TITUS
Biblia Udica, Versio Nizhensis: Vetus Testamentum
Part No. 55
Previous part

Chapter: 15 

Q̣urbanxoxun sagala ečala payurxo
Q'urbanxoxun sagala eçala payurxo


Verse: 1  Link to rat Q̣ONƷ́UĠON Moiseya pine:
   Q'ONČUĞON Moiseya pine:

Verse: 2  Link to rat "Israilluġo metär upa: "Zu vä͑x yäšäyinšbseynaḳ tadala oćala baciṭuxun oša
   "İsrailluğo metər upa: "Zu və̌x yəşəyinşbseynak' tadala oç̌ala baśit'uxun oşa

Verse: 3  Link to rat Zaynaḳ belin, eġelin nääl kečin q̇urban ečeri, šoṭay boḳuni adenal Za iräzibsun čureġaṭan - mo čuresa boḳospsuni, čuresa niyätṗi, čuresa ef üḳexun č̣ovaksuna görä bakala nääl sa axsibaya görä śameġala q̇urbanq̇an baki -
   Zaynak' belin, eğelin nəəl keçin q'urban eçeri, şot'ay bok'uni adenal Za irəzibsun çureğat'an - mo çuresa bok'ospsuni, çuresa niyətp'i, çuresa ef ük'exun c'ovaksuna görə bakala nəəl sa axsibaya görə šameğala q'urbanq'an baki -

Verse: 4  Link to rat šoṭoxun sagala taxəli payal ečalanan. Me pay isä sa hine * biṗ payaxun sa pay zeytuni č̣äyin lapi sa efin * vic̣ payaxun sa pay xarine.
   şot'oxun sagala taxıli payal eçalanan. Me pay isə sa hine * bip' payaxun sa pay zeytuni c'əyin lapi sa efin * vis' payaxun sa pay xarine.

Verse: 5  Link to rat Boḳospsuni nääl q̇eräz c̣iyen śameġala här q̇urbanluġ q̇uzinaxun sagala sa hine biṗ payaxun sa pay fiyal eča. Mo cipseynaḳ bakala q̇urbane.
   Bok'ospsuni nəəl q'erəz s'iyen šameğala hər q'urbanluğ q'uzinaxun sagala sa hine bip' payaxun sa pay fiyal eça. Mo śipseynak' bakala q'urbane.

Verse: 6  Link to rat Q̣oč eġel q̇urban ečaṭan, šoṭoxun sagala ečala taxəli pay sa hine xib payaxun sa pay zeytuni č̣äyin lapi sa efin qo payaxun sa pay xari bakalane.
   Q'oç eğel q'urban eçat'an, şot'oxun sagala eçala taxıli pay sa hine xib payaxun sa pay zeytuni c'əyin lapi sa efin qo payaxun sa pay xari bakalane.

Verse: 7  Link to rat Cipseynaḳ bakala pay ḳinäḳ ečala fi isä sa hine xib payaxun sa pay bakalane. Moṭoġoy boḳuni ad Q̣ONƷ́UĠO iräzibala ad bakale.
   Üipseynak' bakala pay k'inək' eçala fi isə sa hine xib payaxun sa pay bakalane. Mot'oğoy bok'uni ad Q'ONČUĞO irəzibala ad bakale.

Verse: 8  Link to rat Zaynaḳ boḳospsuni nääl q̇eräz c̣iyen śameġala, niyätṗi nääl serluġi q̇urban ḳinäḳ araḳ ečaṭan,
   Zaynak' bok'ospsuni nəəl q'erəz s'iyen šameğala, niyətp'i nəəl serluği q'urban k'inək' arak' eçat'an,

Verse: 9  Link to rat šoṭoxun sagala ečala taxəli pay qə͑ hin zeytuni č̣äyin lapi sa efin vic̣ payaxun xib paye hama xari bakalane.
   şot'oxun sagala eçala taxıli pay qı̌ hin zeytuni c'əyin lapi sa efin vis' payaxun xib paye hama xari bakalane.

