TITUS
Vetus testamentum iberice, redactio Gelatica
Part No. 28
Previous part

Book: Num.  
რიცხუნი ძეთა ისრაელისათანი აღწერილი მოსესი


Chapter: 1  
თავი I


Verse: 1   Link to mcat Link to sept   Page of ms. Ga: 87r   Page of ms. Gb: 35r  და იტყოდა უფალი მოსეს მიმართ უდაბნოსა სინაჲსასა, კარავსა შინა წამებისასა, ერთსა მეორისა თთჳსასა, წელსა მეორესა გამოსლვისასა ქუეყანით ეგჳპტით, მეტყუელი:

Verse: 2   Link to mcat Link to sept   მიიღე დასაბამი ყოვლისა შესაკრებელისა ძეთა ისრაელისათაჲსა ნათესავობისაებრ მათისა, სახლთაებრ მამულთა მათთა, რიცხჳსაებრ სახელისა Page of ms. Ga: 87v   მათისა, თავად-თავადისა მათისა ყოველი წული

Verse: 3   Link to mcat Link to sept   ოცით წლითგან და წამართ, ყოველი გამომავალი ძალითა ისრაელისაჲთა ახილვად მათდა ძალისა თანა მათისა, შენ და აარონ აღიხილენით იგინი.

Verse: 4   Link to mcat Link to sept   და თქუენ თანა იყვნენ თითოეულისა ტომისაგან, თითოეული მთავართაგანი, სახლთაებრ მამულთა იყვნენ.

Verse: 5   Link to mcat Link to sept   და ესე არს სახელე\ბი Page of ms. Ga: 88r   კაცთაჲ, რომელი დადგენ თქუენ Page of ms. Gb: 35v  თანა: რუბენისთაჲ: ელისურ, ძე სედიურისი;

Verse: 6   Link to mcat Link to sept   სჳმეონისთაჲ: სალამიელ, ძე სჳრისადაისი;

Verse: 7   Link to mcat Link to sept   იუდაჲსთაჲ: ნაასონ, ძე ამინადაბისი;

Verse: 8   Link to mcat Link to sept   ისახარისთაჲ: ნათანაილ, ძე სობარისი;

Verse: 9   Link to mcat Link to sept   ზაბულონისთაჲ: ელიაბ, ძე აქელონისი;

Verse: 10   Link to mcat Link to sept   ძეთა იოსებისთაჲ: ეფრემისათაჲ; ელკამა, ძე სემიუდისი; მანასეთაჲ: ღამაილ, ძე ფადასურისი;

Verse: 11   Link to mcat Link to sept   ბენიამენისთაჲ: აბიდან, ძე გედეონისი;

Verse: 12   Link to mcat Link to sept   დანისთაჲ: აქიეზერ, ძე ამისადაისი;

Verse: 13   Link to mcat Link to sept   ასირისთაჲ: ფაღაკლ, ძე ეხრანისი;

Verse: 14   Link to mcat Link to sept   გადისთაჲ: ელისაფ, ძე რაგუილისი;

Verse: 15   Link to mcat Link to sept   ნეფთალიმისთაჲ: აქირე, ძე ენანისი.

Verse: 16   Link to mcat Link to sept   ესე გამორჩეულნი შესაკრებელისანი, მთავარნი ტომთანი მამობათაებრ მათთა, ათასის მთავარნი ისრაელისანი არიან

Verse: 17   Link to mcat Link to sept   და მოიყვანნეს მოსე და აარონ კაცნი ესე, წოდებულნი ესე სახელის-დებით,

Verse: 18   Link to mcat Link to sept   და ყოველი შესაკრებელი ეკლესია-ყვეს ერთსა თთუესა მეორისა წლისასა და აღიხილეს ნათესავთაებრ მათთა, მამობათაებრ მათთა, რიცხჳსაებრ სახელთა მათთაჲსა ოცით წლითგან წამართ, ყოველი წული თავად-მათდა,

Verse: 19   Link to mcat Link to sept   ვითარ სახედ უბრძანა უფალმან მოსეს, და აღხილულ იქმნეს უდაბნოსა სინაჲსასა.

