და იტყოდა უფალი მოსეს მიმართ, მეტყუელი:
შურ-იგე შურისგებაჲ ძეთა ისრაელისათაჲ მადიანიტელთაგან და უკუანაჲს შეეძინე ერსა შენსა.
და თქუა მოსე ერისა მიმართ, მეტყუელმან: ა\ღჭურენით Page of ms. Gb: 86v თქუენგანნი კაცნი და განაწყვენით წინაშე უფლისა მადიამსა ზედა, უკუნ-ცემად შურისძიებაჲ უფლისამიერი მადიამსა;
ათასნი ტომისაგან და ათასნი ტომისაგან ყოველთაგან ტომთა ძეთა ისრაელისათაჲსა წარავლინენით განწყობად.
და გამორიცხუნეს ათასეულთაგან ისრაელისაგან ათასნი, ტომისაგან Page of ms. Ga: 198r ათორმეტნი ათასეულნი, აღჭურვილნი განწყობად.
და წარავლინა იგინი მოსე: ათასნი ტომისაგან, ათასნი ტომისაგან ძალისა თანა მათისა და ფინეეზ, ძე ელეაზარისი, ძისა აარონისი მღდელისა, და ჭურჭელნი წმიდანი და საყჳრნი უწყებისანი ჴელთა შინა მათთა.
და განეწყვნეს მადიამსა ზედა, ვითარცა უბრძანა უფალმან მოსეს, და მოსწყჳდეს ყოველი წული;
და მეფენი მადიამისანი მოსწყჳდნეს წყლულთა თანა მათთა: და ევინ და როკომ და სურ და ურ და რობოკ -- ხუთნი მეფენი მადიამისანი, და ბალაამცა, ძე ბეორისი, მოკლეს მახჳლითა წყლულთა თანა მათთა;
და წარმოტყუენეს დედები მადიამისაჲ და განმზადებულებაჲ მათი და საცხოვარი მათი და მონაგები მათი და ყოველი ძალი მათი წარმოტყუენეს;
და ყოველნი ქალაქნი მათნი სამკჳდრებელთა შინა მათთა და ეზოები მათი მოწუეს ცეცხლითა;
და წარმოიღეს ყოველი Page of ms. Ga: 198v ნატყუენავი და ყოველნი ტყუენი მათნი კაცითგან მიპირუტყუამდე;
და მოიღეს მოსეს მომართ და ელიაზარის მომართ მღდელისა და ყოველთა მომართ ძეთა ისრაელისათა ტყუე და ნატყუენავები და ალაფი ბანაკად არაბოთს მადიამისასა, რომელ არს იორდანესა ზედა, იერიქოდ მიმართ.
და გამოვიდა მოსე და ელეაზარ მღდელი და ყოველნი მთავარნი შესაკრებელისანი შემთხუევად მათდა გარეშე ბანაკისა.
და განრისხნა მოსე ზედამდგომთა ზედა ძალისათა -- ათასისთავთა და ასისთავთა, მომავალთა წყობით ბრძოლისაჲთ.
და ჰრქუა მათ მოსემან: რაჲსათჳს მოინადირეთ ყოველი მდედრი?
რამეთუ ესენი იყვნეს ძეთა ისრაელისათათჳს, სიტყჳსაებრ ბალაამისსა, განდგომად და უგულებელსყოფად სიტ\ყჳსა Page of ms. Ga: 199r უფლისა ფოგორისთჳს, Page of ms. Gb: 87r და იქმნა წყლულებაჲ შესაკრებელსა შინა უფლისასა.
და აწ მოკალთ ყოველი წული ყოველსა შინა სამკჳდრებელსა და ყოველი დედაკაცი, რომელმან უწყის საწოლი წულისაჲ, მოკალთ.
და ყოველი კრებული დედათაჲ, რომელმან არა უწყის საწოლი წულისაჲ, მონადირეთ იგი.
და თქუენ დაიბანაკეთ გარეშე ბანაკისა შჳდ დღე; ყოველი Page of ms. Ga: 199v მომკლველი და შემხებელი წყლულისაჲ, უბიწო იქმენინ დღესა მესამესა და დღესა მეშჳდესა თქუენ და ნატყუენავი თქუენი.
და ყოველი შესამოსელი და ყოველი ჭურჭელი ტყავისაჲ და ყოველი საქმა\რი Page of ms. Ga: 200r თმისაგანი და ყოველი ჭურჭელი უჩინო ჰყოთ.
და თქუა ელეაზარ მღდელმან მამაკაცთა მიმართ ძლიერებისათა, მომავალთა განწყობილით ბრძოლისაჲთ: ესე არს სამართალი შჯულისაჲ, რომელი ურძანა უფალმან მოსეს.
თჳნიერ ოქროჲსა და ვერცხლისა და რვალისა და რკინისა და ტყჳვისა და ბრპენისა,
ყოველი მაეგი, რომელი შევალს ცეცხლსა, და განწმიდნების, არამედ ანუ წყლითა უბიწო-ქმნისაჲთა უბიწო იქმნების; და ყოველი, რომელი არა განჰვლის ცეცხლსა, განვლოს წყალი.