Verse: 10  Link to rat Cipseynaḳ bakala pay ḳinäḳ ečala fi isä qə͑ hin bakalane. Me boḳospseynaḳ ečala q̇urbani boḳuni adal Q̣ONƷ́UĠO iräzibala ad bakalane.
   Üipseynak' bakala pay k'inək' eçala fi isə qı̌ hin bakalane. Me bok'ospseynak' eçala q'urbani bok'uni adal Q'ONČUĞO irəzibala ad bakalane.

Verse: 11  Link to rat Moṭoġo Zaynaḳ här araḳ, q̇oč, q̇uzi nääl čäpiš q̇urban ečaṭan ämälbalanan.
   Mot'oğo Zaynak' hər arak', q'oç, q'uzi nəəl çəpiş q'urban eçat'an əməlbalanan.

Verse: 12  Link to rat Hema heyvan śamḳalnansa, šoṭoxun sagala iz taxəli paya q̇a cipseynaḳ bakala payal boḳosṗalnan.
   Hema heyvan šamk'alnansa, şot'oxun sagala iz taxıli paya q'a śipseynak' bakala payal bok'osp'alnan.

Verse: 13  Link to rat Barta boḳospseynaḳ bakala pay ečeri, šoṭay boḳuni adenal Q̣ONƷ́UĠO iräzibsun čureġala här israillunen me q̇aydoġo ämälbeq̇an.
   Barta bok'ospseynak' bakala pay eçeri, şot'ay bok'uni adenal Q'ONČUĞO irəzibsun çureğala hər israillunen me q'aydoğo əməlbeq'an.

Verse: 14  Link to rat Ägär ef arane yäšäyinšala q̇eräz azuḳaxun bakalṭin nääl ef ṭo͑ġo͑l bakala q̇eräz sunṭinal me ǯür q̇urban ečeri Q̣ONƷ́UĠO iräzibsun čureġayin, barta šoṭinal här šeya efi balṭullariḳq̇an bi.
   Əgər ef arane yəşəyinşala q'erəz azuk'axun bakalt'in nəəl ef t'ǒğǒl bakala q'erəz sunt'inal me cür q'urban eçeri Q'ONČUĞO irəzibsun çureğayin, barta şot'inal hər şeya efi balt'ullarik'q'an bi.

Verse: 15  Link to rat Barta vä͑ynaḳal ef arane yäšäyinšala q̇eräz azuḳaxun bakalṭoġoynaḳal q̇aydoox saq̇an baki. Moṭo näsiläxun näsilä č̣ovakesṭi vä͑ynaḳ sa ḳanun banan. Q̣ONƷ́UĠOY piyes vä͑nal, ef ṭo͑ġo͑l yäšäyinšala q̇äribal sane.
   Barta və̌ynak'al ef arane yəşəyinşala q'erəz azuk'axun bakalt'oğoynak'al q'aydoox saq'an baki. Mot'o nəsiləxun nəsilə c'ovakest'i və̌ynak' sa k'anun banan. Q'ONČUĞOY piyes və̌nal, ef t'ǒğǒl yəşəyinşala q'əribal sane.

Verse: 16  Link to rat Me q̇aydoġo q̇a ḳanunxo israillu bakalṭinal ämälbalane, ef arane yäšäyinši, ama israillu nu \ bakalṭinal". *
   Me q'aydoğo q'a k'anunxo israillu bakalt'inal əməlbalane, ef arane yəşəyinşi, ama israillu nu \ bakalt'inal". *

Verse: 17  Link to rat Q̣ONƷ́UĠON Moiseya pine:
   Q'ONČUĞON Moiseya pine:

Verse: 18  Link to rat "Israilluġo metär upa: "Zu vä͑x tašala oćala baci yäšäyinšala vädine
   "İsrailluğo metər upa: "Zu və̌x taşala oç̌ala baśi yəşəyinşala vədine

Verse: 19  Link to rat ṭe oćali bara girbaṭan šoṭoxun Q̣ONƷ́UĠOYNAḲ pay ečanan.
   t'e oç̌ali bara girbat'an şot'oxun Q'ONČUĞOYNAK' pay eçanan.

