TITUS
Vetus testamentum iberice, redactio Gelatica
Part No. 61
Previous part

Chapter: 34  
თავი XXXIV


Verse: 1   Link to mcat Link to sept   და იტყოდა უფალი მოსეს მიმართ, მეტყუელი:

Verse: 2   Link to mcat Link to sept   
ამცენ ძეთა ისრაელისათა და თქუ მათდა მიმართ: თქუნ შეხუალთ ქუეყანად ქანაანისა, იგი იყოს თქუენდა სამკჳდრებელად, ქუეყანაჲ ქანაანისი საზღვართა მისთა თანა.

Verse: 3   Link to mcat Link to sept   
და იყოს თქუენი კერძოჲ სამხრად მიმართი უდაბნოჲთ სინით ვიდრე მახლობელადმდე ედომისა, და იყვნენ საზღვარნი თქუნნი სამხრით კერძო კერძოთაგან ზღჳსა მარილიანისათა აღმოსავალად მიმართ.

Verse: 4   Link to mcat Link to sept   
და მოგიცვნენ თქუენ საზ\ღვართა Page of ms. Gb: 90r  სამხრით კერძო აღსავალი\სა Page of ms. Ga: 206v   მიმართ აკრავინისა და წარვლოს სეენაკი და იყოს თანა-წარსავლელი მისი სამხრით კერძო კადე-ბარნისაჲ და გამოვიდეს ეზოსა არადისასა;

Verse: 5   Link to mcat Link to sept   
და წარვლოს ასელმონაჲ, ნაღუარევი ეგჳპტისაჲ, და იყოს გამოსავალი მისი ზღვაჲ;

Verse: 6   Link to mcat Link to sept   
და საზღვარნი ზღჳსანი იყნენ თქუენდა, ზღუაჲ დიდი გესაზღვროს, ესენი იყვნენ თქუენდა საზღვრებ ზღჳსა.

Verse: 7   Link to mcat Link to sept   
და ესე იყვნენ თქუენდა საზღვრედ ბღოარით კერძო ზღჳთგან დიდით მიიზომნეთ თქუენ იგინი, მთისპირი,

Verse: 8   Link to mcat Link to sept   
და მთითგან მთად მიიზომოთ თქუენ თავთა თქუენთად შემავალი ემათად, და იყოს გამოსავალი მისი საზღვარნი არსენაჲნისანი;

Verse: 9   Link to mcat Link to sept   
ესე იყვნენ საზღვრებ თქუენდა ბღუარით კერძო.

Verse: 10   Link to mcat Link to sept   
და მიიზომნეთ თქუენ თავთა თქუენთად საზღვარნი აღმოსავალისანი არსენაჲნით სეპფამარად.

Verse: 11   Link to mcat Link to sept   
და შთავიდენ საზღვარნი სეპფამარისანი ვილად, აღმოსავალით კერძო, წყაროსა ზედა, და შთავიდენ საზღვარნი ვილაჲსანი სამხრად მიმართ ზღჳსა ქენერეთისა, აღმოსავალად კერძო;

Verse: 12   Link to mcat Link to sept   
და შთავიდენ საზღვარნი იორდანესა ზედა და იყოს გამოსავალ ზღვაჲ მარილიანი, ესე იყოს თქუენდა ქუეყანაჲ და საზღვარნი მისნი გარემოჲს.

Verse: 13   Link to mcat Link to sept   
და ამცნო Page of ms. Ga: 207r   მოსემან ძეთა ისრაელისათა, მეტყუელმან: ესე არს ქუეყანაჲ, რომელი დაიმკჳდროთ თქუენ წილგდებით, ვითარ-სახედ ბრძანა უფალმან მიცემად იგი ცხრათა ტომთა და კერძოსა ტომსა ეფრემისსა.

Verse: 14   Link to mcat Link to sept   
რამეთუ მიიღო ტომმან ძეთა რუბენისთამან და ტომმან ძეთა გადისთამან სახლთაებრ ნათესავთა მათთაჲსა და კერძომან ტომმან მანასისმან მიიხუნეს ნაწილნი მათნი;

Verse: 15   Link to mcat Link to sept   
ორთა ტომთა და კერძო ტომმან მიიხუნეს ნაწილნი მათნი წიაღ იორდანისა, იერიქოდ მიმართ, სამხრითგან აღმოსავალით კერძო.

Verse: 16   Link to mcat Link to sept   
და იტყოდა უფალი მოსეს მიმართ, მეტყუელი:

Verse: 17   Link to mcat Link to sept   
ესე არს სახელები კაცთაჲ, რომელთა დაგიმკჳდრონ თქუნ ქუეყანაჲ: ელეაზარ ღდელი და იისუ ნავესი.

Verse: 18   Link to mcat Link to sept   
და მთავარი ერთი ტომისაგან მიიყვანეთ დამკჳდრებად თქუენდა ქუეყანისა.

Verse: 19   Link to mcat Link to sept   
და ესე არს სახელები კაცთაჲ: ტომისა იუდაჲსა ხალებ, ძე იეფონესი;

Verse: 20   Link to mcat Link to sept   
ტომისა სჳმეონისი სალამიილ, ძე ემიუდისი;

Verse: 21   Link to mcat Link to sept   
ტომისა ბენიამინისი ელდად, ძე ხასლონისი;

Verse: 22   Link to mcat Link to sept   
ტომისა დანისი, მთავარი ვოკკი, ძე იეკლისი;

Verse: 23   Link to mcat Link to sept   
ძეთა იოსებისთა, ტომისა ძეთა მანასისთაჲ, მთავარი ანიილ, ძე სუფუდისი;

Verse: 24   Link to mcat Link to sept   
ტომისა ძეთა ეფრემისთაჲ მთავარი კამუ\ილ, Page of ms. Ga: 207v   ძე საფიტანისი;

Verse: 25   Link to mcat Link to sept   
ტომისა ზაბულონისი მთავარი ელისსაფან, ძე ხარნაქისი;

Verse: 26   Link to mcat Link to sept   
ტომისა ძეთა ისახარისთაჲ მთავარი ფალტიილ, ძე ოზაჲსი;

Verse: 27   Link to mcat Link to sept   
ტომისა ძეთა ასირისთაჲ მთავარი აქიორ, ძე სელემისი;

Verse: 28   Link to mcat Link to sept   
ტომისა ძეთა ნეფთალიმისთაჲ მთავარი ფადაილ, ძე იამიუთისი.

Verse: 29   Link to mcat Link to sept   
ესენი არიან, რომელთა ამცნო უფალმან დამკჳდრებად ძეთა ისრაელისათა ქუეყანაჲ ქანაანისაჲ.



Next part



This text is part of the TITUS edition of Vetus testamentum iberice, redactio Gelatica.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.