TITUS
Vetus testamentum iberice, redactio Gelatica
Part No. 60
Previous part

Chapter: 33  
თავი XXXIII


Verse: 1   Link to mcat Link to sept   და ესე არიან სადგურნი ძეთა ისრაელისათანი, ვითარცა გამოვიდეს ქუეყანით ეგჳპტით ძალისა თანა მათისა ჴელითა მოსესითა და აარონისითა.

Verse: 2   Link to mcat Link to sept   
და დაწერნა მოსემან ტრვანი მათნი და სადგურნი მათნი სიტჳთა უფლისაჲთა, და ესე არიან სადგურნი სლვისა მათისანი:

Verse: 3   Link to mcat Link to sept   
ისტრნეს რამესსით თთუესა პირველსა ხუთ და მეათესა დღესა თთჳსა პირველისასა, ხვალისაგან პასექისა, გამოვიდეს ძენი ისრაელისანი ჴელითა მაღლითა წინაშე ყოველთა მეგჳპტელთასა.

Verse: 4   Link to mcat Link to sept   
და მეგჳპტელნი ჰფლვიდეს მათგანთა მკუდართა ყოველთა, რომელნი დასცნა უფალმან -- ყოველი პირმშოჲ ქუეყანასა ეგჳპტისასა, და ღმერთთაცა მათთა შორის ყო შურისძიებაჲ უფალმან.

Verse: 5   Link to mcat Link to sept   
და ისტრნეს რაჲ ძენი ისრაელისანი რამესით, დაიბანაკეს ოკხოთს.

Verse: 6   Link to mcat Link to sept   
და ისტრნეს ოკხოთით და დაიბანაკეს ვუთანს, რომელ არს კერძოჲ რაჲმე უდაბნოჲსაჲ.

Verse: 7   Link to mcat Link to sept   
და ისტრნეს ვუთანით და დაიბანაკეს პირსა ზედა იროთისასა, Page of ms. Ga: 204r   რომელ არს პირისპირ ვეელსეფონსა, და დაიბანაკეს წინაშე მაღდოლოსა.

Verse: 8   Link to mcat Link to sept   
და ისტრნეს პირისპირ იროთისა და განვლეს საშუალ ზღჳსა უდაბნოდ მიმართ და ვიდოდეს გსაზა სამთა დღეთასა უდაბნოსა მას იგინი და დაიბანაკეს სიმწარეთა.

Verse: 9   Link to mcat Link to sept   
და ისტრნეს სიმწარეთაგან და მოვიდეს ელიმდ. და ელიმს იყო ათორმეტი წყაროები წყალთაჲ და სამეოცდაათი ძირი ფინიკთაჲ, და დაიბანაკეს მუნ მახლობელად წყლისა.

Verse: 10   Link to mcat Link to sept   
და ისტრნეს ელიმით და დაიბანაკეს ზღუასა ზედა მეწამულსა.

Verse: 11   Link to mcat Link to sept   
და ისტრნეს ზღჳთ მეწამულით და დაიბანაკეს უდაბნოსა სინს.

Verse: 12   Link to mcat Link to sept   
და ისტრნეს უდაბნოჲთ სინით და დაიბანაკეს რაფაკანს.

Verse: 13   Link to mcat Link to sept   
და ისტრნეს რაფაკანით და დაიბანაკეს ელუს.

Verse: 14   Link to mcat Link to sept   
და ისტრნეს ულუჲთ და დაიბანაკეს რაფიდინს, და არა იყო მუნ წყალი სუმად ერისა.

Verse: 15   Link to mcat Link to sept   
და ისტრნეს რაფიდინით და დაიბანაკეს უდაბნოსა სინას.

Verse: 16   Link to mcat Link to sept   
და ისტრნეს უბანოჲთ და დაიბანაკეს სამარეებსა გულისთქუმისასა.

Verse: 17   Link to mcat Link to sept   
და ისტრნეს სამარეებით გულისთქუმისაჲთ და დაიბანაკეს ასიროთს.

Verse: 18   Link to mcat Link to sept   
და ისტრნეს ასიროთით და დაიბანაკეს რათამაზ.

Verse: 19   Link to mcat Link to sept   
და ისტრნეს რათამანით და დაიბანაკეს რემონ-ფარეს.

Verse: 20   Link to mcat Link to sept   
და ისტრნეს რემონნეთ და დაიბანაკეს ლევონას.

Verse: 21   Link to mcat Link to sept   
და ისტრნეს ლევონაჲთ და დაიბანაკეს რესსას.

Verse: 22   Link to mcat Link to sept   
Page of ms. Ga: 205r   და ისტრნეს რესსაჲთ და დაიბანაკეთ მაკელეთს.

Verse: 23   Link to mcat Link to sept   
და ისტრნეს მაკელეთით და დაიბანაკეს არსაფართს.

Verse: 24   Link to mcat Link to sept   
და ისტრნეს არსაფართით და დაიბანაკეს ხარადატს ზედა.

Verse: 25   Link to mcat Link to sept   
და ისტრნეს ხარადატით და ...

Verse: 26   Link to mcat Link to sept   
... დაიბანაკეს კატაათს.

Verse: 27   Link to mcat Link to sept   
და ისტრნეს კატაათით და ...

Verse: 28   Link to mcat Link to sept   
... დაიბანაკეთ მათეკკათს.

Verse: 29   Link to mcat Link to sept   
და ისტრნეს მათეკკათით და დაიბანაკეს ასელმონს.

Verse: 30   Link to mcat Link to sept   
და ისტრნეს ასელმონით და დაიბანაკეს მასურუთს.

Verse: 31   Link to mcat Link to sept   
და ისტრნეს მასულუთით და დაიბანაკეს ბანიაკანს.

