რამეთუ აჩრდილ აქუნდა შჯულსა მერმეთა მათ კეთილთაჲ, არა თჳთ იგი ხატი საქმეთაჲ წელიწადად მსხუერპლსა შესწირვენ სამარადისოდ, ვერ შემძლებელ იყო იგი შემწირველთა მათგან სრულყოფად.
უკუეთუმცა არა დასცხრეს შეწირვისაგან, რამეთუ არცამცა რაჲ ერთი იჭჳ აქუნდა ცოდვათაჲ შემწირველთა მათ, ერთვემცა განწმედილ იყვნეს,
არამედ მას შინა კუალად მოჴსენებაჲ ცოდვათაჲ წლითი წლად,
რამეთუ ვერ შემძლებელ არს სისხლი ვაცთაჲ და ზუარაკთაჲ აჴოცად ცოდვათა.
ამისთჳს შემოვალს სოფლად, იტყჳს: შესაწირავი და მსხუერპლი არა გთნდა, ხოლო ჴორცნი დამამტკიცენ მე.
საკუერთხი ცოდვათათჳს არა ვითხოვე.
მაშინ ვთქუ: ესერა, მოვალს, თავსა წიგნთასა Page of ms. P: 275V წერილ არს ჩემთჳს.
Page of ms. P: 52V გუაქუს უკუე, ძმანო, კადნიერებაჲ შესლვად სიწმიდეთა მათ სისხლითა იესუჲსითა,
რომელ-იგი განგჳახლა ჩუენ გზაჲ ახალი და ცხოველი კრეტსაბმელითა მით, ესე იგი არს ჴორცითა მით,
მღდელთმოძღუარი დიდი სახლსა ღმრთისასა.
მოუჴდეთ მას ჭეშმარიტითა გულითა და განსრულებულითა სარწმუნოებითა, სხურებულნი გულითა იჭჳსაგან ბოროტისა
და განბანილნი გუამითა წყლითა წმიდითა. შევიკრაძალოთ აღსარებაჲ Page of ms. P: 53R იგი სარწმუნოებისაჲ მართლ, რამეთუ სარწმუნო არს, რომელმან-იგი აღგჳთქუა.
და განვიცდიდეთ ურთიერთას აღბაძვებად სიყუარულისა და კეთილთა საქმეთა.
ნუ დაუტევებთ შესაკრებელსა თჳსსა, ვითარცა ჩუეულებაჲ არს ვიეთიმე, არამედ ნუგეშინის-სცემდით და ესოდენ უფროჲს, ვითარცა-იგი ხედავთ მოახლებულსა მას დღესა.
Page of ms. P: 193R გუაქუს უკუე, ძმანო, კადნიერებაჲ შესლვად სიწმიდესა მას სისხლითა იესუჲსითა, რომელი
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
და მღდელთმოძღუარი დიდი სახლსა შინა ღმრთისასა,
მოუჴდეთ მას Page of ms. P: 193V ჭეშმარიტითა გულითა და განსრულებულითა სარწმუნოებითა, სხურებულნი გულითა იჭჳსაგან ბოროტისა
და განბანილნი გუამითა წყლითა წმიდითა, შევიკრძალოთ აღსარებაჲ იგი სასოებისაჲ მართლ, რამეთუ სარწმუნო არს, რომელმან-იგი აღმითქუა.
და განვიცდიდეთ ურთიერთას აღბაძვებად სიყუარულსა და კეთილთა საქმეთა.
ნუ დაუტევებთ შესაკრებელსა თჳსსა, ვითარცა-იგი ჩუეულებაჲ არს ვიეთმე, არამედ ნუგეშინის-სცემდით და უფროჲს ესოდენ, ვითარცა-იგი ხედავთ მოახლებულსა მას დღესა.
Page of ms. P: _ Page of ms. S: 200V რამეთუ ნეფსით შეცოდებათა მათთათჳს, შემდგომად მოღებისა ჭეშმარიტისა მეცნიერებისა, არღარა ცოდვათათჳს მოაკლდების მსხუერპლი.
არამედ საშინელი რაჲმე მოლოდებაჲ საშჯელისაჲ და ცეცხლისაჲ შური შეშჭამდეს კადნიერთა მათ.
და რომელმან შეურაცხ-ყოს შჯული მოსჱსი, თჳნიერ წყალობისა, ორითა ანუ სამითა მოწამითა, Page of ms. S: 201R მოკუდეს,
რავდენ უძჳრჱსისა ტანჯვისა ღირს [არს], რომელმან ძჱ ღმრთისაჲ შეურაცხ-ყოს და სისხლი იგი აღთქუმისაჲ არა ღირსად შეჰრაცხოს, რომლითა-იგი განწმედილ იყო, და სული იგი მადლისაჲ აგინა?
რამეთუ ვიცით, რომელმან-იგი თქუა: ჩემი არს შურის-გებაჲ და მე მივაგო, იტყჳს უფალი, და მერმე იტყჳს, რამეთუ: განიკითხოს უფალმან ერი თჳსი.
საშინელ არს შევრდომაჲ ჴელთა ღმრთისა ცხოველისათა.
Page of ms. S: _ Page of ms. P: 295R მოიჴსენებდით პირველთა მათ დღეთა, რომელთა შინა ღუაწლი დაითმინეთ ვნებათაჲ,
ესე არს, ყუედრებათა და ჭირთა შინა სოფლის სახილველ იქმნენით და ესე არს, რამეთუ ეზიარენით თქუენ მათ, რომელნი ამას შინა იქცეოდეს;
და რამეთუ პყრობილთაცა მათცა სწყალობდით, და იავარის-ყოფაჲ იგი ნაყოფთა თქუენთაჲ სიხარულად შეჰრაცხეთ; იცით, რამეთუ გაქუს თავისა თქუენისა უმჯობესი ნაყოფი და საუკუნოჲ.
ნუ განიშორებთ განცხადებულებასა მაგას თქუენსა, რომელსა აქუს სასყიდელი დიდი მოძღურებისაჲ,
რამეთუ მოთმინებაჲ გიჴმს თქუენ, რაჲთა ნებაჲ ღმრთისაჲ ჰყოთ და მოიღოთ თქუენ აღნათქუემი იგი.
მცირედრე, წუთ ერთ, მომავალი იგი მოვიდეს და არა ყოვნოს.
ხოლო მართალი იგი სარწმუნოებითა ცხონდეს; და უკუეთუ იჯმნეთ მისგან, არა სთნავს სულსა ჩემსა.
ხოლო ჩუენ არა ვართ ჯმნულებისა მის წარსაწყმედელად, არამედ სარწმუნოებისა შესაწევნელად სულისა.
