TITUS Texts: Biblia Udica, Versio Nizhensis: Novum Testamentum

TITUS
Biblia Udica, Versio Nizhensis: Novum Testamentum
Part No. 79

Chapter: 11

P̣uri Lazari be͑yinbaksun
P'uri Lazari běyinbaksun

Verse: 1

Beṭanya ayize yäšäyinšala Lazar c̣iyen sa amdar azarayinšebaki. Šoṭay Mariya saal Marṭa c̣iyen ṗä͑ xunčine buy. ^*
Bet'anya ayize yəşəyinşala Lazar s'iyen sa amdar azarayinşebaki. Şot'ay Mariya saal Mart'a s'iyen p'ə̌ xunçine buy. ^*

Verse: 2

Mo haṭe *Q̣onʒ́uġoy loxol adeġala č̣äyin lapi Šoṭay turmoġo iz popen śarpi Mariyaney. Azarayinšaki Lazar šoṭay vičiney. ^*
Mo hat'e *Q'ončuğoy loxol adeğala c'əyin lapi Şot'ay turmoğo iz popen šarpi Mariyaney. Azarayinşaki Lazar şot'ay viçiney. ^*

Verse: 3

Xunčimoġonal "ay Q̣onʒ́ux, Vi čureġala amdar azarine" pi Isuseynaḳ xavarṭun yaq̇abi.
Xunçimoğonal "ay Q'ončux, Vi çureğala amdar azarine" pi İsuseynak' xavart'un yaq'abi.

Verse: 4

Isusen moṭo ibaki pine: "Me azari axər bisun tene, Buxaʒ́uġoy kala c̣i ćoyel č̣eyseynaḳe. Šoṭay \ kömäyen Buxaʒ́uġoy Ġaren kala c̣i q̇azayinšeq̇an pine bake".
İsusen mot'o ibaki pine: "Me azari axır bisun tene, Buxačuğoy kala s'i ç̌oyel c'eyseynak'e. Şot'ay \ köməyen Buxačuğoy Ğaren kala s'i q'azayinşeq'an pine bake".

Verse: 5

Isusen Marṭa, šoṭay xunča saal Lazara čuresay.
İsusen Mart'a, şot'ay xunça saal Lazara çuresay.

Verse: 6

Ama Lazari azari baksuna ibakaṭan Iz baki gala ṗä͑ ġiyal manedi.
Ama Lazari azari baksuna ibakat'an İz baki gala p'ə̌ ğiyal manedi.

Verse: 7

Oša isä Iz šagirdxo "ṗurum Iudeyina taġen" pine.
Oşa isə İz şagirdxo "p'urum İudeyina tağen" pine.

Verse: 8

Iz šagirdxon Šoṭo piṭun: "Ravvi, ṭeṭiya bakala iudeyxon samal vädä moṭoxun be͑ś Va źe͑layinšbsunṭun čuresay. Hun ṗurumal ṭeṭiya qayenbaksa?"
İz şagirdxon Şot'o pit'un: "Ravvi, t'et'iya bakala iudeyxon samal vədə mot'oxun běš Va ǰělayinşbsunt'un çuresay. Hun p'urumal t'et'iya qayenbaksa?"

Verse: 9

Isusen ǯoġabe tadi: "Ġine ṗac̣c̣e saad tene ki išiġ? Šu ġenaxun taraḳayin, tene lamandon, šoṭaynaḳ ki, me dünyänä išiġ baksuna görä aneksa.
İsusen coğabe tadi: "Ğine p'as's'e saad tene ki işiğ? Şu ğenaxun tarak'ayin, tene lamandon, şot'aynak' ki, me dünyənə işiğ baksuna görə aneksa.

Verse: 10

Ama šu üše taraḳayin, lamanedon, šoṭaynaḳ ki, ičusṭa išiġ tene bu".
Ama şu üşe tarak'ayin, lamanedon, şot'aynak' ki, içust'a işiğ tene bu".

