და ესე არიან ბრძანებანი და მშჯავრნი, რომელთაჲ დაიცევით ქმნაჲ ქუეყანასა ზედა, რომელსა უფალი ღმერთი მამათა თქუენთაჲ მიგცემს თქუენ წილად ყოველთა დღეთა, რომელთა ცოცხალ იყვნეთ თქუენ ქუეყანასა ზედა.
წარწყმედით წარსწყმიდენით ყოველნი ადგილნი, რომელთა შინა ჰმსახურებდეს მუნ წარ\მართნი Page of ms. Ga: 233r ღმერთთა მათთა, რომელნი თქუენ დაიმკჳდრნეთ იგინი მთათა ზედა მაღალთა და ბორცუთა ზედა და ხესა ქუეშე ვარჯოანსა.
და დააქციენით ბომონნი მათნი და სერტყნი მათნი მოკაფენით და ქანდაკებულნი ღმერთთა მათთანი დაწუენით ცეცხლითა და წარწყმიდეთ სახელი მათი ადგილსა მისგან.
არა ესრეთ უყოთ უფალსა ღმერთსა თქუენსა,
არამედ ადგილსა, რომელიცა გამოირჩიოს უფალმან ღმერთმან თქუენმან ერთსა შინა ტომთა თქუენგანსა სახელის-დებად სახელი მისი მუნ ხადად, და გამოიძიეთ და მიცედით მუნ.
და შეწირენით მუნ ყოვლად დასაწველნი თქუენნი და სამსხუერპლენი თქუენნი და ძღუენნი თქუენნი და აღსაარებანი თქუენნი და პირმშონი ზროხათა თქუენთანი და ცხოვართა თქუენთანი.
და ჭამეთ წინაშე უფლისა ღმრთისა თქუენისა და იშუებდით ყოველსა ზედა, რომელსაცა მიჰყვენით ჴელნი თქუენნი თქუენ და ძეთა თქუენთა, რამეთუ გაკურთხა უფალმან ღმერთმან შენმან.
არა ჰყვნეთ ყოველნი, რომელთა ჰყ\ოფთ Page of ms. Ga: 233v თქუენ აქა კაცად-კაცადი სათნოსა წინაშე თჳსსა,
რამეთუ არღა მიწევნულ ხართ ვიდრე აქამომდე განსასუენებელსა და სამკჳდრებელსა, რომელი უფალმან ღმერთმან მიგცეს თქუენ.
და განჰვლოთ იორდანე და დაემკჳდრნეთ ქუეყანასა, რომელი უფალმან ღმერთმან დაგიმკჳდროს თქუენ და განგისუენოს თქუენ ყოველთაგან მტერთა თქუენთა გარემოთა, და დაემკჳდრნეთ განკრძალულად.
და იყოს, ადგილსა, რომელიცა გამოირჩიოს უფალმან წოდებად სახელი მისი მუნ, მუნ შესწირნეთ ყოველნი, რომელთა გამცნებ თქუენ დღეს: ყოვლად დასაწუველნი თქუენნი და დასაბამნი ჴელთა თქუენთანი და ძღუენნი თქუენნი და ყოველი ურჩეულესი ძღუენთა თქუენთაჲ, რაოდენიცა აღუთქთ უფალსა ღმერთსა თქუენსა.
და იხარებდით წინაშე უფლისა ღმრთისა თქუენისა თქუენ და ძენი თქუენნი და ასულნი თქუენნი, მონანი თქუენნი და მჴევალნი თქუენნი და ლევიტელი, მყოფი ბჭეთა ზედა ტქუენთა, რამეუ არა არს მისსა ნაწილი, არცა წილ\გდებულებაჲ Page of ms. Ga: 234r თქუენ თანა.
იგულე თავი შენი, ნუ შესწირავ ყოვლად დასაწუველთა შენთა ყოველსა ადგილსა, რომელიცა იხილო,
არამედ ადგილსა, რომელიცა თჳთ გამოირჩიოს უფალმან ღმერთმან შენმან ერთსა შინა ქალაქთა შენთაგანსა, მუნ შესწირო ყოვლად დასაწუველი შენი და მუნ ჰყვნე ყოველნი, რომელთა მე გამცნებ შენ დღეს.
არამედ ყოვლითა გულისთქუმითა შენითა დაჰკლა და შჭამო ჴორცი გულისთქუმისაებრ სულისა შენისა, კურთხევისაებრ უფლისა ღმრთისა შენისა, რომელი მოგცა შენ ყოველსა შინა ქალაქსა. არაწმიდაჲ შენ შორის და წმიდაჲ ერთბამად ჭამდენ მას, ვითარ ქურციკსა ანუ ირემსა.
თჳნიერ სისხლი არა შჭამოთ, ქუეყანასა ზედა დასთხიეთ იგი, ვითარცა წყალი.
