Page of ms. Gb: 39v და იტყოდა უფალი მოსეს და არონის მიმართ, მეტყუელი:
მოიღე თავად-თავადი ძეთა კაათისთაჲ ძეთა შორის ლევისთა ერობისაებრ მათისა, სახლთაებრ ტომობათა მათთაჲსა,
ოცდახუთით წლითგან და წამართ ვიდრე ერგასის წლამდინთა, ყოველთა შემავალთაჲ მსახურებად, ქმნად ყოველთა საქმეთა კარავსა შინა წამებისასა.
და ესე არიან საქმენი ძეთა კაათისთანი შორის ძეთა ლევისთა ერობისაებრ მათისა, სახელთაებრ ტომობათა მათთაჲსა, კარავსა შინა წამებისასა, წმიდაჲ წმიდათაჲ.
და შევიდოდინ აჰრონ და ძენი მისნი, რაჟამს იტრვოდის ბანაკი, და შთამოჰჴსნოდინ კრეტსაბმელსა მაგრილობელსა, და დაბუროდინ მით კიდობანი წამებისაჲ,
და დაჰხუ\როდინ Page of ms. Ga: 97r მას ზედა საბურველნი ტყავნი ჳიაკინთონნი და ზედა-შეჰმოსონ მას ზედა სამოსელი ყოვლად ჳაკინთონი ზედა კერძო და განუხუნენ აღსა\ღებელნი, Page of ms. Gb: 40r
და ტაბლასა ზედა წინა\მდებარესა Page of ms. Ga: 97v ზედა დაჰბურონ მას ზედა სამოსელი ყოვლად პორფირი და პინაკები და ციცხუები და ფიალები და საწირავები, რომლითა შესწირვენ, და პურნი, რომელნი მარადის მის ზედა იყვნენ;
და დაურთონ მას ზედა სამოსელი ძოწეული და დაბურონ იგი საბურავითა ტყავისაჲთა ჳაკინთონისაჲთა და განუხუნენ აღსაღებელნი;
და მოიღონ სამოსელი ჳაკინთონი და დაბურონ საბაზმაკე მნათობი, და ბაზმაკნი მისნი და მარწუხნი მისნი და მოსაყოფელნი მისნი და ყოველნი ჭურჭელნი ზეთისა მისისანი, რაოდენნი იმსახურებოდინ მათ შინა,
და შთადვან იგი და ყოველი ჭურჭელი მისი საბურველსა ტყავისასა ჳაკინთოსა და დადვან იგი აღსაღებელთა ზედა.
და საკურთხეველსა ზედა ოქროჲსასა დაჰბურონ სამოსელი ჳაკინთონი და ზედა-დაბურონ იგი საბურველითა ტყავისაჲთა ჳაკინთონითა და განუხუნენ აღსაღებელნი მისნი.
და მოიხუნენ ყოველნი ჭურჭელნი სამსახურებელნი, რომლითა ჰმსახურებენ მით წმიდათა შინა და შეჰხჳნენ სამოსელსა ჳაკინთონსა და დაბურონ იგი საბურველითა ტყავისაჲთა ჳაკინთონითა და დავან იგი აღსაღებელთა ზედა.
და დასაბურველი დაჰბურონ საკურთხეველსა ზედა და ზედა გარდაჰბურონ მას ზედა სამოსელი ყოვლად პორფირი
და დასხენ მას ზედა ყოველნი ჭურჭელნი მისნი, რაოდ\ენითა Page of ms. Ga: 98r ჰმსახურებენ მით: საცეცხურები და ბატურები, ფიალები და საბურავი და ყოველნი ჭურჭელნი საკურთხეველისანი, და დაჰბურონ მას ზედა საბურავი ტყავისაჲ ჳაკინთონი და განუხუნენ აღსაღებელნი მისნი. და მოიღონ სამოსელი და ხარისხი მისი და შთადგნენ იგინი Page of ms. Gb: 40v საბურველსა ტყავისასა ჳაკინთონსა და დადვან აღსაღებელთა ზედა
და სრულ-ყონ აარონ და ძეთა მისთა, დამბურველთა წმიდათასა, და ყოველთა ჭურჭელთა წმიდათა აღტრვასა ბანაკისასა. და ამისსა შემდგომად შევიდენ ძენი კაათისნი აღღებად და არა შეეხნენ წმიდათა, რაჲთა არა მოკუდენ. ესენი აღიხუნენ ძეთა კაათისთა კარავსა შინა წამებისასა.