Verse: 32   Link to mcat Link to sept   
და ისტრნეს ბანიაკანით და დაიბანაკეს მთასა ღადღადისასა.

Verse: 33   Link to mcat Link to sept   
და ისტრნეს მთით ღადღადისაჲთ და დაიბანაკეს იეტავათანს.

Verse: 34   Link to mcat Link to sept   
და ისტრნეს იეტავათანით და დაიბანაკეს ევრონას.

Verse: 35   Link to mcat Link to sept   
და ისტრნეს ევრონაჲთ და დაიბანაკეს გესიო[ნ]გაბერს.

Verse: 36   Link to mcat Link to sept   
Page of ms. Gb: 89v  და ისტრნეს გესიონგაბერით და დაიბანაკეს უდაბნოსა სინს. და ისტრნეს უდაბნოჲთ სინით და დაიბანაკეს უბადნოსა ფარანსიასა, ესე არს კადე.

Verse: 37   Link to mcat Link to sept   
და ისტრნეს კადით და დაიბანაკეს ორს მთასა, მახლობელად ქუაყანასა ედომისსა.

Verse: 38   Link to mcat Link to sept   
და აღვიდა აარონ ღდელი ბრძანებითა უფლისაჲთა და მოკუდა მუნ მეორმეოცესა წელსა გამოსლვისა ძეთა ისრაელისათასა ქუეყანით ეგჳპტით თთუესა მეხუთესა ერთსა თთჳსასა.

Verse: 39   Link to mcat Link to sept   
და აარონ იყო სამთა და ოცისა და ასისა წლისაჲ, ოდეს იგი მოკუდა მთასა ზედა ორს.

Verse: 40   Link to mcat Link to sept   
და ესმა ქანანის Page of ms. Ga: 205v   მეფესა არადს, და იგი დამკჳდრებულ იყო ქუეყანასა ქანაანისასა, ოდეს შევიდოდეს ძენი ისრაელისანი.

Verse: 41   Link to mcat Link to sept   
და ისტრნეს ორით მთით და დაიბანაკეს სელმონას.

Verse: 42   Link to mcat Link to sept   
და ისტრნეს სელმონაჲთ და დაიბანაკეს ფინონს.

Verse: 43   Link to mcat Link to sept   
და ისტრნეს ფინონით და დაიბანაკეს ობოთს.

Verse: 44   Link to mcat Link to sept   
და ისტრნეს ობოთით და დაიბანაკეს გაოს წიაღ კერძო, საზღვართა თანა მოაბისათა.

Verse: 45   Link to mcat Link to sept   
და ისტრნეს გაით და დაიბანაკეს დებონ-გადს.

Verse: 46   Link to mcat Link to sept   
და ისტრნეს დებონ-გადიტ და დაიბანაკეს გელმონ დევლათენს.

Verse: 47   Link to mcat Link to sept   
და ისტრნეს გელმონ-დევლათენით და ...

Verse: 48   Link to mcat Link to sept   
... საზღვრით ავარინისით და დაიბანაკეს დასავალით მოაბსა, იორდანესა ზედა, იერიქოდ მიმართ.

Verse: 49   Link to mcat Link to sept   
... და დაიბანაკეს იორდანესა ზედა საშუალ ასიმოთსა ვიდრე ბელსატტინდემდე, დასავალით კერძო მოაბსა.

Verse: 50   Link to mcat Link to sept   
და იტყოდა უფალი მოსეს მიმართ დასაველით კერძო მოაბისა, იორდანესა ზედა, იერიქოდ მიმართ, მეტყუელი:

Verse: 51   Link to mcat Link to sept   
ეტყოდი ძეთა ისრაელისათა და სთქუა მათდა მიმართ: თქუე წიაღ ხვალთ იორდანესა ქუაყანად ქანაანისა,

Verse: 52   Link to mcat Link to sept   
და წარსწყმიდნეთ ყოველნი დამკჳდრებულნი წინაშე პირსა თქუენსა და მოსპნეთ ბომონნი მათნი და ყოველნი კერპნი გამოდნობილნი მათნი, წარსწყმიდნეთ იგინი და ყოველნი ძეგლნი მათნი მოსპნეთ;

Verse: 53   Link to mcat Link to sept   
და წარსწყმიდნეთ დამკჳდრებულნი ქუეყანისანი და დაემკჳდრნეთ მას შინა, რამეთუ თქუენ მიგეც ქუეყანაჲ იგი წილად;

Verse: 54   Link to mcat Link to sept   
და დაიმკჳდროთ ქუეყანაჲ განწილვით ტომობისაებრ თქუენისა: უმრავლესთათჳს განამრავლოთ დასაპყრობელი მათი და უკნინესთათჳს დააკნინოთ დასაპყრობელი მათი. რომლისაჲცა გამოვიდეს სახელი მისი მუნ, მისი იყოს, ტომთაებრ ნათესავთა თქუენთაჲსა დაიმკჳდროთ.

Verse: 55   Link to mcat Link to sept   
ხოლო უკუეთუ არა წარსწყმიდნეთ დამკჳდრებულნი ქუეყანისანი პირისაგან თქუენისა, და იყოს, რაოდენნიცა დაუტევნეთ მათგან, ჩნდე თუალთა თქუენთა და სატყორც გუერდთა თქუენთა იყვნენ და გემტერებოდინ თქუენ ქუეყანასა ზედა, რომელსა ზედა თქუენ დაემკჳდრებით.

Verse: 56   Link to mcat Link to sept   
და იყოს, ვითარ-იგი მეგულვა ყოფად მათდა, გიყო თქუენ.



Next part



This text is part of the TITUS edition of Vetus testamentum iberice, redactio Gelatica.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.