და თქუა უფალმან მოსეს მიმართ
და ელიაზარის მიმართ, ძისა აარონ მღდელისაჲ აღიღეთ საცეცხურები რვალისაჲ შორის Page of ms. Ga: 148r დამწუართა მათგან და ცეცხლი ესე უცხოჲ მისთესეთ მუნ, რამეთუ განწმიდნეს
საცეცხურნი მათნი ცოდვილთა ამათ სულთა შინა მათთა და ყვენ იგინი ნაქურთენებად ჭედილე\ბად, Page of ms. Gb: 63v გარემოსადებელად საკურთხეველისად, რამეთუ შეწ\ირულ Page of ms. Ga: 143v იქმნნეს წინაშე უფლისა და განწმედილ იქმნნეს; და იყვნენ სასწაულად ძეთა შორის ისრაელისათა.
და მოიღო ელეაზარ, ძემან აარონის მღდელისამან, სა\ცეცხურები Page of ms. Ga: 149r რვალისაჲ, რაოდენი მოეხუნეს დამწუართა მათ, მოჰხსნა იგინი გარემოსადებელად საკურთხეველსა
მოსაჴსენებელად ძეთა ისრაელისათა, რაჲთა არა მოუჴდეს არავინ სხუა ნათესავი, რომელი არა იყოს თესლისაგან აარონისსა, და დაასხას საკუმეველი წინაშე უფლისა, და არა იყოს ვითარცა კორე და კრებული იგი მისი, ვითარცა იტყოდა უფალი ჴელითა მოსესითა.
და დრტჳნვიდეს ძენი ისრაელისანი ხვალისაგან მოსეს და აარონის ზედა, მეტყუელნი: თქუენ მოჰსართ ერი უფლისაჲ.
და იყო ზედა-მოსლვასა მას შესაკრებელისასა მოსეს და აარონს ზედა და მიჰმართეს კარავსა მას წამებისასა, და იგი დაფარა ღრუბელმან და გამოჩნდა დიდებაჲ უფლისაჲ.
Page of ms. Gb: 64r და შევიდეს მოსე და აარონ პირისპირ კარვისა მის საწამებლისა.
და იტყოდა უფალი მოსეს და აარონის მიმართ, მეტყუელი:
განეშორენით საშუალისაგან შესაკრებელისა ამის და აღვსპნე იგინი ერთგზის. და დაცჳვეს პირთა ზედა მათთა.
და ჰრქუა მოსემან აარონს: მოიღე საცეცხური და დადევ მას ზედა ცეცხლი საკურთხეველისაგან და დაასხ მას ზედა საკუმეველი და განიღე ადრე ბანაკად და ლხინება ყავ მათთჳს, რამეთუ გამოვიდა რისხვაჲ პი\რისაგან Page of ms. Ga: 149v უფლისა დაწყებად სრვასა ერისასა.
და მოიღო აარონ, ვითარცა ჰრქუა მას მოსე, და ეგერა ეწყო სრვასა ერსა მას შორის. და მოიღო და დაასხა საკუმეველი და ლხინება ყო ერისათჳს.
და დადგა საშუალ მომკუდართა მათ და ცოცხალთა და დასცხრა სრვაჲ.
და იყვნეს, რომელნი მოსწყდეს სრვასა მას შინა, ოთხ და ათ ათესეულნი და შჳდასნი, თჳნიერ მომკუდართა მათ კორესთჳს.
და მიიქცა აარონ მოსეს მიმართ კარად კარვისა საწამებლისად და დასცხრა სრვაჲ.
და თქუა უფალმან მოსეს მიმართ, მეტყუელმან:
არქუ ძეთა ისრაელისათა და მოიღე მათგან კუერთხი სახლთაებრ ტომობათა მათთაჲსა ათორმეტნი კუერთხნი და თითოეულისაჲ სახელი მისი დაწერე კუერთხსა ზედა მისსა,
და სახელი აარონისი დაწერე კუერთხსა ზედა ლევისსა, რამეთუ არს, კუერთხი ერთი ტომისაებრ სახლისა მამათა მათთაჲსა მოგცენ შენ,
და დაჰხსნე იგინი კარავსა შინა წამებისასა წინაშე საწამებელისა, რომელთა შორის განგეცხადები მუნ.
და იყოს, კაცი, რომელიცა გამოვირჩიო იგი, კუერთხი მისი ყუაოდის, და მოვსპო შენგან დრტჳნვ\აჲ Page of ms. Ga: 150r ძეთა ისრაელისათაჲ, რაოდენსა იგინი დრტჳნვენ თქუენ ზედა.
და ჰრქუა მოსე ძეთა ისრაელისათა და მოსცეს მას ყოველთა მთავართა მათთა კუერთხი, მთავარმან ერთმან კუერთხი თითოჲ, მთავარმან სახლთაებრ ტომთა მათთაჲსა Page of ms. Gb: 64v ათორმეტნი კუერთხნი, და კუერთხი აარონისი საშუალ კუერთხთა მათთა.
და დასხნა მოსემან კუერთხნი კარავსა შინა წამებისასა.
და იყო ხვალისაგან და შევიდეს მოსე და აარონ კარავსა Page of ms. Ga: 150v წამებისასა, და აჰა ყუაოდა კუერთხი აარონისი სახლად ლევისა: და გამოიღო მორჩი და გამოაყუავილა ყუავილი და გამოიღო ნიგოზი.
და გამოიხუნა მოსემან ყოველნი კუერთხნი პირისაგან უფლისა ყოველთა მიმართ ძეთა ისრაელისათა. და იხილეს და მისცა თითოეულსა კუერთხი მისი.
და თქუა უფალმან მოსეს მიმართ: დადევ კუერთხი აარონისი წინაშე საწამებელთაჲსა დასამარხველად, სასწაულად ძეთა ურჩებისათჳს, და დასცხერინ დრტჳნვაჲ მათი ჩემგან და არა მოკუდენ.
და ყვეს მოსე და აარონ, რაოდენი უბრძანა უფალმან მოსეს, ეგრეთ ყვეს.
და თქუეს ძეთა ისრაელისათა მოსეს მიმართ, მეტყუელთა: Page of ms. Ga: 151r აჰა აღვიჴოცენით, წარვწყმდით, აღვესრულენით.
ყოველი შეხებული კარვისა უფლისაჲ მოკუდების. ვიდრე სრულიად მოვსწყდეთ?