Verse: 20   Link to mcat Link to sept   და იყვნეს ძენი რუბენისნი პირმშოჲსა ისრაელისანი, თანამონათესვეობისა\ებრ Page of ms. Ga: 88v   მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი, ოცით წლითგან და წამართ, ყოველი გამომავალი ძალითა,

Verse: 21   Link to mcat Link to sept   აღხილვაჲ მათი ტომისაგან რუბენისა ექუს და ორმეოც ათას და ხუთას.

Verse: 22   Link to mcat Link to sept   ძენი სჳმიონისნი თანამონათესვეობისაებრ მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი, ოცით წლითგან და წამართ, ყოველი გამომავალი ძალითა.

Verse: 23   Link to mcat Link to sept   აღხილვაჲ მათი ტომისაგან სჳმიონისსა ცხრა და ერგასის ათას და სამას.

Verse: 24   Link to mcat Link to sept   ძენი იუდაჲსნი თანა\მონათესვეობისაებრ Page of ms. Ga: 89r   მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი ოცით წლითგან და წამართ, ყოველი გამომავალი ძალითა.

Verse: 25   Link to mcat Link to sept   ახილვაჲ მათი ტომისაგან იუდაჲსა ოთხ და Page of ms. Gb: 46r  სამეოცდაათ ათას და ექუსასნი.

Verse: 26   Link to mcat Link to sept   ძენი ისახარისნი თანამონათესვეობისაებრ მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი ოცით წლითგან და წამართ, ყოველი გამომავალი ძალითა.

Verse: 27   Link to mcat Link to sept   ახლივაჲ მათი ტომისაგან ისახარისსა ოთხ და ერგასის ათას და ოთხასნი.

Verse: 28   Link to mcat Link to sept   ძენი ზაბულონისნი თანამონათესვეობისაებრ მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი ოცით წლითგან და წამართ, ყოველი გამომავალი ძალითა.

Verse: 29   Link to mcat Link to sept   ახილვაჲ მათი ტომისაგან ზაბულონისა შჳდ და ერგასის და ათას და ოთხასნი.

Verse: 30   Link to mcat Link to sept   ძეთაგან იოსებისთა ძენი ეფრემისნი, თანამონათესვეობისაებრ მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი ოცით წლითგან და წამართ, ყოველი გამომავალი ძალითა.

Verse: 31   Link to mcat Link to sept   აღხილვაჲ მათი ტომისაგან ეფრემისსა ორმოცი ათას და ხუთასნი.

Verse: 32   Link to mcat Link to sept   ძენი მანასესნი, თანამონათესვეობისაებრ მათისა, Page of ms. Ga: 89v   ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი ოცით წლითგან და წამართ, ყოველი გამომავალი ძალითა.

Verse: 33   Link to mcat Link to sept   ახილვაჲ მათი ტომისაგან მანასესსა ორ და ოცდაათი ათას და ორასნი.

Verse: 34   Link to mcat Link to sept   ძენი ბენიამენისნი, თანამონათესვეობისაებრ მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი ოცით წლითგან და წამართ, ყოველი გამომავალი ძალითა.

Verse: 35   Link to mcat Link to sept   ახილვაჲ მათი ტომისაგან ბენიამენისა ხუთ და ოცდაათი ათას ორასნი.

Verse: 36   Link to mcat Link to sept   ძენი გადისნი თანამონათესვეობისაებრ მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი ოცით წლითგან და წამართ, ყოველი გამომავალი ძალითა.

Verse: 37   Link to mcat Link to sept   აღხილვაჲ მათი ტომისაგან გადისსა ხუთ და ორმოცი ათას ექუსას და ერგასისნი.

Verse: 38   Link to mcat Link to sept   ძენი დანისნი, თანამონათესვეობისაებრ მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი ოცით წლითგან და წამართ, ყოველი გამომავალი ძალითა.

Verse: 39   Link to mcat Link to sept   ახილვაჲ მათი ტომისაგან დანისსა ორ და სამოცი ათას და შჳდასნი.