Verse: 11

Isusen me äyitmoġoxun oša šoṭoġo pine: "Beši dosṭ Lazar neṗaxeci. Zu šoṭo muġurbseynaḳez taysa".
İsusen me əyitmoğoxun oşa şot'oğo pine: "Beşi dost' Lazar nep'axeśi. Zu şot'o muğurbseynak'ez taysa".

Verse: 12

Ṭe vädä Iz šagirdxon Šoṭo piṭun: "Ägär neṗaxecenesa, q̇olaybakale".
T'e vədə İz şagirdxon Şot'o pit'un: "Əgər nep'axeśenesa, q'olaybakale".

Verse: 13

Isusen šoṭay bisuni baradane exlätpsay, ama šoṭoġon ṭetärṭun fikirbsay ki, neṗaxesuni baradane nex.
İsusen şot'ay bisuni baradane exlətpsay, ama şot'oğon t'etərt'un fikirbsay ki, nep'axesuni baradane nex.

Verse: 14

Ṭe vädä Isusen šoṭoġo qay pine: "Lazar ṗurene.
T'e vədə İsusen şot'oğo qay pine: "Lazar p'urene.

Verse: 15

Ama Zu vä͑x görä mu͑qzu ki, ṭeṭiya tez bake - metär vä͑n Za lap usum ve͑ bakalnan. Isä ekinan šoṭay ṭo͑ġo͑l taġen".
Ama Zu və̌x görə mǔqzu ki, t'et'iya tez bake - metər və̌n Za lap usum vě bakalnan. İsə ekinan şot'ay t'ǒğǒl tağen".

Verse: 16

"Äkiz" ḳaleġala Ṭomasen ṭe soġo šagirdxo pine: "Ekinan yanal taci Isusaxun sagala biyen!"
"Əkiz" k'aleğala T'omasen t'e soğo şagirdxo pine: "Ekinan yanal taśi İsusaxun sagala biyen!"

Verse: 17

Isus ṭiya hari avanebaki ki, Lazar ene biṗ ġine *gärämzin boše.
İsus t'iya hari avanebaki ki, Lazar ene bip' ğine *gərəmzin boşe.

Verse: 18

Beṭanyay q̇a Yerusalimi arane \ qoc̣c̣e sṭadinaxunal ^* mal yaq̇e buy,
Bet'anyay q'a Yerusalimi arane \ qos's'e st'adinaxunal ^* mal yaq'e buy,

Verse: 19

šoṭaynaḳal Marṭa q̇a Mariya ičoġoy viči bisuna görä buldirisṭluġ tasṭa gele iudeyxone harey.
şot'aynak'al Mart'a q'a Mariya içoğoy viçi bisuna görə buldirist'luğ tast'a gele iudeyxone harey.

Verse: 20

Marṭa Isusi eysuna ibaki Šoṭay be͑śe č̣eri, Mariya isä ḳoyane čurpi.
Mart'a İsusi eysuna ibaki Şot'ay běše c'eri, Mariya isə k'oyane çurpi.

Verse: 21

Marṭan Isusa pine: "Ay Q̣onʒ́ux, ägär Hun memiya bakinuy, bezi viči tene biyoy.
Mart'an İsusa pine: "Ay Q'ončux, əgər Hun memiya bakinuy, bezi viçi tene biyoy.

Verse: 22

Ama avazu ki, Hun häysäl Buxaʒ́uġoxun ḳä čureġayin, Šoṭin Va tadale".
Ama avazu ki, Hun həysəl Buxačuğoxun k'ə çureğayin, Şot'in Va tadale".

Verse: 23

Isusen šoṭo "vi viči be͑yinbakale" pine.
İsusen şot'o "vi viçi běyinbakale" pine.

Verse: 24

Marṭan Šoṭo pine: "Avazu ki, be͑yinbakale, be͑yinbaksuni vädine, axərənǯi ġine šoval be͑yinbakale".
Mart'an Şot'o pine: "Avazu ki, běyinbakale, běyinbaksuni vədine, axırınci ğine şoval běyinbakale".