Verse: 20  Link to rat Q̣ONƷ́UĠOYNAḲ ef exṗi taxəli nübäräxun, süfṭin xarinen śareci boq̇oyin śumaxun pay ečanan. Moṭo ef süfṭin berxi arumaxun bakala pay ḳinäḳ ečanan.
   Q'ONČUĞOYNAK' ef exp'i taxıli nübərəxun, süft'in xarinen šareśi boq'oyin šumaxun pay eçanan. Mot'o ef süft'in berxi arumaxun bakala pay k'inək' eçanan.

Verse: 21  Link to rat Barta süfṭin berxeci arumaxun pay ešṭun näsiläxun näsilä č̣ovaki vä͑ynaḳ hämišäluġ sa q̇aydaq̇an baki.
   Barta süft'in berxeśi arumaxun pay eşt'un nəsiləxun nəsilə c'ovaki və̌ynak' həmişəluğ sa q'aydaq'an baki.



Q̣äsṭen nu äšṗesṭi günaxa görä ečala q̇urban
Q'əst'en nu əşp'est'i günaxa görə eçala q'urban


Verse: 22  Link to rat Ägär vä͑n nu avabaki Q̣ONƷ́UĠON Moiseya piṭoġoxun maṭunesa tenan ämälbesa
   Əgər və̌n nu avabaki Q'ONČUĞON Moiseya pit'oğoxun mat'unesa tenan əməlbesa

Verse: 23  Link to rat - šoṭin Moiseya avabakesṭi vä͑x bürišiṭoġoxun - ṭe vädä Q̣ONƷ́UĠON me q̇aydoġo tadi ġinaxun burqi hämišä, moṭo näsiläxun näsilä č̣ovakesṭunen metär banan:
   - şot'in Moiseya avabakest'i və̌x bürişit'oğoxun - t'e vədə Q'ONČUĞON me q'aydoğo tadi ğinaxun burqi həmişə, mot'o nəsiləxun nəsilə c'ovakest'unen metər banan:

Verse: 24  Link to rat ägär me särfä israilluġon nu avabakiṭun biq̇esa, ṭe vädä azuḳen šoṭay boḳuni aden Q̣ONƷ́UĠO iräzibseynaḳ boḳospsuni q̇urban ḳinäḳ sa araḳ ečalane. Ṭe q̇urbanaxun sagala iz taxəli paya q̇a cipseynaḳ bakala payal ečalaṭun. Günaxxo oc̣kseynaḳ bakala q̇urban ḳinäḳ isä sa keči ečalaṭun.
   əgər me sərfə israilluğon nu avabakit'un biq'esa, t'e vədə azuk'en şot'ay bok'uni aden Q'ONČUĞO irəzibseynak' bok'ospsuni q'urban k'inək' sa arak' eçalane. T'e q'urbanaxun sagala iz taxıli paya q'a śipseynak' bakala payal eçalat'un. Günaxxo os'kseynak' bakala q'urban k'inək' isə sa keçi eçalat'un.

Verse: 25  Link to rat Be͑yinśenal me q̇urbanxo Q̣ONƷ́UĠOY be͑ś śampi azuḳi äšṗesṭi \ günaxxo oc̣kseynaḳ bakala toya ödäyinši bakale. Metärluġen, azuḳi günaxxo baġəšlayinšakale. Šoṭaynaḳ ki, mo nu avabaki äšṗesṭi günaxe, šoṭo baġəšlayinšbseynaḳ bakala boḳospsuni q̇a günaxxo oc̣kseynaḳ bakala q̇urbanal ečereṭun.
   Běyinšenal me q'urbanxo Q'ONČUĞOY běš šampi azuk'i əşp'est'i \ günaxxo os'kseynak' bakala toya ödəyinşi bakale. Metərluğen, azuk'i günaxxo bağışlayinşakale. Şot'aynak' ki, mo nu avabaki əşp'est'i günaxe, şot'o bağışlayinşbseynak' bakala bok'ospsuni q'a günaxxo os'kseynak' bakala q'urbanal eçeret'un.

