და იტყოდა უფალი მოსეს მიმართ, მეტყუელი:
ესე არს შჯული კეთროვნისაჲ, რომელსაცა დღესა განწმდეს: და მოყვანებულ-იქმნეს მღდელისა მომართ
და განვიდეს Page of ms. Ga: 36v მღდელი გარეშე ბანაკისა და იხილოს მღდელმან და აჰა განკურნებულ არს ნიში კეთრისაჲ კეთროვნისაგან.
და უბრძანოს მღდელმან და მოჰგუარნენ განწმედილსა მას ორნი ქათამნი ცოცხალნი წმიდანი და შეშაჲ ნაძჳსაჲ და შეგრეხილი Page of ms. Ga: 37r ძოწეული და უსუპი.
და ბრძანოს მღდელმან და დაკლან ქათამი ერთი ჭურჭელსა შინა კეცისასა წყალსა ზედა ცხოველსა.
და ქათამი ცოცხალი მიიყვანოს, იგი და შეშაჲ ნაძჳსაჲ და გრეხილი ძოწეული და უსუპი და დააწნეს იგინი და Page of ms. Ga: 38v ქათამი ცოცხალი სისხლისა ქათმისა დაკლულისასა წყალსა ზედა ცხოველსა.
და მიაპკუროს განწმედილსა ზედა კეთროვნებისაგან შჳდგზის და წმიდა ყოს. და განავლინოს ქათამი იგი ცოცხალი ველად.
და განირცხას განწმედილმან მან სამოსელი თჳსი Page of ms. Ga: 39r და დაიყჳნოს ყოველი თმაჲ მისი და განიბანოს წყლითა და წმიდა იყოს. და ამისსა შემდგომად შევიდეს ბანაკად და იქცეოდის გარეშე სისხლისა თჳსისა შჳდ დღე.
და იყოს, დღესა მეშჳდესა დაიყჳნოს ყოველი თმაჲ თჳსი, თავი მისი და წუერი მისი დაიყჳნოს და განირცხას სამოსელი მისი, და განიბანოს ტანი მისი წყლითა და წმიდა იყოს.
და დღესა მერვესა Page of ms. Ga: 39v მოიბნეს ორნი ტარიგნი უბიწონი წელიწდეულნი და სამი ათეული სამინდოჲსაჲ სამსხუერპლოდ, შესუარული ზეთითა, და საწყაული ერთი ზეთისაჲ.
და დაადგინოს მღდელმან, განწმედელმან კაცისამან, განწმედილი იგი და ესენი წინაშე უფლისა კარსა ზედა კარვისა საწამებლისასა.
და მოიბას მღდელმან ტარიგი ერთი და მოიყვანოს იგი ბრალეულისთჳს და საწყაული ზეთისაჲ და განაჩინნეს იგინი მღდელმან განნაჩინებად წინაშე უფლისა.
და დაკლან ტარიგი, სადა დაჰკლვენ ყოვლად დასაწუველთა, და ცოდვისაძლითი ვითარცა ბრალისაჲ იყოს იგი მღდელისა: წმიდაჲ წმიდათაჲ არს.
და მოიღოს მღდელმან სისხლისაგან ბრალისაჲსა და სცხოს მღდელმან სისხლისაგან ბრალისაჲსა და სცხოს მღდელმან ცმელსა ყურისა მარჯუენისასა განწმედილსა მან და მწურვალსა ფერჴისა მისისა მარჯუენისასა.
და მოიღოს მღ\დელმან Page of ms. Ga: 40r საწყევოჲსაგან ზეთისა და დაასხას ჴელსა ზედა მღდელისასა მარცხენსა.
და იღებოს მღდელმან თითი მისი მარჯუენე ზეთისაგან, მყოფისა ჴელსა ზედა მისსა მარცხენესა, და მიასხუროს ზეთისაგან თითითა თჳსითა შჳდგზის წინაშე უფლისა.
ხოლო დაშთომილი ზეთი, რომელი იყოს ჴელსა ზედა მისსა, სცხოს მღდელმან ცმელსა ყურისა მარჯუენისასა განწმედილსა მას და მწუერვალსა ჴელსა მისისა მარჯუენისასა და მწუერვალსა ფერჴისა მისისა მარცხენისაჲსა.