Verse: 25

Isusen šoṭo pine: "Zu - Yäšäyinšzu, be͑yinbaksunal Zaxune. Za ve͑ bakalo biyayinal, yäšäyinšale,
İsusen şot'o pine: "Zu - Yəşəyinşzu, běyinbaksunal Zaxune. Za vě bakalo biyayinal, yəşəyinşale,

Verse: 26

yäšäyinši Za ve͑ bakaloval sal sa vädä tene biyal. Moṭo ve͑nu?"
yəşəyinşi Za vě bakaloval sal sa vədə tene biyal. Mot'o věnu?"

Verse: 27

Marṭan Šoṭo ǯoġabe tadi: "Hoo, ay Q̣onʒ́ux, ve͑zu ki, Izi me dünyäne eysuna beš yaq̇be͑ġala Buxaʒ́uġoy Ġar, yäni Xrisṭos, Hunnu".
Mart'an Şot'o coğabe tadi: "Hoo, ay Q'ončux, vězu ki, İzi me dünyəne eysuna beş yaq'běğala Buxačuğoy Ğar, yəni Xrist'os, Hunnu".

Verse: 28

Marṭan moṭo piṭuxun oša taci iz xunči Mariya č̣äṗḳin ḳalpi pine: "Määlim memiyane, vane ḳale".
Mart'an mot'o pit'uxun oşa taśi iz xunçi Mariya c'əp'k'in k'alpi pine: "Məəlim memiyane, vane k'ale".

Verse: 29

Mariyan koṭo ibakala ḳinäḳ kap hayzeri Isusi ṭo͑ġo͑le taci.
Mariyan kot'o ibakala k'inək' kap hayzeri İsusi t'ǒğǒle taśi.

Verse: 30

Isus hälä ayize tene bacey, Šo Marṭa Iz be͑ś č̣eri gala čurpeney.
İsus hələ ayize tene baśey, Şo Mart'a İz běš c'eri gala çurpeney.

Verse: 31

Mariya üḳ tadala, ičuxun sagala ḳoya bakala iudeyxon šoṭay kap hayzeri qavuna č̣eysuna aḳaṭan piṭun ṗoyla ki, o͑no͑pseynaḳ *gärämzoġone taysa. Koṭo göräl šoṭay bać̣anexun \ taṭunci.
Mariya ük' tadala, içuxun sagala k'oya bakala iudeyxon şot'ay kap hayzeri qavuna c'eysuna ak'at'an pit'un p'oyla ki, ǒnǒpseynak' *gərəmzoğone taysa. Kot'o görəl şot'ay bač'anexun \ tat'unśi.

Verse: 32

Mariyan Isusi bakala gala ṗaṗi Šoṭo aneḳi, Iz turnoq̇a biti pine: "Ay Q̣onʒ́ux, ägär Hun memiya bakinuy, bezi viči tene biyoy".
Mariyan İsusi bakala gala p'ap'i Şot'o anek'i, İz turnoq'a biti pine: "Ay Q'ončux, əgər Hun memiya bakinuy, bezi viçi tene biyoy".

Verse: 33

Isusen Mariyay q̇a šoṭay ṭo͑ġo͑l hari iudeyxoy o͑no͑psuna aḳaṭan iču gele pise täsirbi.
İsusen Mariyay q'a şot'ay t'ǒğǒl hari iudeyxoy ǒnǒpsuna ak'at'an içu gele pise təsirbi.

Verse: 34

Šoṭin xavare haq̇i: "P̣urina mayanan laxe?" Šoṭo piṭun: "Beši *Aġa, eki aḳesṭen".
Şot'in xavare haq'i: "P'urina mayanan laxe?" Şot'o pit'un: "Beşi *Ağa, eki ak'est'en".

Verse: 35

Isusen o͑no͑nepi.
İsusen ǒnǒnepi.

Verse: 36

Ṭe vädä iudeyxon "be͑ġanan šoṭo hetäre čuresay!" piṭun.
T'e vədə iudeyxon "běğanan şot'o hetəre çuresay!" pit'un.

Verse: 37

Ama šoṭoġoy bäziṭoġon pine: "Ḳać̣i amdari piyel išiġ ečeri me amdaren sa šey bes tene bakoy ki, me amdar nu ṗuriniy?"
Ama şot'oğoy bəzit'oğon pine: "K'ač'i amdari piyel işiğ eçeri me amdaren sa şey bes tene bakoy ki, me amdar nu p'uriniy?"

