და იტყოდა უფალი მოსეს მიმართ, მეტყუელი:
იქმენინ თავისა შენისად ორნი ნესტუნი, Page of ms. Gb: 50v ვე\ცხლისანი Page of ms. Ga: 122r დაჭედილნი ჰქმნნე იგინი და იყვნენ შენდა მოსაწოდებელ შესაკრებელისა და აღსატრეველ ბანაკთა.
და დაჰნესტვიდე მათ მიერ და შემოკრბებოდის ყოველი შესაკრებელი კარსა თანა კარვისა საწამებლისასა.
ხოლო უკუეთუ ერთითა დაჰნესტოთ, მოვიდოდენ შენდა ყოველნი მთავარნი, ათასისთავნი ისრაელისანი.
და დაჰნესტოთ შესასწავებელი და იტირნენ ბანაკნი, დაბანაკებულნი აღმოსავლად მიმართ;
და დაჰნესტოთ შესასწავებელი მეორე და იტირნენ ბანაკნი დაბანაკებულნი სამხრად მიმართ; და დაჰბეროთ შესასწავებელი მესამე და იტირნენ ბანაკნი დაბანაკებულნი ზღჳთ; და დაჰნესტოთ შესასწავებელი მეოთხე და იტრნენ ბანაკნი დაბანაკებულნი ჩრჳილოდ მიმართ; შესასწავებელ\სა Page of ms. Ga: 122v დაჰნესტუვიდენ აღტრვასა შინა მათსა.
და ოდეს შეჰკრებდეთ შესაკრებელსა, დაჰნესტუვიდეთ და არა შესასწავებელსა.
და ძენი აარონისნი, მღდელნი, ჰნესტუვიდენ ნესტუთა, და Page of ms. Gb: 51r იყოს თქუენდა შჯულ საუკუნო ნათესავთა შინა თქუენთა.
ხოლო Page of ms. Ga: 123r უკუეთუ შეხჳდეთ ბრძოლად ქუეყანასა თქუენსა წინააღმდგომთა მიმართ წინადამდგომთა თქუენთა და დაჰნესტოთ ნესტუთა, და მოჴსენებულ იქმნნეთ წინაშე უფლისა და განერნეთ მტერთაგან თქუენთა.
და დღეთა სიხარულისა თქუენისათა დაჰნესტოდით ნესტუთა ყოვლად-დასაწუველთა ზედა და მსხუერპლთა ზედა მაცხოვარებისა თქუენისათა, და იყოს თქუენდა აღსაჴსენებელ წინაშე ღმრთისა თქუენისა, მე ვარ უფალი, ღმერთი თქუენი.
და იყო, წელსა მეორესა, თთუესა მეორესა, ოცსა თთჳსასა და აღვიდა ღრუბელი კარვისაგან წამებისა,
და იტრნეს ძენი ისრაელისანი განმზადებულებასა თანა მათსა უდაბნოჲთ სინაჲთ და დადგა ღრუბელი უდაბნოსა ფარანისასა.
და იტრნეს პირველნი ჴმითა უფლისაჲთა, ჴელითა მოსესითა.
და იტრა განწყობილი ბანაკისა ძეთა იუდაჲსთაჲ პირველნი ძალსა თანა მათისა, და ძალსა ზედა მათსა ნაასონ, ძე ამინადაბისა,
და ძალსა ზედა ტომისა ძეთა ისახარისთასა ნათანაილ, ძე სოღარისი,
და ძალსა ზედა ტომისა ძეთა ზაბულონისათა ელიაბ, ძე აქილონისი.
და დაჰჴსნეს კარავი და აღიტრნეს ძენი გეთსონისნი და ძენი მერარისნი და აღიღეს კარავი.
და იტრა განწყობილი ბანაკისა ძეთა რუბენისთაჲ ძალისა თანა, და ძელსა ზედა მათსა ელისურ, ძე სედიურისი,
და ძალსა ზედა ტომისა ძეთა სჳმეონისთასა სალამაილ, ძე სურისადაისი,
და ძალსა ზედა ტომისა ძეთა გადისთასა ელისაფ რაგულისი.
და იტრნეს ძენი კაათისნი და აღიხუნეს წმიდანი და დაადგინეს კარავი ვიდრემდის მიიწინე.
და იტრა განწყობილი ბანაკისა ძეთა ეფრემისთაჲ ძალისა თანა მათისა, და ძალსა ზედა მათსა ელისამა, ძე სემიუდისი,
და ძალსა ზედა ტომისა ძეთა მანასესთასა გამალიილ, ძე ფადასსურისი,
და ძალსა ზედა ტომისა ძეთა ბენიამენისთასა აბიდან, ძე გედეონისი.
და იტრნეს განწყობილი ძეთა დანისთაჲ უკუანაჲსკნელნი ყოველთა ბანაკთანი ძალისა თანა მათისა, და ძალსა ზედა მათსა აქიეზერ, ძე [ა]მისადაისი,
და ძალსა ზედა ტომისა ძეთა ასირისთასა ფაღაილ, ძე ეხრანისი,
და ძალსა ზედა ტომისა ძეთა ნეფთალიმისთასა აქირე, ძე ენანისი.
ესე არიან მჴედრობანი ძეთა ისრაელისათანი და იტრნეს ძალისა თანა მათისა.
და ჰრქუა მოსე იობაბს, ძესა რაგუილისსა, მადიამელსა, სიმამრსა მოსესსა: წარვიტრვით ჩუენ ადგილსა, რომელი თქუა უფალმან: ესე მიგცე თქუენ. მოვედ ჩუენ თანა და ქველ გიყოთ შენ, რამეთუ უფალმან თქუნა კეთილნი ისრაელისათჳს.
და მან თქუა მისსა მიმართ: არა ვიდოდი, არამედ ქუეყანად ჩემდა და ნათესავად ჩემდა.
და ჰრქუა: ნუ დამიტევებ ჩუენ, ვინაჲთგან იყავ ჩუენ თანა უდაბნოსა ზედა, და იყო ჩუენ შორის მოხუცებულ.
და იყოს, უკუეთუ მოხჳდე ჩუენ თანა, და იყვნენ, კეთილნი იგი, რაოდენითაცა კეთილი Page of ms. Ga: 123v მიყოს ჩუენ უფალმან, და ქველ გიყოთ შენ.
და წარიტრნეს მთით უფლისაჲთ გზასა სამისა დღისასა, და კიდობანი აღთქუმისა უფლისაჲ წინა ვიდოდა უწინარეს მათსა გზასა სამთა დღეთასა მომსტურობად მათთჳს განსასუენებელისა.
და იყო, ტრვასა მას კიდობნისასა და თქუა მოსე: აღდეგ, უფალო, და განიბნინედ მტერნი შენნი და ივლტოდედ ყოველნი მოძულენი შენნი!
და დადგომასა თქუა: მოა\ქციე, Page of ms. Ga: 125r უფალო, ათასეულთა მომართ და ბევრეულთა ისრაელსა შორის!
Page of ms. Gb: 36r და ღრუბელი იყო მაჩრდილობელ მათ ზედა დღისი ტრვასა მათსა ბანაკისაგან.
