TITUS
Rg-Veda: Rg-Veda-Samhita
Part No. 163
Previous part

Hymn: 163 
Verse: 1 
Halfverse: a    yád ákrandaḥ pratʰamáṃ jā́yamāna udyán samudrā́d utá vā púrīṣāt /
   yád ákrandaḥ pratʰamáṃ jā́yamāna
   yát ákrandaḥ pratʰamám jā́yamānaḥ
   yád ákrandaḥ pratʰamáṃ jā́yamāna

Halfverse: b    udyán samudrā́d utá vā púrīṣāt /
   udyán samudrā́t utá vā púrīṣāt /
   udyán samudrā́d utá vā púrīṣāt /

Halfverse: c    śyenásya pakṣā́ hariṇásya bāhū́ upastútyam máhi jātáṃ te arvan //
   śyenásya pakṣā́ hariṇásya bāhū́
   śyenásya pakṣā́ hariṇásya bāhū́
   śyenásya pakṣā́ hariṇásya bāhū́

Halfverse: d    upastútyam máhi jātáṃ te arvan //
   upastútyam máhi jātám te arvan //
   upastútyam máhi jātáṃ te arvan //


Verse: 2 
Halfverse: a    yaména dattáṃ tritá enam āyunag índra eṇam pratʰamó ádʰy atiṣṭʰat /
   yaména dattáṃ tritá enam āyunag
   yaména dattám tritáḥ enam āyunak
   yaména dattáṃ tritá enam āyunag

Halfverse: b    índra eṇam pratʰamó ádʰy atiṣṭʰat /
   índraḥ enam pratʰamáḥ ádʰi atiṣṭʰat /
   índra eṇam pratʰamó ádʰy atiṣṭʰat /

Halfverse: c    gandʰarvó asya raśanā́m agr̥bʰṇāt sū́rād áśvaṃ vasavo nír ataṣṭa //
   gandʰarvó asya raśanā́m agr̥bʰṇāt
   gandʰarváḥ asya raśanā́m agr̥bʰṇāt
   gandʰarvó asya raśanā́m agr̥bʰṇāt

Halfverse: d    sū́rād áśvaṃ vasavo nír ataṣṭa //
   sū́rāt áśvam vasavaḥ níḥ ataṣṭa //
   sū́rād áśvaṃ vasavo nír ataṣṭa //


Verse: 3 
Halfverse: a    ási yamó ásy ādityó arvann ási tritó gúhyena vraténa /
   ási yamó ásy ādityó arvann
   ási yamáḥ ási ādityáḥ arvan
   ási yamó ási ādityó arvann

Halfverse: b    ási tritó gúhyena vraténa /
   ási tritáḥ gúhyena vraténa /
   ási tritó gúhiyena vraténa /

Halfverse: c    ási sómena samáyā vípr̥kta āhús te trī́ṇi diví bándʰanāni //
   ási sómena samáyā vípr̥kta
   ási sómena samáyā vípr̥ktaḥ
   ási sómena samáyā vípr̥kta

Halfverse: d    āhús te trī́ṇi diví bándʰanāni //
   āhúḥ te trī́ṇi diví bándʰanāni //
   āhús te trī́ṇi diví bándʰanāni //


Verse: 4 
Halfverse: a    trī́ṇi ta āhur diví bándʰanāni trī́ṇy apsú trī́ṇy antáḥ samudré /
   trī́ṇi ta āhur diví bándʰanāni
   trī́ṇi te āhuḥ diví bándʰanāni
   trī́ṇi ta āhur diví bándʰanāni

Halfverse: b    trī́ṇy apsú trī́ṇy antáḥ samudré /
   trī́ṇi apsú trī́ṇi antár samudré /
   trī́ṇi apsú trī́ṇi antáḥ samudré /

Halfverse: c    utéva me váruṇaś cʰantsy arvan yátrā ta āhúḥ paramáṃ janítram //
   utéva me váruṇaś cʰantsy arvan
   utá iva me váruṇaḥ cʰantsi arvan
   utéva me váruṇaś cʰantsi arvan

Halfverse: d    yátrā ta āhúḥ paramáṃ janítram //
   yátra+ te āhúḥ paramám janítram //
   yátrā ta āhúḥ paramáṃ janítram //


Verse: 5 
Halfverse: a    imā́ te vājinn avamā́rjanānīmā́ śapʰā́nāṃ sanitúr nidʰā́nā /
   imā́ te vājinn avamā́rjanāni_
   imā́ te vājin avamā́rjanāni
   imā́ te vājinn avamā́rjanāni

Halfverse: b    _imā́ śapʰā́nāṃ sanitúr nidʰā́nā /
   imā́ śapʰā́nām sanitúḥ nidʰā́nā /
   imā́ śapʰā́nāṃ sanitúr nidʰā́nā /