ეპისკოპოსმან ელეაზარ, ძემან აჰრონის მღდელისამან: ზეთი იგი ნათლისაჲ და საკუმეველი შეზავებისაჲ და მსხუერპლი დღითიდღედი და ზეთი ცხებისაჲ, ზედა-მსტურომაჲ ყოვლისა კარვისაჲ და რაოდენნი არიან მის შორის წმიდასა შინა, და ყოველთა შინა საქმეთა.
და უწოდა უფალი მოსეს და არონ, მეტყუელი:
ნუ მოსრავთ კარვისა ერსა კაათისსა შორის ლევიტელთაჲსა,
ესე უყავთ მათ და ცხოვდნენ და არა მოკუდენ, მო-რაჲ-უჴდებოდინ იგინი წმიდასა წმიდათასა: აარონ და ძენი მისნი შევიდოდედ და დაადგინენ იგი კაცად-კაცადი აღსაღებელისაებრ თჳსისა;
და არა შევიდენ მეყსეულად ხილვად წმიდისა, და მოკუდენ.
და იტყოდა უფალი მოსეს მიმართ, მეტყუელი:
იწყე დასაბამი ძეთა Page of ms. Ga: 98v გეთსონისთაჲ, და ესენი სახლთაებრ ტომობათა მათთაჲსა, ერობათაებრ მათთა
ოცდახუთით წლითგანთაჲთ და წამართ ვიდრე ერგასის წლამდინთადმდე, აღხილვად მათდა ყოვლისა გამომავალისაჲ მსახურებად და ქმნად საქმეთა კარავსა შინა წამებისასა.
ესე არს მსახურებაჲ ერისა გედსონეთისაჲ მსახურებად და აღღებად და აღიღოდიდ:
მაშკები კარვისაჲ და კარავი წამებისაჲ და დასაბურველი მისი და დასაბურველი ჳაკინთონი, რომელ არს მას ზედა ზედაჲთ კერძო, და დასაბურველი კრვისა წამებისაჲ
და სუეტები ეზოჲსაჲ, რაოდენი არს კარავსა თანა წამებისასა და ნამეტნავნი მათნი და ყოველნი ჭურჭელნი სამსახურებელთანი მათნი, და რაოდენთა ჰმსახურებენ იგინი.
ყონ იგი წინაშე პირსა აარონისსა და ძეთა მისთასა. იყავნ მსახურებაჲ ძეთა გედსონისთაჲ ყოველთაებრ მსახურებათა მათთა და ყოველთაებრ განწესე\ბათა Page of ms. Ga: 99r მათთა, და აღიხილნე იგინი სახელდებით და ყოველნი მათ ქუეშენი.
ესე არს მსახურებაჲ ძეთა გედეონისთაჲ კარავსა შინა წამებისასა და ტომისა მათისაჲ ჴელითა ითამარ, ძისა აარონ მღდელისაჲთა.
ძენი მერარისნი, ერობისაებრ მათისა, სახელთაებრ ტომობათა მათთაჲსა აღიხილენით იგინი,
ოცით წლითგან და წარმართნი ვიდრე ერგასისი წლამდინნი, აღიხილენით იგინი, ყოველი შემავალი მსახურებად საქმეთა კარვისა საწამებელისათა.
