მოუჴდეს მას დღესა შინა მოწაფენი და ეტყოდეს: ვინ-მე უფროჲს იყოს სასუფეველსა ცათასა?
და მოუწოდა იესუ ყრმასა და დაადგინა შორის მათსა
და ჰრქუა: ამენ გეტყჳ თქუენ: უკუეთუ არა მოიქცეთ და იქმნეთ ვითარცა ყრ\მანი Page of ms. P: 264R ესე, ვერ შეხჳდეთ სასუფეველსა ცათასა.
რამეთუ რომელმან დაიმდაბლოს თავი თჳსი, ვითარცა ყრმაჲ ესე, უფროჲს იყოს სასუფეველსა ცათასა.
რომელმან შეიწყნაროს ყრმაჲ ერთი ესრე სახედ სახელითა ჩემითა, მე შემიწყნარა.
და რომელმან დააპკოლოს ერთი მცირეთა მათგანი, ჩემდა მომართ მორწმუნეთაჲ, უმჯობჱს არს მისა, და-თუ-მოიკიდოს ფქვილი [ვირით] საფქველი ქედსა მისსა და დაინთქას იგი უფსკრულსა ზღჳსასა.
ვაჲ სოფლისა საცთურთა მათ, რამეთუ უნებლიაჲთცა მომავალ არს საცთური; ხოლო ვაჲ კაცისა მის, რომლისაგან საცთური მოვიდეს.
უკუეთუ ჴელი შენი გაცთუნებდეს გინა ფერჴი, მოიკუეთე და განაგდე შენგან: უმჯობჱს არს შენდა შესლვაჲ ცხორებასა მკელობელისაჲ გინა უჴელოჲსაჲ, ვიდრე ორნი ჴელნი გინა თუ ფერჴნი გესხნენ და შთაჰვარდე გეჰენიასა და ცეცხლისასა.
და თუ თუალი შენი გაცთუნებდეს შენ, აღმოიღე და განაგდე შენგან: უმჯობჱს არს შენდა ერთ-თუალისაჲ შესლვად ცხორებასა, ვიდრე ორთა თუალთა სხმასა და შთასლვად გეჰენიასა ცეცხლისასა.
ეკრძალენით, ნუუკუე შეურაცხ-ჰყოთ ვინმე ერთი მცირეთაგანი. გეტყჳ თქუენ, რამეთუ ანგელოზნი მათნი მარადის ხედვენ პირსა მამისა ჩემისასა, რომელ არს ცათა შინა.
Page of ms. P: 308V უკუეთუ შეგცოდოს შენ ძმამან შენმან, მივედ და ამხილე მას შენ შორის და მის შორის მარტოდ. უკუეთუ ისმინოს შენი, შეიძინო ძმაჲ იგი შენი.
უკუეთუ არა ისმინოს შენი, მიიყვანე შენ თანა ერთი ანუ ორი სხუაჲ, რაჲთა ორისა და სამისა მოწამისაჲთა დაემტკიცოს სიტყუაჲ ყოველი.
უკუეთუ არა ისმონოს მათი, უთხარ კრებულსა; უკუეთუ კრებულისაჲცა არა ისმინოს, იყავნ იგი შენდა, ვითარცა ხარკისმიმჴდელი და მეზუერჱ.
ამენ გეტყჳ თქუენ: რომელი შეჰკრათ ქუეყანასა ზედა, კრულ იყოს იგი ცათა შინა: და რომელი განჰჴსნათ ქუეყანასა ზედა, ჴსნილ იყოს იგი ცათა შინა.
მერმე ამენ გეტყჳ თქუენ: უკუეთუ ორნი თქუენგანნი შეითქუნენ ქუეყანასა ზედა ყოვლისავეთჳს საქმისა, რომელიცა ითხოონ, მამისაგან ჩემისა ზეცათაჲსა ეყოს მათ.
რამეთუ სადაცა იყვნენ ორნი გინა სამნი სახე\ლისა Page of ms. P: 309R ჩემისათჳს შეკრებულ, მუნ ვარ შორის მათსა.
Page of ms. P: _ Page of ms. L: 425V მაშინ მოუჴდა იესუ[ს] პეტრე და ჰრქუა: უფალო, რავდენგზის შემცოდოს მე ძმამან ჩემმან, და მიუტეო მას? ვიდრე შუიდგზისამდე?
ჰრქუა მას იესუ: არა გეტყუი შენ Page of ms. L: 426R ვიდრე შუიდგზისამდე, არამედ ვიდრე სამეოცდაათჯერ შუიდგზის.
ამისთუის ემსგავსა სასუფეველი ცათაჲ კაცსა მეუფესა, რომელმან ინება სიტყუისა განგებაჲ მონათა თუისთა თანა.
და ვითარცა იწყო განგებად, წარმოუდგინეს მას ერთი თანამდები ბევრისა შანთისა.
და ვითარ არაჲ აქუნდა მას, რაჲმცა მისცა, უბრძანა უფალმან მისმან განსყიდაჲ ცოლისა მისისაჲ და შვილთა მისთაჲ და ყოველი, რაჲცა აქუნდა მას, და გარდაჴდად იგი.
დავარდა მონაჲ იგი, თაყუანის-სცემდა მას, ეტყოდა: სულგრძელ მექმენ მე ჩემ ზედა და ყოველივე მოგცე შენ.
შეეწყალა უფალსა მას მონაჲ იგი და განუტევა Page of ms. L: 425V იგი, თანანადები იგი მიუტევა მას.
და ვითარცა გამოვიდა მონაჲ იგი, პოა ერთი მოყუასი თუისი, რომელსა თანაედვა მისი ასი დრაჰკანი; შეიპყრა იგი, შეაშთობდა და ეტყოდა: მომეც მე, რაჲცა თანაგაც.
შეურდა მოყუასი იგი თუისი, ევედრებოდა მას და ეტყოდა: სულგრძელ მექმენ ჩემ ზედა და მიგცე შენ.
ხოლო მან არა ისმინა მისი, არამედ უფროისღა აურვებდა მას და შეაგდო იგი საპყრობილესა, ვიდრემდის მისცეს მას თანანადები იგი.
იხილეს რაჲ მოყუასთა მისთა საქმე ესე, შეწუხნეს ფრიად, და მივიდეს, აუწყეს უფალსა მათსა ყოველი ესე, რაჲცა-იგი [ი]ყო.
მაშინ მოუწოდა უფალმან მისმან და ჰრქუა მას: მონაო ბოროტო და უგუნურო, ყოველივე თანანადები შენი მოგიტევე შენ, რამეთუ მევედრე; Page of ms. L: 427R
არა ჯერ-იყოა შენდაცა, რაჲთამცა შეიწყალე მოყუასი იგი შენი, ვითარცა მე შეგიწყალე შენ?
და განურისხდა მას უფალი იგი თუისი და მისცა იგი ჴელთა მტანჯველთასა, ვითარმედ გარდაიჴადოს ყოველი იგი თანანადები მისი.
ეგრეცა მამამან ჩემმან ზეცათამან გიყოს თქუენ, არა თუ მიუტევნეთ კაცად-კაცადმან ძმათა თქუენთა.
