და იტყოდა უფალი მო\სეს Page of ms. Gb: 37r და აარონის მიმართ, მეტყუელი:
კაც მახლობელად განწესებულისაებრ თჳსისა, Page of ms. Ga: 91r შესწავებათაებრ თჳსთა, სახლთაებრ მამულთა მისთა დაიბანაკებდენ ძენი ისრაელისანი.
და დამბანაკებელნი პირველნი აღმოსავლით კერძო განწესებული ბანაკისაჲ იუდა ძალისა თანა მისისა, და მთავარი ძეთა იუდაჲსთაჲ ნაასონ, ძე ამინადაბისი,
ძალი მისი აღხილული ოთხი და სამეოცდაათი ათასი და ექუსასნი.
და დამბანაკებელნი მახლობელად ტომი ისახარისი, და მთავარი ძეთა ისახარისთაჲ ნათანაილ, ძე სოღარისი.
ძალი მისი აღხილული ოთხ და ერგასის ათას და ოთხასნი.
და დამბანაკებელნი მახლობელად ტომი ზაბულონისი, და მთავარი ძეთა ზაბულონისთაჲ ელიაბ, აქილონისი,
და ძალი მისი აღხილული შჳდ და ერგასის ათას და ოთხასნი.
ყოველნი აღრიცხულნი ბანაკისაგან იუდაჲსსა ასოთხმეოცი ათას და ექუს ათას და ოთხასნი ძალისა თანა მათისა; პირველნი აღმტრველნი.
მწყობრი ბანაკისა რუ\ბენისი Page of ms. Ga: 91v სამხრით კერძო ძალისა თანა მათისა და მთავარი ძეთა რუბენისთაჲ ელისსუ, ძე სედიურისი,
ძალი მისი აღხილულნი ექუს და ორმეოც ათას და ხუთასნი.
და დამბანაკებელნი მახლობელად მასსა ტომი სჳმეონისი, და მთავარი ძეთა სჳმეონისთაჲ სალამიილ, ძე სურისადაჲსი,
ძალი მისი აღხილულნი ცხრა და ერგასის ათას და სამასნი.
და დამბანაკებელნი მახლობელად მისსა ტომი გადისი, და მთავარი ძეთა გადისთაჲ ელისაფ, ძე რაგუილისი,
ძალი მისი აღხილულნი ხუთ და ორმეოც ათას და ექუსასერგასისნი.
ყოველნი აღრიცხულნი ბანაკისა რუბენისნი ასერგასის და ათას და ოთხასერგასისნი თანა მათისა; მეორენი აღმტრველნი.
და აღიღოდის კარავი წამებისაჲ და ბანაკი ლევიტელთაჲ საშუალ ბანაკთა ვითარცა დაიბანაკებდენ, ეგრეთ იტრვოდინ თითოეული მახლობელად განწესებულებისა თჳსისა.
მწყობრი ბანაკისა ეფრემისი ზღჳთ კერძო ძალისა თანა მისისა, და მთავარი ძეთა ეფრემისთაჲ ელისამა, ძე აბიუდისი,
ძალი მისი აღხილულნი ორმოცი ათას და ხუთასნი.
და დამბანაკებელნი დახლობელად ტომი მანასესი, და მთავარი ძეთა მანასესთაჲ გამალი\ელ, Page of ms. Gb: 37v ძე ფადასურისი,
ძალი მისი აღხილულნი ორ და ოცდაათი ათას და ორას.
და დამბანაკებელნი მახლობელად ტომი ბენიამენისი, და მთავარი ძეთა ბენიამენისთაჲ აბიდან, ძე გედეონისი,
ძალი მისი აღხილულნი ოცდაათი ათას და სამას.
ყოველნი აღხილულნი ტომისა ეფრემისნი ასათასეულ და რვაჯერ ათას და ას ძალისა თანა მათისა, მესამენი აღმტვრელნი.
მწყობრი ბანაკისა დანისი ჩრდილოჲთ კერძო ძალისა თანა მათისა, და მთავარი ძეთა დანისთაჲ აქიეზერ, ძე ამისადაისი,
ძალი მისი აღხილულნი ორ და სამოცი ათას და შჳდასნი.
და დამბანაკებელნი მახლობელად მისსა ტომი ასირისი, და მთავარი ძეთა ასირისთაჲ ფაღაილ, ძე ეხრანისი,
ძალი მისი აღხილულნი ერთ და ორმოცი ათას და ხუთასნი.
და დამბანაკებელნი მახლობელად მისსა ტომი ნეფთალიმისი, და მთავარი ძეთა ნეფთალიმისთაჲ აქირე, ძე ენანისი,
ძალი მისი აღხილულნი სამ და ერგასის ათასეულნი და ხუთასნი.
ყოველნი აღხილულნი ტომისა დანისნი შჳდ და ერგასის და ასათასეულნი და ექუსასნი ძალისა თანა მათისა; უკუანაჲსკნელნი აღმტრველნი მწყობრობისაებრ მათისა.
ესე აღხილვაჲ ბანაკთაჲ ძალთა თანა მათთა ექუსასნი ათასეულნი და სამ ათასნი და ხუთასერგასისნი.
ხოლო ლევიტელნი არა Page of ms. Ga: 92v აღიხილნეს მათ თანა, ვითარცა ამცნო უფალმან მოსეს.
ესრეთ დაიბანაკებდეს განწესებათაებრ მათთა და ესრეთ იტრვოდეს თითოეული მახლობელნი ძალისაებრ მათისა, სახლთაებრ მამულთა მათთა.
