TITUS
Biblia Udica, Versio Nizhensis: Vetus Testamentum
Part No. 82
Previous part

Chapter: 2 

2-ǯi   ω͑vel mä͑ġ *
2-ci   Ǐvel mə̌ğ *


Verse: 1    Azuḳxoy nairäzi baksunal,
   Azuk'xoy nairəzi baksunal,
    Millätxoy bul nu biq̇ala fikirxoval ičoġo mandale.
    Millətxoy bul nu biq'ala fikirxoval içoğo mandale.

Verse: 2    Mone, dünyäni padčaġxone giresa,
   Mone, dünyəni padçağxone giresa,
    Kalaluġbalxone sagala eysa
    Kalaluğbalxone sagala eysa



Q̣ONƷ́UĠOY q̇a Šoṭay č̣äḳṗiṭay * äleyinä e͑qeci
Q'ONČUĞOY q'a Şot'ay c'ək'p'it'ay * əleyinə ěqeśi


Verse: 3    "Ekinan šoṭoġoy yax ġaćṗi zinǯirxo ḳac̣ḳen,
   "Ekinan şot'oğoy yax ğaç̌p'i zincirxo k'as'k'en,
    Beš loxol lavḳi ḳandalxo bosen!" nexṭun.
    Beş loxol lavk'i k'andalxo bosen!" next'un.

Verse: 4    Ala Arciṭin isä axśumene,
   Ala Arśit'in isə axšumene,
    Axśumi galane laxsa šoṭoġo Q̣ONƷ́UĠON.
    Axšumi galane laxsa şot'oğo Q'ONČUĞON.

Verse: 5    Äǯuġon biq̇i töhmätbale šoṭoġo,
   Əcuğon biq'i töhmətbale şot'oğo,
    Iz hirsen välvälinä badale,
    İz hirsen vəlvəlinə badale,

Verse: 6    "Bez ə͑vel burux bakala Siona *
   "Bez ı̌vel burux bakala Siona *
    Zuz č̣äḳṗi laxe Bez padčaġa" uḳale.
    Zuz c'ək'p'i laxe Bez padçağa" uk'ale.



Padčaġ:
Padçağ:


Verse: 7    "Mone, Q̣ONƷ́UĠOY äyitäz vä͑x ṗaṗesbsa,
   "Mone, Q'ONČUǦOY əyitəz və̌x p'ap'esbsa,
    Za metäre pi: "Hun Bez ġarnu,
    Za metəre pi: "Hun Bez ğarnu,
    Zu ġeyinaxun vi Bava ḳaleġoz. *
    Zu ğeyinaxun vi Bava k'aleğoz. *

Verse: 8    Zaxun čureki,
   Zaxun çureki,
    Zuval azuḳxo vi kiyel tadaz,
    Zuval azuk'xo vi kiyel tadaz,
    Bito oćalxo vi baz.
    Bito oç̌alxo vi baz.

Verse: 9    Šoṭoġo vi turin oq̇a laxalnu,
   Şot'oğo vi turin oq'a laxalnu,
    Sa q̇äliḳä xoxṗala ḳinäḳ duġi xoxṗalnu". *
    Sa q'əlik'ə xoxp'ala k'inək' duği xoxp'alnu". *

Verse: 10    Šoṭo göräl, ay padčaġxo, ef haq̇əla ef bel topbanan,
   Şot'o görəl, ay padçağxo, ef haq'ıla ef bel topbanan,
    Müdrik bakanan, ay me dünyäne bakala kalaluġbalxo!
    Müdrik bakanan, ay me dünyəne bakala kalaluğbalxo!

Verse: 11    Q̣ONƷ́UĠO čalxi
   Q'ONČUǦO çalxi
    Šoṭo bul ḳoc̣bsuni mu͑qluġa aćespsunaxun q̇ə͑banan!
    Şot'o bul k'os'bsuni mǔqluğa aç̌espsunaxun q'ı̌banan!

Verse: 12    Ḳoc̣baki Ġare turin oq̇axun mučṗanan!
   K'os'baki Ğare turin oq'axun muçp'anan!
    Tene Iz äǯuġ bäč̣üḳeġon,
    Tene İz əcuğ bəc'ük'eğon,
    Ef taġala yaq̇a vä͑x ḳac̣ṗi cineḳon,
    Ef tağala yaq'a və̌x k'as'p'i śinek'on,
    Axəri Šoṭay äǯuġ koloś bäč̣üḳeġala ḳinäḳe bäč̣üḳesa!
    Axıri Şot'ay əcuğ kološ bəc'ük'eğala k'inək'e bəc'ük'esa!
    Izi här šeya Šoṭosṭa aḳalo he bäxṭäväre!
    İzi hər şeya Şot'ost'a ak'alo he bəxt'əvəre!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.