Page of ms. K: _ Page of ms. L: 337R ერთსა მას შაბათსა მარიამ მაგდანელი მოვიდა განთიად, ვიდრე ბნელღა იყო, საფლავსა მას,
რბიოდა და მოვიდა სიმონ-პეტრესა და სხუისა მის მოწაფისა, რომელი უყუარდა იესუს, და ჰრქუა მათ: აღიღეს უფალი ჩემი საფლავისაგან და არა უწყი, სადა დადვეს იგი.
გამოვიდა პეტრე და სხუაჲ იგი მოწაფჱ, მოვიდეს საფლავად.
რბიოდეს ორნივე ზოგად. ხოლო სხუაჲ იგი მოწაფჱ წინა რბიოდა უადრეს პეტრესსა; Page of ms. L: 337V მოვიდა პირველად საფლავად.
შთახედნა საფლავსა მას და იხილნა ტილონი მდებარენი და შინა არა შევიდა.
მოვიდა სიმონ-პეტრეცა შემდგომად მისა, შევიდა საფლავად და იხილნა ტილონი იგი მდებარენი,
და სუდარი იგი, რომელი იყო თავსა მისსა არა ტილოთა თანა მდებარე, არამედ თუისაგან შეკეცილი ერთსა ადგილსა.
და წარვიდეს კუალად თუისაგან მოწაფენი იგი.
ხოლო მარიამ დგა გარეშე საფლავსა მას, ტიროდა. და ვითარ ტიროდა, შთახედნა საფლავსა მას.
და იხილნა ორნი ანგელოზნი სპეტაკითა მოსილნი, მსხდომარენი ერთი თავით, ერთი ფერჴით, სადა-იგი იდვა გუამი უფლისა იესუისი. Page of ms. L: 338R
და ჰრქუეს ანგელოზთა [მათ]: დედაკაცო, რასა სტირ, ანუ ვის ეძიებ? ხოლო მან ჰრქუა მათ, რამეთუ: აღიღეს უფალი ჩემი საფლავისაგან და არა უწყი, სადა დადვეს იგი.
ესე რაჲ თქუა, მიიქცა გარე და იხილა იესუ მდგომარჱ და არა უწყოდა, რამეთუ იესუ არს.
ჰრქუა მას იესუ: დედაკაცო, რასა სტირ, ანუ ვის ეძიებ? მას ეგონა, ვითარმედ მემტილე იგი არს; ჰრქუა მას: უფალო, უკუეთუ შენ აღიღე იგი, მითხარ, სადა დასდევ, რაჲთა მე წარმოვიღო იგი.
ჰრქუა მას იესუ: მარიამ! [მი]იხილა მან გარე და ჰრქუა მას ებრაელებრ: რაბი! რომელ ჰრქუიან მოძღუარ, და მირბიოდა შემთხუევად მისა.
ჰრუქა მას იესუ: ნუ შემომეხები მე, რამეთუ არღა აღსრულ ვარ მამისა ჩემი\სა; Page of ms. L: 337V წარვედ და არქუ ძმათა ჩემთა: აღვალ მამისა ჩემისა და მამისა თქუენისა, ღმრთისა ჩემისა და ღმრთისა თქუენისა.
მოვიდა მარიამ მაგდანელი თხრობად მოწაფეთა მისთა, რამეთუ იხილა უფალი და ესრეთ ჰრქუა მას.
Page of ms. L: 341V და ვითარცა შემწუხრდა დღჱ იგი ერთშაბათისაჲ მის, და კარნი დაჴშულ იყვნეს, სადა Page of ms. L: 342R იყვნეს მოწაფენი დამალულ შიშისათუის ჰურიათაჲსა, მოვიდა იესუ, დადგა შორის მათსა და ჰრქუა მათ: მშუიდობაჲ თქუენ თანა!
და ესე ვითარცა თქუა, უჩუენნა მათ ჴელნიცა და გუერდიცა თუისი; და განიხარეს მოწაფეთა, იხილეს რაჲ უფალი.
და ჰრქუა მათ მეორედ: მშუიდობაჲ ჩემი თქუენ თანა! ვითარცა მომავლინა მე მამამან, მეცა წარგავლინებ თქუენ.
და ესე რაჲ თქუა, შთაჰბერა და ჰრქუა: მიიღეთ სული წმიდაჲ.
უკუეთუ ვიეთმე მიუტევნეთ ცოდვანი, მიეტევნენ მათ; უკუეთუ რომელნი შეიპყრნენ, შეპყრობილ იყვნენ.
ხოლო თომა, ერთი ათორმეტთაგანი, რომელსა ერქუა მარჩბივ, არა იყო მათ თანა, რაჟამს-\იგი Page of ms. L: 341V მოვიდა იესუ.
უთხრობდეს სხუანი იგი მოწაფენი, ვითარმედ: ვიხილეთ ჩუენ უფალი. ხოლო მან ჰრქუა მათ: უკუეთუ არა ვიხილო ჴელთა მისთა სახეჲ იგი სამშჭუალთაჲ, [არა] დავასხნე თითნი ჩემნი ადგილსა მას სამშჭუალთასა და [არა] დავსდვა ჴელი ჩემი გუერდსა მისსა, არასადა მრწმენეს. Page of ms. L: 365R
და შემდგომად რვისა დღისა კუალად იყვნეს მოწაფენი შინაგან, და თომაცა მათ თანა. და შევიდა იესუ კართა ჴშულთა, დადგა შორის მათსა და ჰრქუა მათ: მშჳდობაჲ თქუენ თანა, მე ვარ!
ჰრქუა თომას: მოყვენ თითნი შენნი აქა და იხილენ ჴელნი ჩემნი, დასდევ ჴელი შენი გუერდსა ჩემსა და ნუ იყოფი ურწმუნო, არამედ გრწმენინ.
მიუგო თომა და ჰრქუა: ღმერთი ჩემი და უფალი ჩემი!
ჰრქუა მას იესუ: რამეთუ მიხილე მე და გრწამ; ნეტარ არიან, რომელთა არა უხ\ილავ Page of ms. L: 341V და ვჰრწმენე.
მრავალნი სასწაულნი ქმნნა იესუ წინაშე მოწაფეთა მისთა, რომელ არა წერილ არიან წიგნსა ამას.
ხოლო ესე წერილ არს, რაჲთა გრწმენეს, რამეთუ იესუ არს ქრისტე, ძეჲ ღმრთისაჲ, და რაჲთა გრწმენენ და ცხორებაჲ გაქუნდეს სახელითა მისითა.