Halfverse: c    átrā te bʰadrā́ raśanā́ apaśyam r̥tásya yā́ abʰirákṣanti gopā́ḥ //
   átrā te bʰadrā́ raśanā́ apaśyam
   átra+ te bʰadrā́ḥ raśanā́ḥ apaśyam
   átrā te bʰadrā́ raśanā́ apaśyam

Halfverse: d    r̥tásya yā́ abʰirákṣanti gopā́ḥ //
   r̥tásya yā́ḥ abʰirákṣanti gopā́ḥ //
   r̥tásya yā́ abʰirákṣanti gopā́ḥ //


Verse: 6 
Halfverse: a    ātmā́naṃ te mánasārā́d ajānām avó divā́ patáyantam pataṃgám /
   ātmā́naṃ te mánasārā́d ajānām
   ātmā́nam te mánasā ārā́t ajānām
   ātmā́naṃ te mánasārā́d ajānām

Halfverse: b    avó divā́ patáyantam pataṃgám /
   aváḥ divā́ patáyantam pataṃgám /
   avó divā́ patáyantam pataṃgám /

Halfverse: c    śíro apaśyam patʰíbʰiḥ sugébʰir areṇúbʰir jéhamānam patatrí //
   śíro apaśyam patʰíbʰiḥ sugébʰir
   śíraḥ apaśyam patʰíbʰiḥ sugébʰiḥ
   śíro apaśyam patʰíbʰiḥ sugébʰir

Halfverse: d    areṇúbʰir jéhamānam patatrí //
   areṇúbʰiḥ jéhamānam patatrí //
   areṇúbʰir jéhamānam patatrí //


Verse: 7 
Halfverse: a    átrā te rūpám uttamám apaśyaṃ jígīṣamāṇam iṣá ā́ padé góḥ /
   átrā te rūpám uttamám apaśyaṃ
   átra+ te rūpám uttamám apaśyam
   átrā te rūpám uttamám apaśyaṃ

Halfverse: b    jígīṣamāṇam iṣá ā́ padé góḥ /
   jígīṣamāṇam iṣáḥ ā́ padé góḥ /
   jígīṣamāṇam iṣá ā́ padé góḥ /

Halfverse: c    yadā́ te márto ánu bʰógam ā́naḷ ā́d íd grásiṣṭʰa óṣadʰīr ajīgaḥ //
   yadā́ te márto ánu bʰógam ā́naḷ
   yadā́ te mártaḥ ánu bʰógam ā́naṭ
   yadā́ te márto ánu bʰógam ā́naḷ

Halfverse: d    ā́d íd grásiṣṭʰa óṣadʰīr ajīgaḥ //
   ā́t ít grásiṣṭʰaḥ óṣadʰīḥ ajīgar //
   ā́d íd grásiṣṭʰa óṣadʰīr ajīgaḥ //


Verse: 8 
Halfverse: a    ánu tvā rátʰo ánu máryo arvann ánu gā́vó 'nu bʰágaḥ kanī́nām /
   ánu tvā rátʰo ánu máryo arvann
   ánu tvā rátʰaḥ ánu máryaḥ arvan
   ánu tvā rátʰo ánu máryo arvann

Halfverse: b    ánu gā́vó 'nu bʰágaḥ kanī́nām /
   ánu gā́vaḥ ánu bʰágaḥ kanī́nām /
   ánu gā́vo ánu bʰágaḥ kanī́nām /

Halfverse: c    ánu vrā́tāsas táva sakʰyám īyur ánu devā́ mamire vīryàṃ te //
   ánu vrā́tāsas táva sakʰyám īyur
   ánu vrā́tāsaḥ táva sakʰyám īyuḥ
   ánu vrā́tāsas táva sakʰyám īyur

Halfverse: d    ánu devā́ mamire vīryàṃ te //
   ánu devā́ḥ mamire vīryàm te //
   ánu devā́ mamire vīríyaṃ te //


Verse: 9 
Halfverse: a    híraṇyaśr̥ṅgó 'yo asya pā́dā mánojavā ávara índra āsīt /
   híraṇyaśr̥ṅgó 'yo asya pā́dā
   híraṇyaśr̥ṅgaḥ áyaḥ asya pā́dāḥ
   híraṇyaśr̥ṅgo áyo asya pā́dā

Halfverse: b    mánojavā ávara índra āsīt /
   mánojavāḥ ávaraḥ índraḥ āsīt /
   mánojavā ávara índra āsīt /

Halfverse: c    devā́ íd asya havirádyam āyan yó árvantam pratʰamó adʰyátiṣṭʰat //
   devā́ íd asya havirádyam āyan
   devā́ḥ ít asya havirádyam āyan
   devā́ íd asya havirádyam āyan