Verse: 40   Link to mcat Link to sept   ძენი ასერისნი თანამონათესვეობისაებრ მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი ოცით წლითგან და წამართ, ყოველი გამომავალი ძალითა.

Verse: 41   Link to mcat Link to sept   ახილვაჲ Page of ms. Ga: 90r   მათი ტომისაგან ასირისა ერთ და Page of ms. Gb: 36v  ორმოცი ათას და ხუთასნი.

Verse: 42   Link to mcat Link to sept   ძენი ნეფთალიმისნი, თანამონათესვეობისაებრ მათისა, ერობისაებრ მათისა, სახლთაებრ მამულთა მათთა, რიცხჳსაებრ სახელთა მათთაჲსა, თავად-თავადისაებრ მათისა -- ყოველნი წულნი ოცით წლითგან და წამართ, ყოველი გამომავალი ძალითა,

Verse: 43   Link to mcat Link to sept   ახილვაჲ მათი ტომისაგან ნეფთალმისსა სამ და ერგასის ათას და სამასნი.

Verse: 44   Link to mcat Link to sept   ესე აღხილვაჲ, რომელი აღიხილეს მოსე და არონ და მთავართა ისრაელისათა, ათორმეტთა კაცთა, კაცი ერთი ტომისაგან თითოჲ ტომისაებრ სახლთა მამულთა მათთაჲსა იყვნეს.

Verse: 45   Link to mcat Link to sept   და იყო ყოველი აღხილვაჲ ძეთა ისრაელისათაჲ ძალისა თანა მათისა ოცით წლითაგანთაჲ და წამართ, ყოველი გამომავალი წყობად ისრაელსა შორის,

Verse: 46   Link to mcat Link to sept   ექუსასი ათას და სამ ათას და ხუთასერგასის.

Verse: 47   Link to mcat Link to sept   ხოლო ლევიტელნი ტომობისაგან მათისა არა თანა-აღხილულ იქმნეს ძეთა თანა ისრაელისათა.

Verse: 48   Link to mcat Link to sept   და იტყოდა უფალი მოსეს მიმართ, მეტყუელი:

Verse: 49   Link to mcat Link to sept   იხილი ტომი ლევისი, არა თანა-აღხილულ ყო და რიცხჳ მათი არა შეჰრთო ძეთა თანა ისრაელისათა,

Verse: 50   Link to mcat Link to sept   და შენ ზედა დაადგინენ ლევიტელნი კარავსა ზედა წამებისასა და ყოველთა ზედა ჭურჭელთა მისთა და ყოველთა ზედა, რაოდენნი არიან მას შინა. იგინი აღიღებდენ კარავსა და ყოველთა ჭურჭელთა მისთა და იგინი ჰმსახურობდენ მას შინა და გარემოჲს კარვისა დაიბანაკებდენ.

Verse: 51   Link to mcat Link to sept   და აღღებასა კარვისასა და ჰჴსნიდენ და ლევიტელნი და დაბან\აკებასა Page of ms. Ga: 90v   აღჰმართებდენ კარავსა, და სხუა ნათესავი, რომელი მიეახლოს, მოკუდეს.

Verse: 52   Link to mcat Link to sept   და დაიბანაკოდის ძენი ისრაელისანი კაცი წესსა ზედა თჳსსა ძალისა თანა მათისა.

Verse: 53   Link to mcat Link to sept   ხოლო ლევიტელნი დაიბანაკოდინ წინაშე გარემოჲს კარავსა წამებისასა და არა იყოს ცოდვაჲ ძეთა შორის ისრაელისათა და სცვიდენ ძენი ისრაელისანი იგინი კარავსა წამებისასა.

Verse: 54   Link to mcat Link to sept   და ყვეს ძეთა ისრაელისათა ყოველთაებრ, რაოდენნი ამცნნა უფალმან მოსეს და აარონს, ეგრეთ ყვნეს.



Next part


This text is part of the TITUS edition of Vetus testamentum iberice, redactio Gelatica.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.