და ესე ქმნანი ოთხნი აარონის და მოსესნი დღესა, რომელსა ეტყოდა ღმერთი მოსეს მთასა ზედა სინასა,
და ესე სახელები ძეთა აარონისთაჲ: პირმშოჲ ნაბად და აბიუდ და ელიაზარ და ითამარ,
ესე არს სახელები ძეთა აარონისთაჲ, მღდელნი ცხებულნი, რომელთანი სრულ იქმნნეს ჴელნი მათნი მღდელობად.
და აღესრულნეს ნადაბ და აბიუდ წინაშე უფლისა, მო-რაჲ-აქუნდა მათ ცეცხლი უცხოჲ უდაბნოსა სინასა, და შვილნი არა იყვნეს მათდა, და აჰა მღდელობდეს ელიაზარ და ითამარ აარონის თანა, მამისა მათისა.
და იტყოდა Page of ms. Ga: 93r უფალი მოსეს მიმართ, მეტყუელი:
მოიყვანე ტომი ლევისი და დაადგინე იგი წინაშე აარონ მღდელისა და ჰმსახურებდენ მას
და სცვიდენ საცავთა მისთა და საცავთა ძეთა ისრაელისათა წინაშე კარავსა საწამებლისასა საქმედ ყოველთა საქმეთა კარვისათა,
და სცვიდენ ყოველთა ჭურჭელთა კარვისა საწამებლისათა და საცავთა ძეთა ისრაელისათასა ყოველთაებრ საქმეთა კარვისათა.
და მისცნე ლევიტელნი აარ\ონს, Page of ms. Gb: 38r ძმასა შენსა, და ძეთა მისთა მღდელთა; საცემელ მოცემულ ესენი არიან ჩემდა ძეთაგან ისრაელისათა;
და არონ და ძენი მისნი დაადგინნე კარავსა ზედა წამებისასა და სცვიდენ მღდელობასა მათსა და ყოველთა ბომონისთა და შინაგანთა კრეტსაბმელისათა; და სხუა ნათესავი, რომელი შეეხოს, მოკუდეს.
და იტყოდა უფალი მოსეს მიმართ, მეტყუელი:
აჰა, მე მივიყვანენ ლევიტელნი შორის ძეთა ისრაელისათა ნაცვალად ყოვლისა პირმშოჲსა. რომელმან განაღოს საშოჲ ძეთა შორის ისრაელისათა, საჴსარ მათდა იყვნენ ჩემდა ლევიტელნი,
რამეთუ ჩემი არს ყოველი პირმშოჲ; დღესა, რომელსა დავეც ყოველი პირმშოჲ ქუეყანასა ეგჳპტისასა, წმიდა ვყავ ჩემდა ყოველი პირმშოჲ ისრაელსა შორის კაცითგან მიპირუტყუამდე. ჩემნი იყვნენ, მე ვარ უფალი.
და იტყოდა უფალი მოსეს მიმართ უდაბნოსა სინაჲსასა, მეტყუელი:
აღიხილნეთ ძენი ლევისნი და სახლნი ტომთა მათთანი ერობისაებრ მათისა, თანამონათესავეობისაებრ მათისა: ყოველი წული, თჳთგან და წამართ, აღრიცხუენ იგინი.
და აღრიცხუნეს იგინი მოსე და აარონ ჴმითა უფლისაჲთა, ვითარ სახედ ურძანა მათ უფალმან.
და იყვნეს ესენი, ძენი ლევისნი, სახელებისაებრ მათისა: გედეონ, კაათ, მერარი.
და ესე სახელები ძეთა გეთსონისთაჲ და ტომთა მათთაჲ და ერობისა მისისაჲ: ლობენი და სემეი.
და ძენი კაათისნი და ტომნი მათნი: აბრამ და ისაარ, ქებრონ და Page of ms. Gb: 38v ოზიილ.
ძენი მერარისნი და ტომნი მათნი: მოოლი და ომუსი. ესე არიან ერნი ლევიტელთანი და სახლთაებრნი ტომობანი მათნი.
გეთსონს: ერი ლობენისი და ერი სემეისი -- ესე ერნი გეთსონისნი.
და აღხილვაჲ მათი რიცხუეულად ყოვლისა წულისაჲ, თჳთგანისაჲ და წამართ, რიცხჳ მათი შჳდგზის ათასეულნი და ხუთასნი.
და ძეთა გეთსონისთა უკუანაჲთ კარვისა დაიბანაკონ ზღჳთ კერძო,
და მთავარი სახლისა ტომობისა ერისა გეთსონისი ელისაფ, ძე დანილისი.
და საჴუმილავი ძეთა გეთსონისთაჲ კარავსა შინა წამებისასა, Page of ms. Ga: 94v კარავი და საბურველი მისი დასაბურველი ბჭისა ეზოჲსა წამებისაჲ,
და სუეტნი ეზოჲსნი და კრეტსაბმელი ბჭისა კარვისაჲ, მყოფისაჲ კარავსა ზედა და ნეშტნი ყოველთა საქმეთა მათთანი.
კაათისსა: ერ აბრამ ერთ და ერ ისსაარ ერთ და ერ ქებრონ ერთ და ერ ოზიილ ერთ -- ესე არიან ერნი კაათისნი.