ხოლო დაშთომილი ზეთი ჴელსა ზედა მღდელისასა დაასხას მღდელმან თავსა ზედა განწმედილისასა. და ლხინება-ყოს მისთჳს მღდელმან წინაშე უფლისა.
და ყოს მღდელმან ცოდვისა იგი და ლხინება-ყოს მღდელმან გაწმედილსა მისთჳს ცოდვისაგან მისისა და ამისსა შემდგომად დაკლას მღდელმან ყოვლად დასაწუველი
და მსხუერპლი საკურთხეველსა ზედა წინაშე უფლისა. და ლხინება-ყოს მღდელმან და განწმდეს.
ხოლო უკუეთუ გლახაკ იყოს და ჴელი მისი ვერ პოვნიერ, მოიბას ტარიგი ერთი მისთჳს, რომელ ქმნა ბრალი განსაჩინებელად, ვინაჲცა ლხინება იქმნეს მისთჳს, და მეათედი სამინდოჲსაჲ, აღსუარული ზეთითა, სამსხუერპლოდ და საწყევოჲ ზეთისაჲ ერთი.
და ორნი გურიტნი ანუ ორნი მართუენი ტრედისანი რაოდენნი პოვნა ჴელმან მისმან, და იყოს ერთი ცოდვისათჳს და ერთი ყოვლად დასაწუველად.
და მოიყვანნეს იგინი დღესა მერვესა განსაწმედელად მისსა მღდელისა Page of ms. Ga: 40v მომართ კარსა თანა კარვისა საწამებლისა წინაშე უფლისა.
და მოიღოს მღდელმან ტარიგი ბრალისაჲ და საწყაული ზეთისაჲ და ზედა დასხნეს იგინი ზედა დასასხმელად წინაშე უფლისა.
და დაკლას ტარიგი ბრალისაჲ და მოიღოს მღდელმან სისხლისაგან ბრალისაჲსა და სცხოს ცმელსა ყურის მარჯუენისა განწმედილისა მისისა და მწუერვალსა ჴელისა მისისა მარჯუენისასა და მწუერვალსა ფერჴისა მისისა მარჯუენისასა.
და ზეთისაგან ასხას მღდელმან ჴელსა ზედა მღდელისასა მარცხენესა.
და შეასხუროს მღდელმან თითითა მისითა მარჯუენითა ზეთისაგან მარცხენისაჲსა შჳდ გზის წინაშე უფლისა.
და ზეთისა, მყოფისა ჴელსა მისსა ზედა მარცხენასა, სცხოს მწუერვალსა ჴელისა მისისა მარჯუენისასა და მწუერვალსა ფერჴისა მისისასა მარჯუენისასა ადგილსა ზედა სისხლისა ბრალისაჲსასა.
ხოლო დაშთომილი ზეთი, მყოფი ჴელსა ზედა მდღელისასა დაასხას თავსა ზედა განწმედილისასა და ლხინება-ყოს მისთჳს მღდელმან წინაშე უფლისა.
და ყოს ერთი გურიტთაგან, ანუ მართვეთაგან ტრედისათა, რაჲცა პოვა ჴელმან მისმან,
ერთ ცოდვისათჳს და ერთი ყოვლად დასაწუველად მსხუერპლისა თანა და ლხინება-ყოს მღდელმან განწმედილისათჳს წინაშე უფლისა.
ესე არს შჯული, რომლისა თანა იყო ნიში კეთროვნებისაჲ და ვერ პოვნიერ იყოს ჴელი მისი საგანსაწმედელოსა მისსა.
და თქუა უფალმან მოსეს მიმართ, მეტყუელმან:
ვითარცა შეხჳდეთ ქუეყანასა ქანანელთასა, რომელსა მე მიგცე თქუენ სამკჳდრებელად, და მივსცე შეხებაჲ კეთროვნებისაჲ სახლთა ქუეყანისა მოგებულისა თქუენისათა,
და მოვი\დეს, Page of ms. Ga: 41r ვისი იყოს სახლი მისი, და უთხრას მღდელსა მეტყუელმან, ვითარმედ: ნიში ვიხილე მე სახლსა შინა.
და უბრძანოს მღდელმან განჭურჭლვაჲ სახლისაჲ შემავალისა მღდელისათჳს ხილვად ნიშისა და არა იყვნენ არაწმიდა, რაოდენნი დაემთხჳნენ სახლსა შინა. და ამისსა შემდგომად შევიდეს მღუდელი განხილვად სახლისა.
