TITUS
Biblia Iberica: Psalterium et Odae
Part No. 149
Previous part

Chapter: 149 
Verse: 1  Link to mcat Link to sept Link to armat   უგალობდით უფალსა გალობითა ახლითა, ქებაჲ მისი ეკლესიასა წმიდათასა.

Verse: 2  Link to mcat Link to sept Link to armat   იხარებდ, ისრაელ, შემოქმედისა მიმართ თჳსისა, და ძენი სიონისანი უგალობდით მეუფესა მათსა.

Verse: 3  Link to mcat Link to sept Link to armat   აქებდით სახელსა მისსა კურთხევითა, ქებითა და ფსალმუნითა უგალობდით მას.

Verse: 4  Link to mcat Link to sept Link to armat   რამეთუ სთნავს უფალსა ერი თჳსი და აღამაღლნეს მშჳდნი ცხოვრებითა.

Verse: 5  Link to mcat Link to sept Link to armat   იქადიან წმიდანი დიდებითა, იხარებენ სასუენებელსა ზედა მათსა.

Verse: 6  Link to mcat Link to sept Link to armat   აღმაღლებაჲ ღმრთისაჲ პირსა შინა მათსა, და მახჳლი ორპირი ჴელთა მათთა

Verse: 7  Link to mcat Link to sept Link to armat   შურის-გებად წარმართთა შორის და შეტყუებად ყოვლისა ერისა,

Verse: 8  Link to mcat Link to sept Link to armat   შეკრვად მეფენი მათნი ბორკილითა და პატიოსანნი მათნი - ჴელბორკილითა რკინისაჲთა,

Verse: 9  Link to mcat Link to sept Link to armat   ყოფად მათ შორის საშჯელი, ვითარცა წერილ არს; დიდებაჲ ესე არს ყოველთა წმიდათა მისთაჲ.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.