TITUS
Biblia Iberica: Psalterium et Odae
Part No. 91
Previous part

Chapter: 91 
Verse: 2  Link to mcat Link to sept Link to armat   კეთილ არს აღსაარებაჲ უფლისაჲ და გალობად სახელსა შენსა, მაღალო;

Verse: 3  Link to mcat Link to sept Link to armat   მითხრობად ცისკარსა წყალობაჲ შენი და ჭეშმარიტებაჲ შენი ღამე,

Verse: 4  Link to mcat Link to sept Link to armat   ათძალითა მით საფსალმუნისაჲთა და ჴმითა კურთხევისაჲთა ქებაჲ;

Verse: 5  Link to mcat Link to sept Link to armat   რამეთუ მახარენ ჩუენ დაბადებულითა შენითა, და ქმნულსა ჴელთა შენთასა ვიშუებდეთ,

Verse: 6  Link to mcat Link to sept Link to armat   რამეთუ განდიდნეს საქმენი შენნი, უფალო, და ფრიად ღრმა არიან ზრახვანი შენნი.

Verse: 7  Link to mcat Link to sept Link to armat   კაცმან სულელმან ესე არა ცნას, და უგუნურმან არა გულისჴმა-ყვის ესე.

Verse: 8  Link to mcat Link to sept Link to armat   აღმოცენებაჲ ცოდვილთაჲ ვითარცა თივაჲ და გამოჩინებაჲ მათი, რომელნი იქმან უსჯულოებასა, რაჲთა მოისრნენ უკუნითი უკუნისამდე.

Verse: 9  Link to mcat Link to sept Link to armat   ხოლო შენ მაღალ ხარ უკუნისამდე, ღმერთო.

Verse: 10  Link to mcat Link to sept Link to armat   რამეთუ აჰა ესერა მტერნი შენნი, უფალო, რამეთუ აჰა ესერა მტერნი შენნი წარწყმდეს, და განიბნინენ ყოველნი, რომელნი იქმან უსჯულოებასა.

Verse: 11  Link to mcat Link to sept Link to armat   აღმაღლდეს, ვითარცა მარტორქისა, რქაჲ ჩემი, სიბერე ჩემი ზეთითა და პოხიერებითა.

Verse: 12  Link to mcat Link to sept Link to armat   იხილოს თუალმან ჩემმან მტერთა ჩემთაჲ, და რომელნი აღდგომილ არიან ჩემ ზედა ბოროტებით, მათი ესმას ყურსა ჩემსა.

Verse: 13  Link to mcat Link to sept Link to armat   მართალი ვითარცა ფინიკი ყუაოდის და ვითარცა ნაძუი ლიბანისაჲ განმრავლდეს.

Verse: 14  Link to mcat Link to sept Link to armat   დანერგულ იყვნენ სახლსა უფლისასა, ეზოთა სახლისა ღმრთისა ჩუენისათა ყუაოდიან.

Verse: 15  Link to mcat Link to sept Link to armat   უფროჲსად განმრავლდეს სიბერესა მას სიპოხისასა, ფუფუნეულ და ჩჩჳლ იყვნენ თხრობასა.

Verse: 16  Link to mcat Link to sept Link to armat   რამეთუ წრფელ არს უფალი ღმერთი ჩუენი, და არა არს სიცრუე მის თანა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.