იხილოს მღდელმან ნიში Page of ms. Ga: 41v და აჰა ნიში არს კედელთა ზედა სახლისათა ჴჳფლონად მომწუანედ გინა მომწითურედ და შესახედავი მათი უმდაბლეს ზღუდეთასა.
და გამოვიდეს მღდელი სახლით კარსა ზედა სახლისასა და განაყენოს მღდელმან სახლი იგი შჳდთა დღეთა.
და კუალად-იქცეს მღდელი დღესა მეშჳდესა და იხილოს სახლი და აჰა განეფინა ნიში კედელთა ზედა სახლისათა.
და ბრძანოს მღდელმან და განიხუნენ ქვანი, რომელთა შორის იყოს ნიში იგი და განყარნენ გარე ქალაქისაგან ადგილსა არაწმიდასა.
და სახლი იგი მოფხეკონ შიგნით მრგულივ და განსთხიონ მონაფხეკი იგი მტუერი გარეგან Page of ms. Ga: 42r ქალაქისა ადგილსა არაწმიდასა.
და მოიხუნენ ქვანი განთლილნი სხუანი და შეუსხნენ ნაცვალად ქვათა მათ და მიწაჲ სხუაჲ მოიღონ და განზოგონ სახლი იგი.
ხოლო უკუეთუ მოუჴდეს კუალად ნიში და აღმოჰჴდეს სახლსა შინა შემდგომად გამოხუმისა ქვათაჲსა და შემდგომად განზოგისა,
და შევიდეს მღდელი და იხილოს: უკუეთუ განეფინა ნიში სახლსა შინა, კეთროვნებაჲ დადგრომილი არს სახლსა შინა, არაწმიდა არს.
და დაარღჳონ სახლი და ძელი მისნი და ყოველი მიწაჲ სახლისაჲ განიღონ გარეშე ქალაქისა ადგილსა არაწმიდასა.
და შემავალი სახლსა მას ყოველთა დღეთა განყენებულ არს, არაწმიდა იყოს ვიდრე მწუხრადმდე.
და რომელმან დაიძინოს სახლსა მას შინა, განირცხას სამოსელი თჳსი. და რომელმან ჭამოს სახლსა მას შინა, განირცხას სამოსელი თჳსი.
და უკუეთუ მოსლვით შევიდეს მღდელი და იხილოს: და აჰა განფენით არა განეფინა ნიში სახლსა შინა შემდგომად განზოგისა სახლისა მის, და განწმიდოს მღდელმან სახლი, რამეთუ განიკურნა ნიში.
და მოიხუნეს უბიწო-ქმნისათჳს სახლსა ორნი ქათამნი და ხე ნაძჳსაჲ და აღძახილი ძოწეული და უსუპი.
და დაკლას ქათამი ერთი ჭურჭელსა შინა კეცისასა წყალსა ზედა ცხოველსა.
და მიიღოს შეშაჲ ნაძჳსაჲ და ძოწეული ძახილი და უსუპი Page of ms. Ga: 42v და ქათამი იგი ცოცხალი და დააწნეს იგინი სისხლსა ქათმისა დაკლულისასა წყალსა ზედა ცხოველსა და მოაპკუროს მათ მიერ სახლი იგი შჳდგზის.
და უბიწო-ყოს სახლი იგი სისხლითა ქათმისაჲთა და წყლითა ცხოველითა და ქათმითა მით ცოცხლითა და ძელითა ნაძჳსაჲთა და უსუპითა და მეწამულითა აღძახილითა.
და განავლინოს ცოცხალი იგი ქათამი გარეშე ქალაქისა ველად და ლხინება-ყოს სახლისათჳს და წმიდა იყოს.
ესე არს შჯული ყოველსა ზედა ნიშსა კეთროვნებისასა და სჳრინგობისასა,
და კეთროვნებასა სამოსლისასა და სახლისასა,
და ბრძჳლსა და შენიშვასა და აელვებასა,
და მოთხრობაჲ, თუ რომელსა დღესა არაწმიდა არს და რომელსა დღესა განწმდების. ესე არს შჯული კეთროვნებისაჲ.
