსალჱმი სიმრავლისაგან კაცთაჲსა და საცხოართა შორის მისთა
და მე ვეყო მას ზღუდე ცეცხლის გარემო და დიდებით დავემკჳდრო შორის მისსა.
ამისთჳს ამას იტყჳს უფალი ყოვლისა-მპყრობელი: შემდგომად დიდებისა მომავლინა მე, წარმართთა წარგტყუენნეს თქუენ, Page of ms. P: 342r რამეთუ რომელმან შეგახოს თქუენ, ვითარცა რომელმან შეახის გუგასა თუალისასა.
რამეთუ აჰა, ესერა, მოვჰჴადო ჴელი ჩემი მათ ზედა, რომელთა-იგი ჰმონებდით მათდა. იყვნენ იგინი ტყუჱ, და სცნათ, რამეთუ უფალმან ყოვლისა-მპყრობელმან მომავლინა მე.
Page of ms. P: 15r გიხაროდენ და მხიარულ იყავ, სიონ, რამეთუ მე ესერა მოვალ და დავემკჳდრო შენ შორის, იტყჳს უფალი ყოვლისა-მპყრობელი.
და შემოევედრებოდიან თესლნი მრავალნი უფალსა მას დღესა შინა, და იყვნენ იგინი მისა ერად და დაემკჳდრნენ შორის შენსა, და სცნა, რამეთუ უფალმან ყოვლისა-მპყრობელმან მომავლინა მე შენდა.
და დაიმკვდროს უფალმან თესლი იუდაჲსი, ნაწილი მისი ქუეყანაჲ იგი წმიდაჲ, და სათნოცა იყოს მერმე იერუსალჱმი.
ეშინოდენ ყოველსა ჴორციელსა პირისაგან უფლისა, რამეთუ აღდგომილ არს ღრუბლით გამო წმიდით მისით.