და ესე არიან საცავნი მათ მიერ აღსა\ღებელთანი Page of ms. Gb: 41r ყოველთაებრ საქმეთა მათთა კარავსა შინა წამებისასა: სუეტისთავნი კარვისანი და მოლოქნნი მისნი და სუეტნი მისნი და ხარისხნი მისნი და საბურველნი და ხარისხნი მათნი და სუეტნი მათნი და დასაბურველი კარისა კარვისაჲ
და სუეტნი მისნი გარემოჲს და ხარისხნი და ხარისხნი მათნი და სუეტნი კრეტსაბმელისა ბჭისა ეზოჲსანი და ხარისხნი მათნი და მანანი მათნი და ჭაპა\ნნი Page of ms. Ga: 99v მათნი და ყოველნი ჭურჭელნი მათნი და ყოველნი სამსახურებელნი მათნი; სახელდებით აღიხილენით იგინი და ყოველი ჭურჭელი საცავისა აღსაღებელთა მათთაჲსა;
ესე არს მსახურებჲ ერისა ძეთა მერარისთაჲ ყოველთა შინა საქმეთა მათთა კარავსა შინა წამებისასა ჴელითა ითამარ, ძისა აარონ მღდელისაჲთა.
და აღიხილნეს მოსე და არონ და მთავართა ისრაელისათა ძენი კაათისნი ერობისაებრ მათისა, სახელთაებრ ტომობათა მათთაჲსა,
ოცდახუთით წლითგან და წამართ ვიდრე ერგასის წლამდინნი, ყოველი შემავალი მსახურებად და ქმნად საქმეთა კარავსა შინა წამებისასა;
და იყო აღხილვაჲ მათი ერობისაებრ მათისა ორათასეულ შჳდას ერგასი.
ესე არს აღხილვაჲ ერისა კაათისი, ყოველი მსახური კარავსა შინა წამებისასა, ვითარცა აღიხილეს მოსე და აარონ ჴმითა უფლისაჲთა, ჴელითა მოსესითა.
და აღიხილნეს ძენი გედსონისნი ერობისაებრ მათისა, სახელთაებრ ტომობათა მათთაჲსა,
ოცდახუთით წლითგან და წამართ ვიდრე ერგასის წლამდინ, ყოველი შემავალი მსახურებად და ქმნად საქმეთა კარავსა შინა წამებისასა;
და იყო აღხილვაჲ მათი ერობისაებრ მათისა ორ ათასეულ ექუსასოცდაათ.
ესე არს აღხილვაჲ ერისა ძეთა გედსონისთაჲ, ყოველი მსახური კარავსა შინა წამებისასა, რომელნი აღიხილნეს მოსე და აარონ ჴმითა უფლისაჲთა, ჴელითა მოსესითა.
Page of ms. Ga: 100r ხოლო აღხილულ იქმნა ერიცა ძეთა მერარისთაჲ ერობათაებრ მათთა, სახელთაებრ ტომობათა მათთაჲსა, სახელთაებრ ტომობათა მათთაჲსა,
ოცდახუთით წლითგან და წამართ ვიდრე ერგასის წლამდინ, ყოველი შემავალი მსახურებად საქმეთა მიმართ კარვისა წამებისათა,
და იყო აღხილვაჲ მათი ერობათაებრ მათთა სამ ათასეულ და ორას.
ესე არს აღხილვაჲ ერისა ძეთა მერარისთაჲ, რომელნი აღიხილნეს მოსე და აარონ ჴმითა უფლისაჲთა, ჴელითა მოსესითა.
ყოველნი აღხილულნი, რომელნი აღიხილნეს მოსე და აარონ და მთავართა ძეთა ისრაელისათა, ლევიტელნი, ერობათაებრ მათთა, სახლთაებრ ტომობათა მათთაჲსა,
ოცდახუთით წლითგან და წამართ ვიდრე ერგასის წლამდინნი, ყოველი გამომავალი საქმისა მიმართ საქმეთაჲსა და საქმითა აღსაღე\ბელთა Page of ms. Gb: 41v კარავსა შინა წამებისასა,
და იყვნეს აღხილულნი რვაჯერ ათას ხუთასოთხმეოცნი.
ჴმითა უფლისაჲთა აღიხილნა იგინი, კაცად-კაცადი საქმეთა ზედა მათთა და მათ ზედა, რომელთა აღიხუმენ იგინი; და აღხილულ იქმნნეს, რომლითა სახითა უბრძანა უფალმან მოსეს.
