TITUS
Biblia Iberica: Psalterium et Odae
Part No. 63
Previous part

Chapter: 63 
Verse: 2  Link to mcat Link to sept Link to armat   შეგესემინ, ღმერთი, ლოცვისა ჩემისაჲ, ვილოცვიდე რაჲ მე შენდამი, შიშისაგან მტერისა იჴსენ სული ჩემი.

Verse: 3  Link to mcat Link to sept Link to armat   დამიფარე მე კრებულისაგან უკეთურთაჲსა და მრავალთაგან მოქმედთა უშჯულოებისათა.

Verse: 4  Link to mcat Link to sept Link to armat   რომელთა აღილესნეს ვითარცა მახჳლნი ენანი მათნი, გარდააცუეს მშუილდსა მათსა საქმითა სიმწარისაჲთა,

Verse: 5  Link to mcat Link to sept Link to armat   რაჲთამცა სტყორცეს ბნელსა შინა ფარულად გულითა წრფელთა; მყის სისრა-უყო მათ, და არა შეიშინეს.

Verse: 6  Link to mcat Link to sept Link to armat   განიმტკიცეს თავისა მათისა სიტყუაჲ უკეთური, ზრახეს დარწყმაჲ მახისაჲ; და თქუეს: ვინ გჳხილნეს ჩუენ?

Verse: 7  Link to mcat Link to sept Link to armat   გამოიძინეს უსჯულოებანი მათნი, განიზრახეს გამოძიებაჲ გამოსაძიებელთა მათთა; წარდგეს კაცი სიღრმითა გულისა თჳსისაჲთა,

Verse: 8  Link to mcat Link to sept Link to armat   და ამაღლდეს ღმერთი. ისარ ჩჩჳლთა იქმნეს წყლულებანი მათნი

Verse: 9  Link to mcat Link to sept Link to armat   მოუძლურდეს ენანი მათნი მათ თანა. შეძრწუნდეს ყოველნი, რომელნი ხედვიდეს მათ.

Verse: 10  Link to mcat Link to sept Link to armat   და შეეშინა ყოველსა კაცსა. უთხრნეს მათ საქმენი ღმრთისანი და დაბადებულნი მისნი გულისჴმა-ყვნეს

Verse: 11  Link to mcat Link to sept Link to armat   იხარებდით მართალნი უფლისა მიმართ, ესევდით მას და მისგან იქადოდეთ ყოველნი წრფელნი გულითა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.