და თქუა უფალმან მოსეს და აარონის მიმართ, მეტყუელმან:
ეტყოდეთ ძეთა ისრაელისათა და არქუ მათ: მამაკაცსა, რომელსა შეჰხუდეს დინებაჲ ჴორც\თაგან Page of ms. Ga: 43r მისთა, დინებაჲ მისი არაწმიდა არს.
და ესე არს შჯული არაწმიდებისა მისისაჲ, რომელსა სდიოდის თესლი ჴორცთაგან მისთა, დინებისაგან, რომელი შეექმნა ჴორცთა მისთა დინებისა მის მიერ, არაწმიდებაჲ მისი იყოს.
ყოველი სარეცელი, Page of ms. Ga: 43v რომელსაცა დაწვეს მას ზედა თესლმდინარე იგი, არაწმიდა არს და ყოველი ჭურჭელი, რომელსაცა დაჯდეს მას ზედა თესლმდინარე, არაწმიდა არს.
და კაცი უკუეთუ შეეხოს სარეცელსა მისსა, განირცხას სამოსელი თჳსი და დაიბანოს წყლითა და არაწმიდა იყოს მწურამდე.
და რომელი დაჯდეს ჭურჭელსა ზედა, რომელსა მჯდომარე იყოს თესლმდინარე იგი, განირცხას სამოსელი თჳსი და დაიბანოს ტანი მისი წყლითა და არაწმიდა იყოს ვიდრე მწუხრამდე.
და რომელი შეეხოს თესლმდინარესა, განირცხას სამოსელი თჳსი და დაიბანოს ტანი მისი წყლითა და არაწმიდა იყოს მწუხრამდე.
უკუეთუ ჰნრეწვოს თესლმდინარემან მან წმიდასა ვისმე, განირცხას სამოსელი მისი და იბანოს წყლითა და არაწმიდა იყოს მწუხრამდე.
და ყოველი უნაგირი, რომელსაცა დაჯდეს მას ზედა თესლმდინარე, არაწმიდა იყოს.
და ყოველი, რომელი შეეხოს ყოველთა, რაოდენი რაჲ იყვნენ ქუეშე მისსა არაწმიდა იყოს ვიდრე მწუხრამდე. და რომელმან აღიხუნეს იგინი განირცხას სამოსელი თჳსი და დაიბანოს წყლითა და არაწმიდა იყოს ვიდრე მწუხრამდე.
იგი რაოდენადცა შეეხოხო თესლმდინარე იგი და ჴელნი მისნი არა დაიბანნა წყლითა, განირცხას სამოსელი თჳსი და ტანი მისი დაიბანნა წყლითა, განირცხას სამოსელი თჳსი და ტანი მისი დაიბანოს წყლითა და არაწმიდა იყოს მწუხრამდე.
და ჭურჭელსა კეცისასა, რომელსა შეეხოს თესლმცენარე შეიმუსროს და ჭურჭელი ძელისაჲ და განირცხას წყლითა და წმიდა იყოს.
უკუეთუ განწმდეს თესლმდინარე იგი დინებისაგან მისისა და აღირაცხნენ მის ზედა შჳდნი დღენი განწმედასა მისსა და განირცხას სამოსელი მისი და დაიბანოს ტანი მისი წყლითა ცხოველითა Page of ms. Ga: 44r და წმიდა იყოს.
და დღესა მერვესა მოიხუნეს თავისა თჳსისად ორნი გურიტნი ანუ ორნი მართუენი ტრედისანი და მოიხუნეს იგი[ნი] წინაშე უფლისა კართა თანა კარვისა საწამებელისათა და მისცნეს იგინი მღდელსა.
და ყვნეს იგინი მღდელმან ერთი ცოდვისათჳს და ერთი ყოვლად დასაწუველად და ლხინება-ყოს მისთჳს მღდელმან წინაშე უფლისა დინებისაგან მისისა.
და კაცისა, რომლისაგან გამოჴდეს მისგან საწოლი თესლისაჲ დაიბანოს წყლითა ყოველი ტანი მისი და არწმიდა იყოს ვიდრე მწუხრამდე.
