ღმერთო, შეწევნასა ჩემსა მომხედენ, ღმერთო, შეწევნად ჩემიდა ისწრაფე.
ჰრცხუენოდენ და კდემებოდენ, რომელნი ეძიებენ სულსა ჩემსა. მართლუკუნ იქცენ და სირცხჳლეულ იქმნენ, რომელნი ზრახვიდეს ჩემთჳს ძუირსა.
მიიქცენ მუნთქუესვე სირცხუილეულნი, რომელნი მეტყოდეს მე: ვაშა, ვაშა!
იხარებდენ და იშუებდენ შენდამი ყოველნი, რომელნი გეძიებენ შენ, უფალო. თქუედ მარადის: დიდ არს ღმერთი! რომელთა უყუარს მაცხოვარებაჲ შენი.
ხოლო მე გლახაკ და დავრდომილ ვარი მე, ღმერთო, შემეწიე მე; შემწე და მჴსნელი ჩემი ხარი შენ; ღმერთო ჩემო, ნუ მაყოვნებ მე.
