TITUS
Biblia Udica, Versio Nizhensis: Vetus Testamentum
Part No. 104
Previous part

Chapter: 24 

24-ǯi ω͑vel mä͑ġ
24-ci Ǐvel mə̌ğ



Davidi ω͑vel mä͑ġ.
Davidi Ǐvel mə̌ğ.


Verse: 1    Oćal q̇a me oćali loxol bakalorox,
   Oç̌al q'a me oç̌ali loxol bakalorox,
    Dünyä q̇a me dünyäne yäšäyinšalorox -
    Dünyə q'a me dünyəne yəşəyinşalorox -
    Morox bito Q̣ONƷ́UĠOYE.
    Morox bito Q'ONČUĞOYE.

Verse: 2    Šoṭine oćali binorina dänizxoy loxol laxi,
   Şot'ine oç̌ali binorina dənizxoy loxol laxi,
    Šoṭine dünyäni binorina xeyurxoy loxol alabi osṭaarbi.
    Şot'ine dünyəni binorina xeyurxoy loxol alabi ost'aarbi.

Verse: 3    Šuva Q̣ONƷ́UĠOY buruġo laġalo?
   Şuva Q'ONČUĞOY buruğo lağalo?
    Šuva Šoṭay ə͑vel gala čurpes bakalo?
    Şuva Şot'ay ı̌vel gala çurpes bakalo?

Verse: 4    Mo iz ämälxo q̇a üḳ tämiz bakalo,
   Mo iz əməlxo q'a ük' təmiz bakalo,
    Amc̣i šeyurxo bul nu ḳoc̣balo,
    Ams'i şeyurxo bul nu k'os'balo,
    Äfčidän nu elasḳalone.
    Əfçidən nu elask'alone.

Verse: 5    Metär amdaraxun Q̣ONƷ́UĠON Iz xeyir-bäräkätä kamtenebal,
   Metər amdaraxun Q'ONČUĞON İz xeyir-bərəkətə kamtenebal,
    Metär amdarasṭa iz Buxaʒ́ux bakala Čarḳesṭalen taxsər tene aḳal.
    Metər amdarast'a iz Buxačux bakala Çark'est'alen taxsır tene ak'al.

Verse: 6    Mone, Va qä͑ve͑ġala azuḳ metäre,
   Mone, Va qə̌věğala azuk' metəre,
    Va bul ḳosbsa eġalorox metäre, ay Iaḳovi Buxaʒ́ux!
    Va bul k'osbsa eğalorox metəre, ay İak'ovi Buxačux!

Verse: 7    Ay ə͑vel gane darvazoox, ef baġala ganu gengbanan,
   Ay ı̌vel gane darvazoox, ef bağala ganu gengbanan,
    Ay damna ćomxo, qayekinan!
    Ay damna ç̌omxo, qayekinan!
    Mone, c̣ila Padčaġe eysa, bona baġale!
    Mone, s'ila Padçağe eysa, bona bağale!

Verse: 8    Šuva me c̣ila Padčaġ?
   Şuva me s'ila Padçağ?
    Zorba, bitova bašarbala Q̣ONƷ́UX!
    Zorba, bitova başarbala Q'ONČUX!
    Davoġo tašala Q̣ONƷ́UX!
    Davoğo taşala Q'ONČUX!

Verse: 9    Ay ə͑vel gane darvazoox, ef baġala ganu gengbanan,
   Ay ı̌vel gane darvazoox, ef bağala ganu gengbanan,
    Ay damna ćomxo, qayekinan!
    Ay damna ç̌omxo, qayekinan!
    Mone, c̣ila Padčaġe eysa, bona baġale!
    Mone, s'ila Padçağe eysa, bona bağale!

Verse: 10    Šuva me c̣ila Padčaġ?
   Şuva me s'ila Padçağ?
    Q̣ošuni Q̣ONƷ́UX,
    Q'oşuni Q'ONČUX,
    Šone c̣ila Padčaġ!
    Şone s'ila Padçağ!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.