Verse: 38

Hametär Isus dilxor *gärämzoġone taci. *Gärämzoġ sa *maġaraney, ^* iz baġala gane źomosṭal źe͑ṭun ṭəḳərdey.
Hametər İsus dilxor *gərəmzoğone taśi. *Gərəmzoğ sa *mağaraney, ^* iz bağala gane ǰomost'al ǰět'un t'ık'ırdey.

Verse: 39

Isusen pine: "Źena exṭanan!" P̣uriṭay xunči Marṭan šoṭo pine: "Ay Q̣onʒ́ux, ṭeṭiin yägin ki adesa, axəri šoṭay bisun biṗ ġine".
İsusen pine: "J̌ena ext'anan!" P'urit'ay xunçi Mart'an şot'o pine: "Ay Q'ončux, t'et'iin yəgin ki adesa, axıri şot'ay bisun bip' ğine".

Verse: 40

Isusen pine: "P̣oy Zu va tez pey ki, ve͑ bakayin, Buxaʒ́uġoy kalaluġa aḳalnu?"
İsusen pine: "P'oy Zu va tez pey ki, vě bakayin, Buxačuğoy kalaluğa ak'alnu?"

Verse: 41

Metärluġen, źe͑na exṭundi. Isusenal ala be͑ġi pine: "Ay Bava, Za ibaksuna görä Va šükürezbsa.
Metərluğen, ǰěna ext'undi. İsusenal ala běği pine: "Ay Bava, Za ibaksuna görə Va şükürezbsa.

Verse: 42

Avazu ki, Za hämišä inbaksa. Ama moṭo Bezi ṭo͑ġo͑l čurpi ǯamaateynaḳez nex ki, Za Hun yaq̇absuna ve͑bakaṭun".
Avazu ki, Za həmişə inbaksa. Ama mot'o Bezi t'ǒğǒl çurpi camaateynak'ez nex ki, Za Hun yaq'absuna věbakat'un".

Verse: 43

Me äyitmoġo piṭuxun oša osṭaar pine: "Lazar, qavuna č̣eki!"
Me əyitmoğo pit'uxun oşa ost'aar pine: "Lazar, qavuna c'eki!"

Verse: 44

P̣uriyal \ qavunane č̣eri. Šoṭay tur-kul parčinen, ćo isä däsmären bäč̣ürey. Isusen šoṭoġo "me amdara qaypanan taceq̇an" pine
P'uriyal \ qavunane c'eri. Şot'ay tur-kul parçinen, ç̌o isə dəsməren bəc'ürey. İsusen şot'oğo "me amdara qaypanan taśeq'an" pine

Fariseyxoy Isusa bespsuni niyät
Fariseyxoy İsusa bespsuni niyət

(Maṭ. 26:1-5

; Mrḳ. 14:1-2

; Luḳ. 22:1-2

)
(Mat'. 26:1-5

; Mrk'. 14:1-2

; Luk'. 22:1-2

)

Verse: 45

Ṭe vädä Mariyay ṭo͑ġo͑l hari iudeyxoy geleṭin Isusen ḳä bsuna aḳi Šoṭo ve͑ṭun baki.
T'e vədə Mariyay t'ǒğǒl hari iudeyxoy gelet'in İsusen k'ə bsuna ak'i Şot'o vět'un baki.

Verse: 46

Ama šoṭoġoxun bäziṭoġon *fariseyxoy ṭo͑ġo͑l taci Isusen biṭoġo šoṭoġo exlätṭunbi.
Ama şot'oğoxun bəzit'oğon *fariseyxoy t'ǒğǒl taśi İsusen bit'oğo şot'oğo exlətt'unbi.

Verse: 47

Ṭe vädä samǯi be͑yinśxon q̇a *fariseyxon *Kala Šurina girbi piṭun: "Yan ḳä ben? Me amdaren gele möǯüzälü niśanxone aḳesṭa.
T'e vədə samci běyinšxon q'a *fariseyxon *Kala Şurina girbi pit'un: "Yan k'ə ben? Me amdaren gele möcüzəlü nišanxone ak'est'a.

