TITUS
Biblia Udica, Versio Nizhensis: Vetus Testamentum
Part No. 190
Previous part

Chapter: 110 

110-ǯi ω͑vel mä͑ġ
110-ci Ǐvel mə̌ğ



Davidi ω͑vel mä͑ġ. *
Davidi Ǐvel mə̌ğ. *


Verse: 1    Q̣ONƷ́UĠON bez q̇onʒ́ux bakalṭu pine:
   Q'ONČUĞON bez q'ončux bakalt'u pine:
    "Zu vi düšmänxo vi turin oq̇a sakamin
    "Zu vi düşmənxo vi turin oq'a sakamin
    Bez yön täräf, än hörmätlu gala arca". *
    Bez yön tərəf, ən hörmətlu gala arśa". *

Verse: 2    Siona * arci kalaluġbalnu hun bito oćalxoy loxol,
   Siona * arśi kalaluğbalnu hun bito oç̌alxoy loxol,
    Düšmänxoy loxol kalo laxale va Q̣ONƷ́UĠON.
    Düşmənxoy loxol kalo laxale va Q'ONČUĞON.

Verse: 3    Vi bać̣ane čurḳale Vi azuḳ davina č̣eġala ġine,
   Vi bač'ane çurk'ale Vi azuk' davina c'eğala ğine,
    Ičoġoynaḳ ə͑vel bakala davin paltara lapi
    İçoğoynak' ı̌vel bakala davin paltara lapi
    Vaxun sagala düšmäni loxol taysun bakale šoṭoġoy čureġalo.
    Vaxun sagala düşməni loxol taysun bakale şot'oğoy çureğalo.
    Zor eġale vi kiyelal här ṭe ǯäyilxo aḳaṭan,
    Zor eğale vi kiyelal hər t'e cəyilxo ak'at'an,
    Täzäläyinšakalnu hun här savaxṭan täzäläyinšakala xo ḳinäḳ.
    Təzələyinşakalnu hun hər savaxt'an təzələyinşakala xo k'inək'.

Verse: 4    "Hun Melḳisedeḳallariḳ hämišäluġ bakala samǯi be͑yinśnu" pine elasṗe Q̣ONƷ́UĠON,
   "Hun Melk'isedek'allarik' həmişəluğ bakala samci běyinšnu" pine elasp'e Q'ONČUĞON,
    Iz pi äyiti loxol čurḳalone Šo." *
    İz pi əyiti loxol çurk'alone Şo." *

Verse: 5    Vi kiyexun biq̇ale Q̣onʒ́uġon,
   Vi kiyexun biq'ale Q'ončuğon,
    Ḳac̣ṗi ciḳale padčaġxo
    K'as'p'i śik'ale padçağxo
    Izi äǯuġoy ḳä baksuna aḳesṭala ġine.
    İzi əcuğoy k'ə baksuna ak'est'ala ğine.

Verse: 6    Divanbi zapesṭale azuḳxo ičoġoy ǯazina,
   Divanbi zapest'ale azuk'xo içoğoy cazina,
    Šoṭoġoy meyidxo bakale oćalen sa,
    Şot'oğoy meyidxo bakale oç̌alen sa,
    Ć̣aḳḳale me dünyäni kalaluġbalṭoġoy bula!
    Č'ak'k'ale me dünyəni kalaluğbalt'oğoy bula!

Verse: 7    Xe u͑ġä͑le iz yaq̇e loxol bakala orayinxoxun,
   Xe ǔğə̌le iz yaq'e loxol bakala orayinxoxun,
    Iz bul ala, tik čurḳale bitoṭay be͑ś.
    İz bul ala, tik çurk'ale bitot'ay běš.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.