რიცხუელად ყოველი წული, თჳთგან და წამართ, რვა ათასეულ და ექუსასნი, მჴუმილველნი ჴუმილვასა წმიდათასა.
ერთა ძეთა კაათისთანა დაიბანაკონ მგუარდლ კარვისა, სამხრით კერძო,
და მთავარი სახლისა ტომთა ერისა კაათისთაჲ ელისაფან, ძე ოზილისი.
და საჴუმილავი მათი: კიდობანი და ტრაპეზი და სასანთლე და საკურთხეველნი და ჭურჭელნი წმიდისანი, რაოდენნი ჰმსახურებენ მას შინა, და დასაბურველი და ყოველნი საქმენი მათნი.
და მთავარნი მთავართაზედაჲ ლევიტელთაჲ ელეაზარ, ძე აარონის მღდელისაჲ, დადგინებული ჴუმილვად საჴუმილავთა წმიდათასა.
მერარისა: ერ ომოლი და ერ ომუსი -- და ესე არიან ერნი მერარისნი.
აღხილვაჲ მათი რიცხუეულად ყოველი წული, თჳთგან და წამართ, ექუსგზის ათასეულნი და ერგასისნი.
და მთავარი ტომთა სახლისა ერისა მერარისთაჲ სურიილ, ძე აბიქესი, მგუარდლ კარვისა დაიბანაკონ ჩრდილოჲთ კერძო.
მოსახილავი საჴ\უმილავისა Page of ms. Ga: 95r ძეთა მერარისთა: სუეტის თავნი კარვისანი და მოლოქნნი მისნი და სუეტნი მისნი და ხარისხნი მისნი და ყოველნი ჭურჭელნი მათნი და საქმენი მათნი,
და სუეტნი ეზოჲსანი გარემოჲს და ხარისხნი მათნი და მამანი მათნი და საბელნი მათნი.
და დამბანაკებელნი პირისპირ კარავსა წამებისასა, აღმოსავლით კერძო, მოსე და აარონ და ძენი მისნი, მჴუმილველნი საჴუმილავთა წმიდისათა საჴუმილავთა შინა ძეთა ისრაელისათასა: და სხუა ნათესავი, რომელი მიეხოს, მოკუდეს.
ყოველი აღხილვაჲ ლევიტელთაჲ, რომელნი აღიხილნეს მოსე და აარონ ჴმითა უფლისაჲთა ერობათაებრ მათთა, ყოველი წული, თჳთგან და წამართ, ორ და ოც ათასეულნი.
და თქუა უფალმან მოსეს მი\მართ: Page of ms. Gb: 39r აღიხილე ყოველი პირმშოჲ წული ძეთა ისრაელისათა[ჲ], თჳთგან და წამართ, და მიიღე რიცხჳ მათი სახელდებით,
და მოიყვანენ ლევიტელნი ჩემთჳს, მე ვარ უფალი, ნაცვალად ყოველთა პირმშოთა ძეთა ისრაელისათაჲსა, და პირუტყუნი ლევიტელთანი -- ნაცვალად ყოველთა პირმშოთა პირუტყუთა შორის ძეთა ისრაელისათაჲსა.
და აღიხილა მოსე, რომლითა სახითა ამცნო უფალმან მას, ყოველი პირმშოჲ ძეთა შორის ისრაელისათა.
და იყვნეს ყოველნი პირმშონი წულნი რიცხუეულად სახელისდებით მათით, თთჳთგან და წამართ, და აღხილვისაგან მათისა ორ და ოც ათასეულ ორასსამეოცდაათსამმეტ.
და თქუა უფალმან მოსეს მიმართ, მეტყუელმან:
მოიყვანენ ლევიტელნი ნაცვალად ყოველთა პირმშოთა ძეთა ისრაელისათაჲსა და პირუტყუნი ლევიტელთანი ნაცვალად ყოველთა პირმშოთა პირუტყუთა შორის ძეთა ისრაელისათაჲსა, და იყვნენ ჩემდა ლევიტელნი, მე ვარ უფალი.
და საჴსრისა მყოფელმან ორასსამეოცდაათცამეტთამან, რომელნი ჰმატან ლევიტელთა პირმშოთაგან ძეთა ისრაელისათაჲსა,
მიიხუნე ხუთნი სიკლანი თავად-თავადისაგან დიდრაქმისაებრ წმიდისა, მიიხუნე ოცი დანგი სიკლაჲ,
და მისცე ვეცხლი იგი აარონს და ძეთა მისთა საჴსარი დამეტებულთა მათთაჲ.
და მოიღო მოსე ვეცხლი იგი საჴსარი დამეტებულთაჲ გამოსაჴსრად ლევიტელთა,
პირმშოთაგან ძეთა ისრაელისათაჲსა მოიღო ვეცხლი ხუთი და სამეოცი და სამასი და ათასი სიკლაჲ სიკლისა მისებრ წმიდისა,
და მისცა მო\სე Page of ms. Ga: 95v ვეცხლი საჴსარი დამეტებულთაჲ აარონს და ძეთა მისთა ჴმითა უფლისაჲთა, რომლითა სახითა უბრძანა უფალმან მოსეს.
