TITUS
Biblia Udica, Versio Nizhensis: Vetus Testamentum
Part No. 128
Previous part

Chapter: 48 

48-ǯi ω͑vel mä͑ġ
48-ci Ǐvel mə̌ğ



Goraxi ġarmoġoy ω͑vel mä͑ġ.
Goraxi ğarmoğoy Ǐvel mə̌ğ.


Verse: 1    Q̣ONƷ́UX kalane.
   Q'ONČUX kalane.
    Šoṭay c̣iya duġi mä͑ġurṭun mä͑ġe͑ Buxaʒ́uġoy šähäre,
    Şot'ay s'iya duği mə̌ğurt'un mə̌ğě Buxačuğoy şəhəre,
    Šoṭay c̣iyaṭun alabsa Iz ə͑vel buruġo.
    Şot'ay s'iyat'un alabsa İz ı̌vel buruğo.

Verse: 2    Iz alloyluġen iču gözälluġ tadala Sion buruġo, *
   İz alloyluğen içu gözəlluğ tadala Sion buruğo, *
    Dirisṭ dünyäneynaḳ mu͑qluġ ečala,
    Dirist' dünyəneynak' mǔqluğ eçala,
    Cafon * burux ḳinäḳ gözäl, kala Padčaġimäsḳän bakala ṭe šähäre!
    Üafon * burux k'inək' gözəl, kala Padçağiməsk'ən bakala t'e şəhəre!

Verse: 3    Q̣alane Buxaʒ́ux ṭe šähäreynaḳ,
   Q'alane Buxačux t'e şəhəreynak',
    Sa q̇orišal ḳinäḳṭun aksa Šoṭo ṭe ganu ə͑śa bitalṭoġon.
    Sa q'orişal k'inək't'un aksa Şot'o t'e ganu ı̌ša bitalt'oğon.

Verse: 4    Mone, padčaġxon ičoġoy q̇ošunxoṭun girbi,
   Mone, padçağxon içoğoy q'oşunxot'un girbi,
    Šoṭay loxol tayseynaḳṭun č̣eri šorox.
    Şot'ay loxol tayseynak't'un c'eri şorox.

Verse: 5    Ama hari aḳaṭan välvälinäṭun bafṭi,
   Ama hari ak'at'an vəlvəlinət'un baft'i,
    Ičoġo q̇ə͑yen haq̇i q̇ošṭun qaybaki.
    İçoğo q'ı̌yen haq'i q'oşt'un qaybaki.

Verse: 6    Äyel ečala čuġon zaṗḳala koruġaṭun zapi,
   Əyel eçala çuğon zap'k'ala koruğat'un zapi,
    Pulan haq̇i Hun šoṭoġoy.
    Pulan haq'i Hun şot'oğoy.

Verse: 7    Be͑ġ č̣eġala täräfäxun eġala mušen iz be͑ś č̣eġala kala gäminä carpi cikala ḳinäḳ,
   Běğ c'eğala tərəfəxun eğala muşen iz běš c'eğala kala gəminə śarpi śikala k'inək',
    Hunal šoṭoġon oćalen sa bi.
    Hunal şot'oğon oç̌alen sa bi.

Verse: 8    Beši ibakiṭoġoy düz baksuna beš piinyan aḳi:
   Beşi ibakit'oğoy düz baksuna beş piinyan ak'i:
    Beši Buxaʒ́uġoy šähäri,
    Beşi Buxačuğoy şəhəri,
    Bitova Bašarbala Q̣ONƷ́UĠOY šähäri binorina Buxaʒ́uġon hämišäluġe laxe.
    Bitova Başarbala Q'ONČUĞOY şəhəri binorina Buxačuğon həmişəluğe laxe.

Verse: 9    Vi nu badalbakala čuresunayan aksa
   Vi nu badalbakala çuresunayan aksa
    Vi xrama baġaṭan, ay Buxaʒ́ux!
    Vi xrama bağat'an, ay Buxačux!

Verse: 10    Dünyäni ṭe bele ṭaṗesa Vi c̣i,
   Dünyəni t'e bele t'ap'esa Vi s'i,
    Źomo muz bakalṭin Vi kalaluġaxune äyite,
    J̌omo muz bakalt'in Vi kalaluğaxune əyite,
    Düzgün divanbsunasṭane Vi zor, ay Buxaʒ́ux!
    Düzgün divanbsunast'ane Vi zor, ay Buxačux!

Verse: 11    Sion buruxe mu͑qbaksa,
   Sion buruxe mǔqbaksa,
    Iudeyina bakalṭoġoy üḳe qayesa Vi düzgünluġa aḳi!
    İudeyina bakalt'oğoy ük'e qayesa Vi düzgünluğa ak'i!

Verse: 12    Sioni härrämine fərəpi šoṭo be͑ġanan,
   Sioni hərrəmine fırıpi şot'o běğanan,
    Šoṭay q̇aloġo bo͑q̇ä͑lpanan,
    Şot'ay q'aloğo bǒq'ə̌lpanan,

Verse: 13    Iz bariġoy osṭaarluġa,
   İz bariğoy ost'aarluğa,
    Düšmäni ə͑śa nu bites bakala me ganu fikir tadi ef eyex efanan.
    Düşməni ı̌ša nu bites bakala me ganu fikir tadi ef eyex efanan.
    Eyex efanan ki, vä͑xun oša eġala näsileynaḳ exlätṗes bakanan.
    Eyex efanan ki, və̌xun oşa eğala nəsileynak' exlətp'es bakanan.

Verse: 14    Axəri me Buxaʒ́ux yaynaḳ hämišäluġ bakala Buxaʒ́uxe.
   Axıri me Buxačux yaynak' həmişəluğ bakala Buxačuxe.
    Axəral ciriḳ yaxun baki
    Axıral śirik' yaxun baki
    Yax yaq̇ aḳesṭalone!
    Yax yaq' ak'est'alone!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.