TITUS
Biblia Iberica: Psalterium et Odae
Part No. 62
Previous part

Chapter: 62 
Verse: 2  Link to mcat Link to sept Link to armat   ღმერთო, ღმერთო ჩემო, შენდამი აღვიმსთე; სურიან სულსა ჩემსა შენდამი. რაოდენჯერ არს ჴორცი ესე ჩემი, ვითარცა ქუეყანასა ზედა უდაბნოსა, უგზოსა და ურწყულსა?

Verse: 3  Link to mcat Link to sept Link to armat   ესრეთ წმიდასა შინა გეჩუენო შენ, რაჲთა ვიხილო მე ძალი და დიდებაჲ შენი.

Verse: 4  Link to mcat Link to sept Link to armat   რამეთუ უმჯობეს არს ჩემდა წყალობაჲ შენი უფროჲს საცხორებელთასა და ბაგენი ჩემნი გაქებდენ შენ.

Verse: 5  Link to mcat Link to sept Link to armat   ესრეთ გიგალობდე შენ, ცხორებაო ჩემო, და სახელითა შენითა აღვიპყრნე შენდამი ჴელნი ჩემნი.

Verse: 6  Link to mcat Link to sept Link to armat   ვითარცა ცმელითა სიპოხისაჲ[თა] განძღეს სული ჩემი და ბაგითა გალობისაჲთა გაქებდეს შენ პირი ჩემი.

Verse: 7  Link to mcat Link to sept Link to armat   უკუეთუმცა მოგიჴსენე შენ სარეცელთა ჩემთა ზედა, ცისკარსამცა აღვიმსთვე და გევედრებოდე შენ;

Verse: 8  Link to mcat Link to sept Link to armat   რამეთუ შენ შემწე მეყავ მე და საფარველსა ფრთეთა შენთასა ვიხარებდე.

Verse: 9  Link to mcat Link to sept Link to armat   მიგდევდა შენ სული ჩემი და მე შემიწყნარა მარჯუენემან შენმან.

Verse: 10  Link to mcat Link to sept Link to armat   ხოლო მათ ცუდად იძიეს სული ჩემი, შთაჴდენ იგინი ქუესკნელთა თანა ქუეყანისათა.

Verse: 11  Link to mcat Link to sept Link to armat   მიეცნენ იგინი ჴელთა მახუილისათა, ნაწილად მელთა იყვნენ იგინი.

Verse: 12  Link to mcat Link to sept Link to armat   ხოლო მეუფე იხარებდეს ღმრთისა მიმართ და იქნენ ყოველნი, რომელნი ფუცვენ მისა, რამეთუ დაიყო პირი, რომელი იტყოდა სიცრუესა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.