Verse: 48

Ägär Šoṭo barḳayan, bito Šoṭo ve͑ bakale. Rimluġonal hari beši *xrama q̇a dirisṭ me azuḳa äfčibalṭun".
Əgər Şot'o bark'ayan, bito Şot'o vě bakale. Rimluğonal hari beşi *xrama q'a dirist' me azuk'a əfçibalt'un".

Verse: 49

Ṭeṭiya bakalṭoġoxun sunṭin, haṭe useni samǯi be͑yinśxoy kalo bakala Ḳayafan šoṭoġo pine: "Vä͑n hiḳḳal tenan ava.
T'et'iya bakalt'oğoxun sunt'in, hat'e useni samci běyinšxoy kalo bakala K'ayafan şot'oğo pine: "Və̌n hik'k'al tenan ava.

Verse: 50

Q̣amištenanbaksa ki, vä͑ynaḳ bütüm me azuḳi ḳac̣esaxunsa sa amdari me azuḳeynaḳ bisun šaaṭe?"
Q'amiştenanbaksa ki, və̌ynak' bütüm me azuk'i k'as'esaxunsa sa amdari me azuk'eynak' bisun şaat'e?"

Verse: 51-52

Šoṭin me äyitmoġo ičuxun tene pi, ama ṭe useni samǯi be͑yinśxoy kalo baksunen xavarečalluġebi. Šoṭin Isusi sayǯä me azuḳeynaḳ tää, me dünyäne säpäläyinšäki Buxaʒ́uġoy äyloġo bitova sagala girbseynaḳ bisunane xavarečalluġbi.
Şot'in me əyitmoğo içuxun tene pi, ama t'e useni samci běyinšxoy kalo baksunen xavareçalluğebi. Şot'in İsusi saycə me azuk'eynak' təə, me dünyəne səpələyinşəki Buxačuğoy əyloğo bitova sagala girbseynak' bisunane xavareçalluğbi.

Verse: 53

Metärluġen, haṭe ġinaxun äyitä saṭunbi ki, Isusa besṗaṭun.
Metərluğen, hat'e ğinaxun əyitə sat'unbi ki, İsusa besp'at'un.

Verse: 54

Isus ene iudeyxoy arane qay tene taraney. Šo ṭeṭiin čöle ə͑śa bölginä, Efrayim uḳala šähärene taci, Iz šagirdxoxun ṭeṭiya manedi.
İsus ene iudeyxoy arane qay tene taraney. Şo t'et'iin çöle ı̌ša bölginə, Efrayim uk'ala şəhərene taśi, İz şagirdxoxun t'et'iya manedi.

Verse: 55

Iudeyxoy *Č̣ovaksuni axsibay ^* ə͑śalayinšebaksay. Gele amdar *Č̣ovaksuni axsibayaxun be͑ś ičoġo pakbseynaḳ ayizmoġoxun Yerusalimane hari.
İudeyxoy *C'ovaksuni axsibay ^* ı̌šalayinşebaksay. Gele amdar *C'ovaksuni axsibayaxun běš içoğo pakbseynak' ayizmoğoxun Yerusalimane hari.

Verse: 56

Šoṭoġon Isusa qä͑vṭunsay, *xrame määlne čurpi sun-sunaxun xavarṭun haq̇say: "Ḳänan fikirbsa? Šo axsibaya tene eġal?"
Şot'oğon İsusa qə̌vt'unsay, *xrame məəlne çurpi sun-sunaxun xavart'un haq'say: "K'ənan fikirbsa? Şo axsibaya tene eğal?"

Verse: 57

Samǯi be͑yinśxon q̇a *fariseyxon isä "šoṭay ganu avabakalṭin yax xavarq̇an tadi" pi ämirṭun tadi ki, Šoṭo biq̇aṭun.
Samci běyinšxon q'a *fariseyxon isə "şot'ay ganu avabakalt'in yax xavarq'an tadi" pi əmirt'un tadi ki, Şot'o biq'at'un.

This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.