და განირცხნეთ სამოსელნი დღესა მეშჳდესა და განსწმდეთ, და ამის შემდგომად შემოხჳდეთ ბანაკად.
და იტყოდა უფალი მოსეს მიმართ, მეტყუელი:
მოიღე თავსნიერი ავართა ნატყუენავისათაჲ კაცთაგან მისაცხოვარადმდე შენ და ელეაზარ მღდელმან და მთავართა ტომთა შესაკრებელისათა,
და განყავთ Page of ms. Ga: 200v ნატყუენავი იგი შორის მბრძოლთა მათ, განსრულთა წყობად, და შორის ყოვლისა შესაკრებელისა.
და გამოჰყოთ ზუერი უფლისაჲ კაცთა მათგან მბრძოლთა, განსრულთა წყობად, ერთი სული ხუთასისაგან კაცთაგან და საცხოვართაგან და ზროხათაგან და ცხოვართაგან და ვირთაგან,
...
... და ყოველთაგან პირუტყუთა და მისცნე იგინი ლევიტელთა, ტომთა შენთა, მცველთა კარავსა შინა უფლისასა.
და ყო მოსე და ელეაზარ მღდელმან, ვითარცა ურძანა უფალმან მოსეს.
და იყო ნამეტავი ნატყუენავისაჲ, რომელი წარმოტყუენეს კაცთა მათ მბრძოლთა: ცხოვართაგან ექუსას სამეოცდა\ათი Page of ms. Gb: 87v ათასი და ხუთ ათასი
და ზროხაჲ სამეოცდაათორმეტი ათასი
და ვირი სამეოცდაერთი ათასი
და სულნი კაცთანი დედათაგან, რომელთა არა უწყოდის საწოლი მამაკაცისაჲ, ყოველნი სულნი ოცდაათორმეტ ათასნი.
და იქმნა განნახევრებული ნაწილი, განსრულთაჲ ბრძოლად რიცხჳსაგან ცხოვართაჲსა, სამასი ათას და შჳდ აღას და ხუთას:
და იქმნა ზუერი უფლისაჲ ცხოვართაგან ექუსას სამეოცდაათხუთმეტ;
და ზროხანი ოცდაათექუსმეტ ათას და ზუერი უფლისაჲ სამეოცდაათორმეტ;
და ვირნი ოცდაათათას და ხუთას და ზუერი უფლისაჲ სამეოცდაერთ;
და სულნი კაცთანი ათექუსმეტ ათას Page of ms. Ga: 201r და ზუერი მათი უფლისა ოცდაათორმეტ სულნი.
და მისცა მოსემა ზუერი იგი უფლისაჲ განაყოფი ღმრთისად ელეაზარს მღდელსა, ვითარცა უბრძანა უფალმან მოსეს.
განნახევრებულისაგან ძეთა ისრაელისათაჲსა, რომელნი გამოყვნა მოსემან მამაკაცთაგან მბრძოლთა,
და იყო განნახევრებული იგი შესაკრებელისად ცხოვართაგან სამასი ათას და შჳდ ათას და ხუთას;
და ზროხაჲ სამეოცდაათორმეტი ათას;
და ვირნი ოცდაათ ათას და ხუთას;
და სულნი კაცთანი ათექუსმეტ ათას.
და მიიღო მოსემან განნახევრებულისაგან ძეთა ისრაელისათაჲსა ერთი ერგასისაგან კაცთაგან და საცხოვართაგან და მისცნა იგინი ლევიტელთა, ტომთა თჳსთა, მცველთა კარვისა უფლისათა, ვითარ-სახედ უბრძანა უფალმან მოსეს.
Page of ms. Ga: 201v და მოუჴდეს მოსეს ყოველნი დადგინებულნი ათასისთავებად ძალისა, ათასისთავნი და ასისთავნი,
და თქუეს მოსეს მიმართ: მონათა შენთა მოიღეს თავსნიერი კაცთაგან, მბრძოლთა ჩუენ თანა, და არა განსხუაჴმავდა მათგანი არცა ერთი.
და მოვართჳთ ძღუენი უფალსა, კაცმან რომელმან პოვა ჭურჭელი ოქროჲსაჲ: მანიაკი და სავლტე და ბეჭესი და სამარჯუენე და მელევანდი სალხინებელად ჩუენთჳს წინაშე უფლისა.
და მოიღო მოსე და ელეაზარ მღდელმან ოქროჲ მათგან, ყოველი ჭურჭელი ქმნული.
და იყო ყოველი ოქროჲ გამონაყოფი, რომელი გამოუყვეს უფალსა, ათექუსმეტ ათას და შჳდას და ერგასის სიკლა ათასისთავთაგან და ასისთავთაგან.
და მამაკაცთა მბრძოლთა წარმოიავრეს თჳთოეულმან თავისა თჳსისად.
და მოიღო მოსემან და ელეაზარ მღდელმან ოქროჲ ათასისთავთაგან და ასისთავთაგან და შეიღო იგი კარვად წამებისად საჴსენებელად ძეთა ის\რაელისათა Page of ms. Gb: 88r წინაშე უფლისა.
