ძენი იყვნეთ უფლისა ღმრთისა თქუენისანი. არა Page of ms. Ga: 238v იფივოთ, არა იჩინოთ სიმტიერე საშუალ თუალთა თქუენთა მკუდარსა ზედა,
რამეთუ ერი წმიდაჲ ხარ უფლისა ღმრთისა Page of ms. Ga: 239r შენისაჲ და შენ გამოგირჩია უფალმან ღმერთმან შენმან ყოფად მისსა ერად საზეპუროდ ყოველთაგან წარმართთა, მყოფთა პირსა ზედა ქუეყანისასა.
არა შჭამოთ ყოველი საძაგელი, ესე არიან საც\ხოვარნი Page of ms. Ga: 239v .
რომელნი შჭამნეთ ზუარაკი ზროხათაგან და ტარიგი ცხოვართაგან და ვაცი თხათაგან,
ირემი და ქურციკი და კამბეჩი და ვაცირემი, ხარაბუზი, იამური და აქლემვეფხი.
ყოველი საცხოვარი ჭლიკგანპებული და მფრცხენალი ორითა ფრცხილითა და აღმომღებელი ნაცოხლისაჲ პირუტყუთა შორის, ესენი შჭამნეთ.
და ესენი არა შჭამნეთ აღმომღებელთაგან ნაცოხლისათა Page of ms. Ga: 240r და ჭლიკგანპებულთაგან და მფრცხენალთა ფრცხილითა, აქლემი და ფერჴფაჩუნიერი და მაჩჳ, რამეთუ აღმოიღებენ ნაცოხალსა ესენი და ჭლიკითა არა განპებულ არიან, არაწმიდა იყვნენ თქუენდა ესენი.
და ეშჳ, რამეთუ ორ განპებულ არს ჭლიკითა ესე და ჰფრცხენს ფრცხილითა ჭლიკისაჲთა და ესე ნაცოხალსა არა აღმოიცოხნის, არაწმიდა იყავნ თქუენდა ესე. ჴორცთა მისთაგან არა შჭა\მოთ Page of ms. Ga: 240v და მძორთა მათთა არა შეეხნეთ.
და ესე შჭამნეთ ყოველთაგან, რომელნი არიან წყალთა შინა ყოველთა, რომელთა იყვნენ მათ თანა ფრთანი და ქეცნი, შჭამნეთ.
და ყოველთა, რომელთა არა იყვნენ მათ თანა ფრთანი, არცა ქეცნი, არა შჭამნეთ, არაწმიდა იყვნენ თქუენდა ესენი.
ყოველი მფრინველი წმიდაჲ შჭამოთ.
და ესენი არა შჭამნეთ მათგან:
არწივი, ორბი, ყანჩი,
ძერაჲ და იკტიონი და მსგავსნი მათნი;
და სირაქლემი და ღლავკოსი და ლაროსი და ქორი და მსგავსნი მისნი;
და ეროდიოჲ და კჳკნოჲ და ივი;
და კატარრაკტი და ოფოფი და პორფირიონი;
და ღამის ყორანი და ყარყატი და ხარადრიონი და მსგავსნი მისნი, და მღამიობი.
ყოველი ოთხფერჴი მფრინველი არაწმიდა იყავნ თქუენდა, არა შჭამოთ მათგანი.
ყოველი მფრინველი წმიდაჲ ჭამეთ და ყოველი მძორი არა შჭამოთ.
მსხემსა ქალაქთა შენთასა მიეცით და ჭამოს, ანუ უცხოსა მისცე იგი, რამეთუ ერი წმიდაჲ ხარ უფლისა ღმრთისა შენისაჲ. არა შეაგბო კრავი სძითა დედისა მისი\საჲთა, Page of ms. Ga: 241r რამეთუ საძაგელ არს ღმრთისა იაკობისსა.
ათეული განაათეული ყოვლისა ნაშრომისა თესლისა შენისაჲ და ნაშრომი აგარაკისა შენისაჲ წელიწადითი წელიწდად.
და შჭამო იგი შინაშე უფლისა ღმრთისა ადგილსა, რომელიცა გამოირჩიოს უფალმან ღმერთმან შენმან წოდებად სახელითა მისითა, მუნ მიიღო ათეული იფქლისა შენისა და ღჳნისა შენისა და ზეთისა შენისაჲ, და პირმშონი ზროხათა შენთანი და ცხოვართა შენთანი, რაჲთა შეისწავო შიში უფლისა ღმრთისა შენისაჲ ყოველთა დღეთა.
ხოლო უკუეთუ შორს იყოს შენგან გზაჲ და ვერ გეძლოს მიხუმაჲ მათი, რამეთუ შორს არს შენგან ადგილი, რომელიცა გამოირჩიოს უფალმან ღმერთმან შენმან წოდებად სახელი მისი მუნ, რამეთუ გაკურთხა შენ უფალმან ღმერთმან შენმან,
და განსცნე იგინი ვეცხლად და მოიღო ვეცხლი ჴელითა შენითა და წარხჳდე ადგიდ, რომელიცა გამოირჩიოს უფალმან ღმერთმან შენმან წოდებად სახელი მისი მუნ,
და მისცე ვეცხლი ყოვლისათჳს, რომლისაცა გული უთქუმიდეს სულსა შენსა: ზროხათათჳს ანუ ცხოვართათჳს, ანუ ღჳნისათჳს, ანუ თაფლუჭისათჳს, ანუ ყოვლისათჳს, რომლისა გული უთქუმიდეს სულსა შენსა, და შჭამო მუნ წინაშე უფლისა ღმრთისა შენისა და განიშუა შენ და სახლმან შენმან
და ლევიტელმან ქალაქთა შენთა შინამან, რამეთუ არა არს მათი კერძი, არცა ნაწილი შენ თანა.
შემდგომად სამისა წლ\ისა Page of ms. Ga: 241v გამოიღო ყოველი ათეული ნაშრომთა შენთაჲ, მის წელიწადსა დასდვა იგი ქალაქთა შინა შენთა,
და მოვიდეს ლევიტელი, რამეთუ არა არს მისსა კერძი, არცა ნაწილი შენ თანა, და მწირი და ობოლი და ქურივი ქალაქთა შენთაჲ, და ჭამონ და განძღენ, რაჲთა გაკურთხოს შენ უფალმან ღმერთმან შენმან ყოველთა შინა საქმეთა შენთა, რომელთაცა ჰყოფდე.
