Page of ms. Ga: 144v და იტყოდა კორე, ძე ისაარისი, ძისა კაათისი, ძისა ლევისი, დათან და აბირონ, ძენი ელი\აბისნი, Page of ms. Gb: 62r Page of ms. Ga: 145r და ავნან, ძე ფალეთისი, ძისა რუბენისი,
და აღდგეს წინააღმდგომად მოსესსა და კაცნი ძეთაგან ისრაელისათა ერგასისნი და ორასნი, წინამძღუარნი შესაკრებელისანი, ჩინებულნი ზრახვისანი და კაცნი სახელოანნი.
აღდგეს მოსეს და აარონს ზედა და თქუეს მათდა მიმართ: გაქუნდინ თქუენ, რამეთუ ყოველი შესაკრებელი, ყოველნი წმიდა არიან და მათ შორის არს უფალი. და რაჲსთჳს აღდგომილ ხართ კრებულსა ზედა უფლისასა?
და ესმა რაჲ მოსეს, დავარდა პირსა ზედა
და თქუა კორეს მიმართ და ყოვლისა მიმართ შესაკრებელისა მისისა, მეტყუელმან: მოიხილა ღმერთმან და იცნნა, რომელნი იყვნეს მისნი და წმიდანი, მიიყვანნა თავისა მიმართ თჳსისა; და რომელნი არა გამოირჩინა თჳსად, არა მიიყვანნა თავისა მიმართ თჳსისა.
ესე ყავთ: მოიღეთ სასაკუმევლე თქუენი კორე და ყოველმან შესაკრებელმან მისმან
და დაასხთ მათ ზედა ცეცხლი და დაასხთ მათ ზედა საკუმეველი წინაშე უფლისა ხვალე; და იყოს, კაცი, ორმელიცა გამოირჩიოს უფალმან, იგი წმიდა არს, კმა გეყავნ თქუენ, ძენო ლევისნო!
და თქუა მოსე კორეს მიმართ: ისმინეთ ჩემი, ძენო ლევისნო!
მცირე არს-ა ესე თქუენდა, რამეთუ განგყვნა თქუენ ღმერთმან ისრაელისამან შესაკრებელისგან ისრაელისა და მიგიყვანა თქუენ თავისა მიმართ თჳსისა მსახურებად მსახურებათა კარვისა უფლისათა და წარდგომად წინაშე შესაკრებელსა მსახურებად მისსა?
და მოგიყვანა შენ და ყოველნი ძმანი შენნი, ძენი ლევისნი, შენ თანა და ეძიებთ მღდელობად?
ესრეთ შენ და ყოველი შესაკრებელი შენი, შემოკრებულნი ღმრთისა მომართ, და აარონ ვინ არს, რამეთუ სდრტჳნავთ მისთჳს?
და მიავლინა მოსე მოწოდებად დათანისსა და აბირონისსა, ძეთა ელიაბისთა. და თქუეს: არა აღვალთ!
ნუ მცირე არსა ესე, რამეთუ აღმომიყვანენ ჩუენ ქუეყანისაგან, მადინებელისა სძისა და თაფლისა, მოსიკუდიდ ჩუენდა უდაბნოს ზედა? და რამეთუ გუმთავრობ ჩუენ მთავარ ერთი?
და შენ ქუეყანად, მადინებელად სძისა და თაფლისად, შემიყვანენ ჩუენ და მოგუეც ჩუენ სამკჳდრებელი აგარაკისა და ვენაჴისაჲ თუალებისა მათ კაცთაჲსა აღმომკუეთელმან? არა აღვალთ!
და მძიმედ გულმწყრალ იქმნა მოსე ფრიად და თქუა უფლისა მიმართ: Page of ms. Ga: 146r Page of ms. Gb: 62v ნუ მიიხილავ მსხუერპლისა მიმართ მათისა, არაჲ გულისსათქუმელი არავის მათგანისაჲ მოვიღე, არცა ბოროტი უყავ არცა ერთსა მათგანსა.
და თქუა მოსე კორეს მიმართ: წმიდა ყავ შესაკრებელი შენი და იქმნენით მზა წინაშე უფლისა, შენ და იგინი და აარონ ხვალისა,
და მოიღეთ კაცად-კაცადმან საცეცხური თჳსი და დადევით მას ზედა ცეცხლი და დადევით მას ზედა საკუმეველი, და შეიღეთ წინაშე უფლისა ხვალე კაცად-კაცადმან საცეცხური თჳსი.