Verse: 26  Link to rat Šoṭaynaḳal bütüm israilluyox q̇a šoṭoġoy arane yäšäyinšala q̇eräz azuḳaxun bakalorox me nu avabaki äšṗesṭi günaxa görä baġəšlayinšakalṭun.
   Şot'aynak'al bütüm israilluyox q'a şot'oğoy arane yəşəyinşala q'erəz azuk'axun bakalorox me nu avabaki əşp'est'i günaxa görə bağışlayinşakalt'un.

Verse: 27  Link to rat Ama günaxa nu avabaki äšṗesṭiyo sa amdar bakayin, barta šoṭin günaxxo oc̣kseynaḳ bakala q̇urban ḳinäḳ sa useni diši kečiq̇an be͑yinśi ṭo͑ġo͑l ečeri.
   Ama günaxa nu avabaki əşp'est'iyo sa amdar bakayin, barta şot'in günaxxo os'kseynak' bakala q'urban k'inək' sa useni dişi keçiq'an běyinši t'ǒğǒl eçeri.

Verse: 28  Link to rat Be͑yinśenal me q̇urbana Q̣ONƷ́UĠOY be͑ś ečeri q̇äsṭen nu äšṗesṭi ṭe günaxi toya ödäyinši bakale. Günaxa q̇äsṭen nu äšṗesṭi amdari günaxal baġəšlayinšakale. *
   Běyinšenal me q'urbana Q'ONČUĞOY běš eçeri q'əst'en nu əşp'est'i t'e günaxi toya ödəyinşi bakale. Günaxa q'əst'en nu əşp'est'i amdari günaxal bağışlayinşakale. *

Verse: 29  Link to rat Barta me ǯürä günax äšṗesṭi israillu bakalṭoġoynaḳal, israillu nu baki ef arane yäšäyinšalṭoġoynaḳal q̇ayda saq̇an baki.
   Barta me cürə günax əşp'est'i israillu bakalt'oğoynak'al, israillu nu baki ef arane yəşəyinşalt'oğoynak'al q'ayda saq'an baki.

Verse: 30  Link to rat Ama ägär šinesa avabaksun günax äšṗesṭayin, mo Q̣ONƷ́UĠO nu čalxsun, Šoṭo hiḳḳalbsun upsune, metärṭay tural azuḳi aranexun boṭalanan. Mo israillu bakalṭuval, israillu nu baki ef arane yäšäyinšalṭuval aide.
   Ama əgər şinesa avabaksun günax əşp'est'ayin, mo Q'ONČUĞO nu çalxsun, Şot'o hik'k'albsun upsune, metərt'ay tural azuk'i aranexun bot'alanan. Mo israillu bakalt'uval, israillu nu baki ef arane yəşəyinşalt'uval aide.

Verse: 31  Link to rat Metär amdar Q̣ONƷ́UĠOY laxi ḳanuna ṭo͑o͑xbi, Šoṭay äyitäxun č̣erine baksa, šoṭo göräl iz ǯazina zaṗḳale. Šoṭay tura azuḳi aranexun boṭalnan!" \ Šamaṭ ġina pozmišala amdareynaḳ bakala ǯaza
   Metər amdar Q'ONČUĞOY laxi k'anuna t'ǒǒxbi, Şot'ay əyitəxun c'erine baksa, şot'o görəl iz cazina zap'k'ale. Şot'ay tura azuk'i aranexun bot'alnan!" \ Şamat' ğina pozmişala amdareynak' bakala caza

Verse: 32  Link to rat Israilluyox amc̣i oćala bakaṭan sa amdari Šamaṭ ġine uś girbsunaṭun aḳi.
   İsrailluyox ams'i oç̌ala bakat'an sa amdari Şamat' ğine uš girbsunat'un ak'i.

Verse: 33  Link to rat Amdara uś girbaṭan biq̇iṭoġon šoṭo Moiseyi, Aaroni saal bütüm israilluġoy be͑śṭun ečeri.
   Amdara uš girbat'an biq'it'oğon şot'o Moiseyi, Aaroni saal bütüm israilluğoy běšt'un eçeri.