და ყოველი სამოსელი და ყოველი ტყავი, რომელსა ზედა იყო საწოლი თესლისაჲ მას ზედა, განჰრცხათ წყლითა და არწმიდა იყოს მწუხრამდე.
და ცოლი, უკუეთუ დაწვეს ქმარი ამას-თანა საწოლითა თესლითაჲთა, დაიბანენ წყლითა და არაწმიდა იყავნ მწუხრამდე.
და დედაკაცი თუ ვინმე იყოს წიდოვნებასა მისსა და იყოს დიენებაჲ მისი ჴორც\თა Page of ms. Ga: 45r შინა მისთა შჳდთა დღეთა იყოს წიდოვნებასა შინა მისსა. ყოველი, რომელი შეეხოს მას, არაწმიდა იყოს მწუხრამდე.
და ყოველსა, რომელსაცა ზედა დაჯდეს მას ზედა, არაწმიდა იყოს.
და ყოველი, რომელი შეეხოს სარეცელსა მისსა, განრცხას სამოსელი თჳსი და დაიბანოს ტანი მისი წყლითა და არაწმიდა იყოს მწუხრამდე.
და ყოველი, რომელი შეეხოს ყოველსა ჭურჭელსა, რომელსა ზედა დაჯდეს იგი მას ზედა განირცხას სამოსელი თჳსი და დაიბანოს ტანი თჳსი წყლითა და არაწმიდა იყოს მწუხრამდე.
(აკლია)
უკუეთუ ვინმე დაწოლით დაწვეს მის თანა და იქმნეს არაწმიდებაჲ მისი მას ზედა, არაწმიდა იყოს შჳდ დღე და ყოველი Page of ms. Ga: 45v სარეცელი, რომელსა ზედა დაწვეს მას ზედა, არაწმიდა იყოს.
და დედაკაცსა თუ სდიოდის დინებაჲ სისხლისაჲ მრავალთა დღეთა არა ჟამსა წიდოვნებისასა მისისასა, უკუეთუ შემდგომად წიდოვნებისა მისისა სდიოდის, ყოველნი დღენი დინებისა არაწმიდებისა მისისანი, იყვნენ არაწმიდა.
და ყოველი სარეცელი, რომელსაცა ზედა დაწვეს მას ზედა ყოველთა დღეთა დინებისა მისისათა, სარეცლისაებრ წიდოვნებისა მისისა იყოს იგი. და ყოველი ჭურჭელი, რომელსაცა დაჯდეს მას ზედა, არაწმიდა იყოს არაწმიდებისაებრ წიდოვნებისა მისისა.
ყოველი შეხებული მისი არაწმიდა იყოს და განირცხას სამოსელი და დაიბანოს ტანი მისი წყლითა და არწმიდა იყოს მწუხრამდე.
მისისა, აღრაცხნეს მან შჳდნი დღენი და ამისსა შემდგომად განწმიდნეს,
და დღესა მერვესა მოიხუნეს მან ორნი გურიტნი ანუ ორნი მართუენი მტრედთანი და მიიყუანეს მართუენი იგინი მღდელისა თანა კარსა კარვისა საწამებლისასა.
და ყოს მღდელმან ერთი იგი ცოდვისათჳს და ერთი ყოვლად დასაწუველად და ლხინება-ყოს მისთჳს მღ\დელმან Page of ms. Ga: 46r წინაშე უფლისა დინებისაგან არაწმიდებისა მისისა.
და მოშიშ-ქმნენით ძენი ისრაელისანი არაწმიდებათაგან მათდა და არა მოკუდენ არაწმიდებისათჳს მათისა შეგინებად მათ მიერ კარავი ჩემი მათ-შორისი.
ესე არს შჯული თესლმდინარეთაჲ და უკუეთუ ვისიმე გამოჴდეს მისგან საწოლი თესლისაჲ ვიდრე შეგინებამდე მით.
და სისხლმდინარისაჲ წიდოვნებასა შინა მისსა და თესლმცენარისაჲ დინებასა შინა მისსა, წულისა ანუ მდედრისაჲ, და მამაკაცისაჲ, რომელი დაწვეს წიდოვნისა თანა.