და მოიღო კაცდ-კაცდმან საცეცხუირ თჳსი და დადვეს მათ ზედა ცეცხლი და დაასხეს მათ ზედა საკუმეველი და დადგეს კართა თანა კარვისა საწამებლისათა მოსე და აარონ.
და ზედა აღუდგინა მათ კორე ყოველი შესაკრებელი თჳსი კარსა თანა კარვისა საწამებლისასა და დიდებაჲ უფლისაჲ გამოუჩნდა ყოველსა შესაკრებელსა.
და თქუა უფალმან მოსეს და აარონის მიმართ, მეტყუელმან:
Page of ms. Gb: 63r გამოსთქდით საშუალისაგან შესაკრებელისა ამის და აღვჴოცნე იგინი ერთგზის.
და დაცჳვეს პირთა ზედა მათთა და თქუეს: ღმერთო, ღმერთო სულთაო და ყოვლისა ჴორცისაო, უკუეთუ კაცმან ერთმან ცოდა, ყოველსა შესაკრებელსა ზედა იყოსა რისხვაჲ უფლისაჲ?
და იტყოდა უფალი მოსეს მიმართ მეტყუელი:
განეშორენით გარემოჲს შესაკრებელისაგან კორესსა და დათანისსა და აბირონისსა.
და აღდგა მოსე და წარვიდა დათანისსა Page of ms. Ga: 147r და აბირონისსა და თანა-წარვიდეს მის თანა ყოველნი მოხუცებულნი ისრაელისანი.
და იტყოდა შესაკრებელისა მიმართ, მეტყუელი: გამოსთქდით კარავთაგან კაცთა ამათ ფიცხელთაჲსა და ნუ შეეხებით ყოველთა, რაოდენნი-რაჲ არიან მათნი, ნუსადა თანა-წარსწყმდეთ ყოველსა შინა ცოდვასა მათსა.
და განეშორნეს კარვისაგან კორესსა, დათანისსა და აბირონისსა გარემოჲს; და დათან და აბირონ გამოვიდეს და დადგეს კართა თანა კარავთა მათთასა, და ცოლნი მათნი და შვილნი მათნი და ჭურჭელი მათი.
და თქუა მოსე: ამით სცნათ, ვითარმედ უფალმან მომავლინა მე ქმნად საქმეთა ამათ ყოველთა, და ვითარმედ არა თავით ჩემით.
უკუეთუ მსგავსად სიკუდილისა ყოველთა კაცთაჲსა მოკუდენ ესენი და უკუეთუ მოხილვისაებრ ყოველთა კაცთაჲსა იყოს მოხილვაჲ მათი, არა უფალმან მომავლინა მე;
არამედ ჴნარცჳთა გამოაჩინოს უფალმან და აღმღებელმან პირისა თჳსისამან ქუეყანამან შთანთქეს იგინი და სახლნი Page of ms. Ga: 147v მათნი და კარავნი მათნი და ყოველნი, რაოდენნი არიან მათნი, და შთავიდენ ცოცხალნი ჯოჯოხეთს და სცნათ, რამეთუ კაცთა ამათ ღმერთი.
და ვითარცა დასცხრა მეტყუელი ყოველთა ამათ სიტყუათა, განიპო ქუეყანაჲ ქუეშე კერძო ფერჴთა მათთა
და განეღო ქუეყანაჲ და შთაინთქნა იგინი და სახლნი მათნი და ყოველნი კაცნი, მყოფნი კორეს თანა, და საცხოვარნი მათნი,
და შთავიდეს იგინი და ყოველნი, რაოდენნი იყვნეს მათნი ცოცხალნი, ჯოჯოხეთად. და დაფარნა იგინი ქუეყანამან და წარწყმდეს საშუალ შესაკრებელისაგან.
და ყოველი ისრაელი, გარემოჲსნი მათნი, ივლტოდეს ჴმისაგან მათისა, რამეთუ თქუეს, მეტყუელთა: ნუსადა შთამნთქნეს ჩუენ ქუეყანამან და შეჭამნა ერგასის და ორასნი კაცნი, შემწირველნი საკუმეველისანი.
