და იტყოდა უფალ მოსეს და აარონის მიმართ, მეტყუელი:
ესე არს განრევაჲ სჯულისაჲ, რავდენი განაწესა უფალმან, მეტყუელმან: არქუ ძეთა ის\რაელისათა Page of ms. Ga: 155v და მოიბან შოიბან შენდა დიაკეული წითელი და უბიწოჲ, რომელსა არა აქუნდეს მის შორის ბიწი და რომლისა ზედა არა დადებულ არს მის ზედა უღ\ელი Page of ms. Gb: 67r ,
და მისცე იგი ელეაზარს მღდელსა და განიბან იგი გარეშე ბანაკისა, ადგილსა წმიდასა, და დაკლან იგი წინაშე მათ\სა Page of ms. Ga: 156r ,
და მოიღოს ელეაზარ სისხლისაგან მისისა და აპკუროს წინაშე პირსა კარვისა საწამებლისასა სისხლისაგან მისისა შჳდგზის.
და დაწუან იგი წინაშე მისსა: და ტყავი მისი და ჴორცნი და სისხლი მისი სკორესა მისსა თანა დაიწუას.
და მოიღოს მღდელმან ხე ნაძჳსაჲ Page of ms. Ga: 156v და უსუპი და ძოწეული და შთასხნეს საშუალ ნამწუარსა დიაკეულისასა,
და განირცხას შესამოსელი თჳსი მღდელმან და დაიბანოს ტანი მისი წყლითა და ამის შემდგომად შევიდეს ბანაკად და არაწმიდა იყოს მღდელი ვიდრე მწ\უხრადმდე Page of ms. Ga: 157r .
და დამწუელმან მისმან განირცხას სამოსელი თჳსი და დაიბანოს ტანი მისი წყლითა და არაწმიდა იყოს ვიდრე მწუხრამდე.
და შეკრიბოს კაცმან წმიდამან ნაცარი დიაკეულისაჲ და დაჰმარხოს გარეშე ბანაკისა, Page of ms. Ga: 157v ადგილსა წმიდასა, და იყოს შესაკრებელისათჳს ძეთა ისრაელისათაჲსა დამარხულ წყლად უბიწო-ქმნისად, რამეთუ უბიწო-ქმნაჲ არს.
და შემკრებელმან ნაცარსა დიაკეულისასა Page of ms. Ga: 158v განირცხას სამოსელი მისი და არაწმიდა იყოს მწუხრადმდე. და იყოს ძეთა ისრაელისათა და მწირთა, მოსრულთა თქუენდა მომართ, Page of ms. Ga: 159r შჯულად საუკუნოდ.
რომელი შეეხოს მკუდარსა, ყოველსა სულსა კაცისასა, არაწმიდა იყოს შჳდ დღე.
ესე განწმდეს დღესა მესამესა და დღესა მეშჳდესა და წმიდა იყოს; ხოლო უკუეთუ არა უბიწო იქმნეს დღესა მესამესა და დღესა მეშჳდესა, არაწმიდა იყოს.
Page of ms. Gb: 68r ყოველი შეხებული მკუდრისაჲ ყოვლისგან სულისა კაცისა, უკუეთუ მოკუდეს და არა უბიწო იქმნას, კარავი უფლისაჲ შეაგინა; მოისპოს სული იგი ისრაელისაგან, რამეთუ წყალი პკურებისაჲ არა ეპკურა მის ზედა; არაწმიდა არს მერმე, რამეთუ არაწმიდებაჲ მისი მის ზედა არს.
და ესე არს შჯული: კაცი თუ მოკუდეს სახლსა შინა, ყოველი შესრული მას სახლსა და რაოდენნი-რაჲ იყვნენ სახლსა შინა, არაწმიდა იყვნენ შჳდ დღე,
და ყოველი ჭურჭელი, ზეღებული, რაოდენი არა დაკრულ იყოს საკრველითა მას ზედა, არაწმიდა არს,
და ყოველმან, რომელმან შეახოს პირსა ზედა ნინველისასა წყლულსა, ანუ მკუდარსა, Page of ms. Ga: 159r+491 ანუ ძუალსა კაცისასა, ანუ სამარესა, შჳდთა დღეთა არაწმიდა იყოს.
და მოართუან არაწმიდასა მას ნაცრისაგან დამწურისა უბიწო-ქმნისაჲსა და დაასხან მას ზედა წყალი ცხოველი ჭურჭელსა შინა.
და მოიღონ უსუპი Page of ms. Ga: 159v+491 და დააწოს წყალსა მას კაცმან წმიდამან და ასხუროს სახლსა და ჭურჭელთა და სულთა ზედა, რაოდენიცა იყვნენ მუნ, და მიახლებულთა ზედა ძუალსა კაცისასა, ანუ წყლულსა, ანუ მკუდარსა, ანუ საფლავსა,
და ასხუროს წმიდამან არაწმიდასა ზედა დღესა მესამესა და დღესა მეშჳდესა, და განირცხას სამოსელი მისი და იბანოს წყლითა და არაწმიდა იყოს მწუხრადმდე.
და კაცი, რომელი შეიგინოს და არა უბიწო იქმნეს, მოისპოს სული იგი შორის შესაკრებელისაგან, რამეთუ წმიდანი უფლისანი შეამწიკულნა; რამეთუ წყალი პკურებისაჲ არა ესხურა მის ზედა, და არაწმიდა არს.
და იყოს თქუენდა შჯულად საუკუნოდ: და მსხურებელმან წყალსა უბიწოქმნისასა და შეხებულმან წყალსა სხურე\ბისასა Page of ms. Ga: 160r+491 განირცხას სამოსელი მისი და არაწმიდა იყოს მწუხრადმდე.
და ყოველსა, რომელსა შეეხოს არაწმიდაჲ იგი, არაწმიდა იყოს, და სული, რომელი შეეხოს მას, არაწმიდა იყოს მწუხრადმდე.