Halfverse: d    yó árvantam pratʰamó adʰyátiṣṭʰat //
   yáḥ árvantam pratʰamáḥ adʰyátiṣṭʰat //
   yó árvantam pratʰamó adʰyátiṣṭʰat //


Verse: 10 
Halfverse: a    īrmā́ntāsaḥ sílikamadʰyamāsaḥ sáṃ śū́raṇāso divyā́so átyāḥ /
   īrmā́ntāsaḥ sílikamadʰyamāsaḥ
   īrmā́ntāsaḥ sílikamadʰyamāsaḥ
   īrmā́ntāsaḥ sílikamadʰyamāsaḥ

Halfverse: b    sáṃ śū́raṇāso divyā́so átyāḥ /
   sám śū́raṇāsaḥ divyā́saḥ átyāḥ /
   sáṃ śū́raṇāso diviyā́so átyāḥ /

Halfverse: c    haṃsā́ iva śreṇiśó yatante yád ā́kṣiṣur divyám ájmam áśvāḥ //
   haṃsā́ iva śreṇiśó yatante
   haṃsā́ḥ iva śreṇiśáḥ yatante
   haṃsā́ iva śrayiṇiśó yatante

Halfverse: d    yád ā́kṣiṣur divyám ájmam áśvāḥ //
   yát ā́kṣiṣuḥ divyám ájmam áśvāḥ //
   yád ā́kṣiṣur diviyám ájmam áśvāḥ //


Verse: 11 
Halfverse: a    táva śárīram patayiṣṇv àrvan táva cittáṃ vā́ta iva dʰrájīmān /
   táva śárīram patayiṣṇv àrvan
   táva śárīram patayiṣṇú arvan
   táva śárīram patayiṣṇú arvan

Halfverse: b    táva cittáṃ vā́ta iva dʰrájīmān /
   táva cittám vā́taḥ iva dʰrájīmān /
   táva cittáṃ vā́ta iva dʰrájīmān /

Halfverse: c    táva śŕ̥ṅgāṇi víṣṭʰitā purutrā́raṇyeṣu járbʰurāṇā caranti //
   táva śŕ̥ṅgāṇi víṣṭʰitā purutrā́_
   táva śŕ̥ṅgāṇi víṣṭʰitā purutrā́
   táva śŕ̥ṅgāṇi víṣṭʰitā purutrā́

Halfverse: d    _áraṇyeṣu járbʰurāṇā caranti //
   áraṇyeṣu járbʰurāṇā caranti //
   áraṇyeṣu járbʰurāṇā caranti //


Verse: 12 
Halfverse: a    úpa prā́gāc cʰásanaṃ vājy árvā devadrī́cā mánasā dī́dʰyānaḥ /
   úpa prā́gāc cʰásanaṃ vājy árvā
   úpa prá agāt śásanam vājī́ árvā
   úpa prā́gāc cʰásanaṃ vājī́ árvā

Halfverse: b    devadrī́cā mánasā dī́dʰyānaḥ /
   devadrī́cā mánasā dī́dʰyānaḥ /
   devadrī́cā mánasā dī́dʰiyānaḥ /

Halfverse: c    ajáḥ puró nīyate nā́bʰir asyā́nu paścā́t kaváyo yanti rebʰā́ḥ //
   ajáḥ puró nīyate nā́bʰir asya_
   ajáḥ puráḥ nīyate nā́bʰiḥ asya
   ajáḥ puró nīyate nā́bʰir asya

Halfverse: d    _ánu paścā́t kaváyo yanti rebʰā́ḥ //
   ánu paścā́t kaváyaḥ yanti rebʰā́ḥ //
   ánu paścā́t kaváyo yanti rebʰā́ḥ //


Verse: 13 
Halfverse: a    úpa prā́gāt paramáṃ yát sadʰástʰam árvām̐ ácʰā pitáram mātáraṃ ca /
   úpa prā́gāt paramáṃ yát sadʰástʰam
   úpa prá agāt paramám yát sadʰástʰam
   úpa prā́gāt paramáṃ yát sadʰástʰam

Halfverse: b    árvām̐ ácʰā pitáram mātáraṃ ca /
   árvān ácʰa+ pitáram mātáram ca /
   árvām̐ ácʰā pitáram mātáraṃ ca /

Halfverse: c    adyā́ devā́ñ júṣṭatamo hí gamyā́ átʰā́ śāste dāśúṣe vā́ryāṇi //
   adyā́ devā́ñ júṣṭatamo hí gamyā́
   adyá+ devā́n júṣṭatamaḥ hí gamyā́ḥ
   adyā́ devā́ñ júṣṭatamo hí gamyā́

Halfverse: d    átʰā́ śāste dāśúṣe vā́ryāṇi //
   átʰa ā́ śāste dāśúṣe vā́ryāṇi //
   átʰā́ śāste dāśúṣe vā́riyāṇi //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.