ვერ ძალ-გიც ჭამად ქალაქთა შინა შენთა ათეული იფქლისა და ღჳნისა და ზეთისა, პირმშონი ზროხათა შენთანი და ცხოვართა შენთანი, ყოველთა აღთქუმათა შენთა, რომელნი აღსთქუნე, და აღსაარებათა თქუენთა და დას\აბამთა Page of ms. Ga: 234v თქუენთა.
თჳნიერ წინაშე უფლისა ღმრთისა შენისა შჭამდე მათ ადგილსა, რომელიცა გამოირჩიოს უფალმან ღმერთმან შენმან მისთჳს შენ და ძენი შენნი და ასული შენი და მონაჲ შენი და მჴევალი შენი და მწირი ქალაქთა შინა შენთა. და იხარო წინაშე უფლისა ღმრთისა შენისა ყოველთა ზედა, რომელსაცა მიჰყო ჴელი შენი.
იგულე თავი შენი, ნუ დაუტეობ ლევიტელსა ყოველსა ჟამსა, რაოდენ ცოცხალ იყო ქუეყანასა ზედა შენსა.
ხოლო უკუეთუ განავრცნეს ღმერთმან საზღვარნი შენნი, ვითარცა თქუა შენდა მიმართ, და სთქუა: ვჭამო ჴორცი, უკუეთუ გულისმთქუმელობდეს სული შენი, რაჲთა შჭამო ჴორცი, ყოველი გულისსათქუმელი სულისა შენისაჲ, ჭამე ჴორცი.
ხოლო უკუეთჴ შორს მდებარე იყოს შენგან ადგილი, რომელიცა გამოირჩიოს უფალმან ღმერთმან შენმან წოდებად სახელი მისი მუნ, და დაჰკლა ზროხათაგან შენთა და ცხოვართაგან შენთა, რომელნიცა მოგცნა შენ უფალმან ღმერთმან შენმან, ვითარცა-სახედ გამცენ შენ, და შჭამო ქალაქთა შინა შენთა გულისთქუმ\ისაებრ Page of ms. Ga: 235r სულისა შენისა.
ვითარცა იჭამის ქურციკი და ირემი, ეგრეთცა ჭამოს იგი არაწმიდამან შენ შორის და წმიდამან ეგრეთ ჭამოს იგი.
ეკრძალე თავსა შენსა ძლიერად ჭამისათჳს სისხლისა, რამეთუ სისხლი მისი სულ არს, არა იჭამოს სული ჴორცსა თანა.
არა შჭამოთ, ქუეყანასა ზედა დასთხიოთ იგი, ვითარცა წყალი.
არა შჭამო იგი, რაჲთა კეთილ იყოს შენდა და ძეთა შენთა შენ თანა უკუნისამდე, უკუეთუ ჰყოფ კეთილსა და სათნოსა წინაშე უფლისა ღმრთისა შენისა.
გარნა წმიდათა შენთა, რომელნიცა იყვნენ შენდა, და აღთქუმათა შენთა მიმხუმელი მივედ ადგილსა, რომელსაცა გამოირჩიოს უფალმან ღმერთმან შენმან მისდად წოდებად სახელი მისი მუნ,
და ჰყვნე ყოვლად დასაწუველნი შენნი, ჴორცი აღიღო საკურთხეველსა ზედა ღმრთისა შენისასა, ხოლო სისხლი მსხუერპლთა შენთაჲ აპკურო ხარისხთა საკურთხეველისა უფლისა ღმრთისა შენისათა და ჴორცი შჭამო.
დაიცევ და ისმინე და ჰყვნე ყოველნი სიტყუანი, რომელთა მე გამცნებ შენ დღეს, რაჲთა კეთილ იყოს შენდა და ძეთა შენთა საუკუნოდ, უკუეთუ ჰყო კეთილი და სათნოჲ წინაშე უფლისა ღმრთისა შენისა.
ხოლო უკუეთუ მოსრნეს უფალმან ღმერთმან შენმან წარმართნი, რომელთა მიმართ შენ შეხუალ მუნ დამკჳდრებად ქუეყანისა მათისა პირისაგან შენისა და დაიმკჳდრნე იგინი და დაიპყრა ქუაყანაჲ მათი,
იგულე თავი შენი, ნუ გამოიძიებ შედგომად მათსა შემდგომად მოსრვისა მათისა პირისაგან შენი\სა, Page of ms. Ga: 235v ნუ გამოძიებ ღმერთთა მათთა, მეტყუელი: ვითარ იქმან წარმართნი ამათ მათდა მიმართ, ვქმნა მეცა.
არა უყო ესრეთ უფალსა ღმერთსა შენსა, რამეთუ საძაგელებანი, რომელნი უფალმან მოიძულნა, ყვნეს ღმერთ მათდა, რამეთუ ძეთა მათთა და ასულთა მათთა დაუწუვენ ცეცხლითა ღმერთთა მათთა.