Verse: 34  Link to rat Ṭe amdara biq̇i ṭussaġṭunbi, šoṭo görä ki, Šamaṭ ġina pozmišala amdara ḳä bsuni barada sa q̇ayda hälä buteney.
   T'e amdara biq'i t'ussağt'unbi, şot'o görə ki, Şamat' ğina pozmişala amdara k'ə bsuni barada sa q'ayda hələ buteney.

Verse: 35  Link to rat Ṭe vädä Q̣ONƷ́UĠON Moiseya pine: "Me amdara besṗanan. Barta azuḳen šoṭo čurḳala ganuxun ä͑xil č̣evḳi źe͑layinši besṗeq̇an".
   T'e vədə Q'ONČUĞON Moiseya pine: "Me amdara besp'anan. Barta azuk'en şot'o çurk'ala ganuxun ə̌xil c'evk'i ǰělayinşi besp'eq'an".

Verse: 36  Link to rat Israilluġonal ṭe amdara ičoġoy čurḳala ganuxun ṭo͑o͑x č̣evḳi Q̣ONƷ́UĠON Moiseya ämirbi ḳinäḳ źe͑layinši besṭunbi.
   İsrailluğonal t'e amdara içoğoy çurk'ala ganuxun t'ǒǒx c'evk'i Q'ONČUĞON Moiseya əmirbi k'inək' ǰělayinşi best'unbi.



Q̣ONƷ́UĠOY ämirxo eyex efseynaḳ paltarin loxol bakala c̣oc̣iḳxo
Q'ONČUĞOY əmirxo eyex efseynak' paltarin loxol bakala s'os'ik'xo


Verse: 37  Link to rat Q̣ONƷ́UĠON Moiseya metäre pi:
   Q'ONČUĞON Moiseya metəre pi:

Verse: 38  Link to rat "Israilluġo upa ki, moṭoxun oša hämišä ičoġoy paltari ätäyi ṭo͑ġu͑rxo c̣oc̣iḳxoq̇aṭun e͑bi. Här c̣oc̣iḳi boš isä göyin ṭuriq̇an baki. *
   "İsrailluğo upa ki, mot'oxun oşa həmişə içoğoy paltari ətəyi t'ǒğǔrxo s'os'ik'xoq'at'un ěbi. Hər s'os'ik'i boş isə göyin t'uriq'an baki. *

Verse: 39  Link to rat Me c̣oc̣iḳxo aḳaṭan Q̣ONƷ́UĠOY laxi ḳanunxo q̇a q̇aydoġo eyexun nu č̣evḳi šoṭoġo ämälbalnan. Šoṭoġon vä͑x efi piin aḳalṭoġoy q̇a üḳexun č̣ovakalṭoġoy bać̣anexun taysunaxun efale.
   Me s'os'ik'xo ak'at'an Q'ONČUĞOY laxi k'anunxo q'a q'aydoğo eyexun nu c'evk'i şot'oğo əməlbalnan. Şot'oğon və̌x efi piin ak'alt'oğoy q'a ük'exun c'ovakalt'oğoy bač'anexun taysunaxun efale.

Verse: 40  Link to rat Vä͑nal bütüm Bezi ämirxo eyex badi šoṭoġo ämälbalnan, metärluġenal Zaynaḳ ə͑vel sa azuḳ bakalnan.
   Və̌nal bütüm Bezi əmirxo eyex badi şot'oğo əməlbalnan, metərluğenal Zaynak' ı̌vel sa azuk' bakalnan.

Verse: 41  Link to rat Ef Buxaʒ́ux bakseynaḳ \ vä͑x Misiräxun č̣evḳi Q̣ONƷ́UX, ef Buxaʒ́ux Zuzu. Zu Q̣ONƷ́UXZU, ef Buxaʒ́uxzu!"
   Ef Buxačux bakseynak' \ və̌x Misirəxun c'evk'i Q'ONČUX, ef Buxačux Zuzu. Zu Q'ONČUXZU, ef Buxačuxzu!"



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.