TITUS
Biblia Iberica: Psalterium et Odae
Part No. 146
Previous part

Chapter: 146 
Verse: 1  Link to mcat Link to sept Link to armat   აქებდით უფალსა, რამეთუ კეთილ არს გალობაჲ; ღმერთსა ჩუენსა, ტკბილ ეყავნ მას კებაჲ.

Verse: 2  Link to mcat Link to sept Link to armat   აღაშჱნოს იერუსალემი უფალმან და განბნეულნი ისრაელისანი შეკრიბნეს,

Verse: 3  Link to mcat Link to sept Link to armat   რომელმან განკურნნის შემუსრვილნი გულითა და შეუხჳნნის წყლულებანი მათნი;

Verse: 4  Link to mcat Link to sept Link to armat   რომელმან აღრაცხის სიმრავლჱ ვარსკულავთაჲ და ყოველთავე მათ სახელით უწესნ.

Verse: 5  Link to mcat Link to sept Link to armat   დიდ არს უფალი ჩუენი, დიდ არს ძალი მისი და გულისხმისა მისისაჲ არა არს რიცხუ.

Verse: 6  Link to mcat Link to sept Link to armat   შეიწყნარნის მშჳდნი უფალმან, ხოლო დაამდაბლნის ცოდვილნი მიწამდე.

Verse: 7  Link to mcat Link to sept Link to armat   აკურთხევდით უფალსა აღსაარებითა და უგალობდით მას ქებითა,

Verse: 8  Link to mcat Link to sept Link to armat   რომელმან შემოსნა ცანი ღრუბლითა და განუმზადა წჳმაჲ ქუეყანასა, რომელმან აღმოაცჱნის თივაჲ მთათა და მწუანჱ სამსახურებელად კაცთა;

Verse: 9  Link to mcat Link to sept Link to armat   რომელმან მოსცის საზრდელი პირუტყუთა და მართუეთა ყორნისათა, რომელნი ჰხადიან მას,

Verse: 10  Link to mcat Link to sept Link to armat   არა თუ ძალი ცხენისაჲ უნდა უფალსა არცა ბარკალსხჳლნი გმირისანი სთნდეს მას;

Verse: 11  Link to mcat Link to sept Link to armat   არამედ სთნდეს უფალსა მოშიშნი მისნი და რომელნი ესვენ წყალობათა მისთა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.