TITUS
Biblia Udica, Versio Nizhensis: Vetus Testamentum
Part No. 88
Previous part

Chapter: 8 

8-ǯi ω͑vel mä͑ġ
8-ci Ǐvel mə̌ğ



Mä͑ġḳalxoy däsṭin kalaṭaynaḳ. Giṭṭiten * mä͑ġe͑ġala Davidi ω͑vel mä͑ġ.
Mə̌ğk'alxoy dəst'in kalat'aynak'. Git't'iten * mə̌ğěğala Davidi Ǐvel mə̌ğ.


Verse: 1    Ay Hämišä Bakalo, ay beši Q̣ONƷ́UX!
   Ay Həmişə Bakalo, ay beşi Q'ONČUX!
    Vi kala c̣i dirisṭ oćali ćoyel ṭaṗesa!
    Vi kala s'i dirist' oç̌ali ç̌oyel t'ap'esa!
   \ Vaynaḳ ḳaleġala tärifi säs göynule č̣eysa,
   \ Vaynak' k'aleğala tərifi səs göynule c'eysa,

Verse: 2    Lap körpä äyloġo q̇a döš ukala äyloġoval äyitṗesensṭa! *
   Lap körpə əyloğo q'a döş ukala əyloğoval əyitp'esenst'a! *
    Vi düšmänxoynaḳ, Vi äleyinä č̣eri vaynaḳ yaġi bakalṭoġoynaḳ sa q̇alan baki!
    Vi düşmənxoynak', Vi əleyinə c'eri vaynak' yaği bakalt'oğoynak' sa q'alan baki!
    Šoroxal hari ṭe q̇alina lafṭi äfčiṭunbaki!
    Şoroxal hari t'e q'alina laft'i əfçit'unbaki!

Verse: 3    Vi yaratmiši me göyä q̇a
   Vi yaratmişi me göyə q'a
    Vi kiin laxi me xaša q̇a muć̣uliġo be͑ġaṭan,
    Vi kiin laxi me xaşa q'a muč'uliğo běğat'an,

Verse: 4    Fikirezbsa ki, amdar hiḳḳale! Ama Hun ṗurumal šoṭo eyexun ten č̣evksa!
   Fikirezbsa ki, amdar hik'k'ale! Ama Hun p'urumal şot'o eyexun ten c'evksa!
    Insan šuva ki? Ama Hun ṗurumal šoṭay fikirän zaṗe!
    İnsan şuva ki? Ama Hun p'urumal şot'ay fikirən zap'e!

Verse: 5    Šoṭo yaratmišaṭan sayǯä göynul bakala angelxoxunen oq̇a biq̇i,
   Şot'o yaratmişat'an saycə göynul bakala angelxoxunen oq'a biq'i,
    Šoṭo taxṭan arcevḳi, kalaluġa iz kiyelen tadi.
    Şot'o taxt'an arśevk'i, kalaluğa iz kiyelen tadi.

Verse: 6    Šoṭo Vi yaratmišiṭoġoy loxol kalon laxi,
   Şot'o Vi yaratmişit'oğoy loxol kalon laxi,
    Šoṭay kiin oq̇ane bito:
    Şot'ay kiin oq'ane bito:

Verse: 7    Eġelxo, kečiyox, öküzxo,
   Eğelxo, keçiyox, öküzxo,
    Lap ä͑qnä heyvanxoval.
    Lap ə̌qnə heyvanxoval.

Verse: 8    Göynul purḳala q̇ušurxo q̇a dänizä bakala čäliyoxal,
   Göynul purk'ala q'uşurxo q'a dənizə bakala çəliyoxal,
    Xene oq̇a bakala ḳä bunesa bito.
    Xene oq'a bakala k'ə bunesa bito.

Verse: 9    Ay Hämišä Bakalo, ay beši Q̣onʒ́ux!
   Ay Həmişə Bakalo, ay beşi Q'ončux!
    Vi kala c̣i dirisṭ oćali ćoyel ṭaṗesa!
    Vi kala s'i dirist' oç̌ali ç̌oyel t'ap'esa!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.