TITUS
Vetus testamentum iberice, redactio Gelatica
Part No. 109
Previous part

Chapter: 12  
თავი XII


Verse: 1   Link to sept   და ესე არიან მეფენი ქუეყანისანი, რომელნი მოსრნა მოსემან. და ძეთა ისრაჱლისათა დაიმკჳდრეს ქუეყანაჲ მათი წიაღ იორდანესა აღმოსავალით მზისაჲთ, ჴევითგან არნონისაჲთ ვიდრე მთამდე აერმონად და ყოველი ქუეყანაჲ არავაჲ აღმოსავალით კერძო.

Verse: 2   Link to sept   სიონ, მეფე ამორრეველთა, რომელ მკჳდრ იყო ესებონს, რომელი უფლებდა არნონითგან, რომელ არს ჴევსა შინა საშუალ ღელისა და ნახევარი ღაფსაადისაჲ ვიდრე იაკოვამდე, საზღვრად ამმონისა.

Verse: 3   Link to sept   და არავად ვიდრე ზღუამდე ქერენეთისა აღმოსავალით კერძო და ვიდრე ზღუამდე არავაჲსა, ზღუად მარილთა, აღმოსავალთად მიმართ გზაჲ ისიმოთით კერძო თემანითგან ასიღოთითგან ფასღაჲ.

Verse: 4   Link to sept   და ოგ, მეფე ბასანისაჲ, დაშთა გმირთაგან დამკჳდრებულთა ასტაროთს და ედრაიმს რაფანისგანი,

Verse: 5   Link to sept   რომელი მთავრობდა მთით აერმონითგან და ელხაჲთგან და ყოველსა ბასანსა ვიდრე საზღვარამდე გერგესისა და მახატისა და ნახევარსა გალაადისასა, საზღვარი სიონ მეფისა ესსებონისაჲ.

Verse: 6   Link to sept   მოსემან, ყრმამან უფლისამან, და ძეთა ისრაჱლისათა დასცნეს ესენი. და მისცა იგი სამკჳდრებელად მოსემან რუბენს და გადს და კერძოსა ტომისასა მანასეს.

Verse: 7   Link to sept   და ესე არიან მეფენი ამორრეველთანი, რომელნი მოსრნა იისუმან და ძეთა ისრაჱლისათა წიაღ იორდანესა ზღჳთ კერძო გალგათს, Page of ms. Ga: 328r   ველსა ზედა ლიბანისასა და ვიდრე მთადმდე კოლხად აღმავალად სირდ. და მისცა იგი იისუმან ტომთა ისრაჱლისათა სამკჳდრებელად, წილისაებრ მათისა,

Verse: 8   Link to sept   მთასა შინა და ველსა ზედა და არავას და ასიდოთს შინა და უდაბნოს და ნაგევს შინა, ქეტელი და გერგესეველი, ამორრეველი და ქანანელი, ფერეზელი და ეველი და იევუსელი.

Verse: 9   Link to sept   და მეფე იერიქოჲსაჲ და მეფე გაისაჲ, რომელ არს მახლობელად ბეთილსა.

Verse: 10   Link to sept   მეფე იერუსალემისაჲ, მეფე ქებრონისაჲ,

Verse: 11   Link to sept   მეფე იერიმუთისაჲ, მეფე ლაქისისაჲ,

Verse: 12   Link to sept   მეფე ელამისაჲ, მეფე ღაზერისაჲ,

Verse: 13   Link to sept   მეფე დაბირისაჲ, მეფე ღადერისაჲ,

Verse: 14   Link to sept   მეფე იერმათისაჲ, მეფე არადისაჲ,

Verse: 15   Link to sept   მეფე ლემნაჲსაჲ, მეფე ოდოლამისაჲ,

Verse: 16   Link to sept   მეფე მაკედაჲსაჲ,

Verse: 17   Link to sept   მეფე თაფფუთისაჲ, მეფე ოფერისაჲ,

Verse: 18   Link to sept   მეფე აფეროთისაჲ,

Verse: 19   Link to sept   მეფე ასორისაჲ,

Verse: 20   Link to sept   მეფე სამვრონისაჲ, მეფე მარრონისაჲ, მეფე აღსაფისაჲ,

Verse: 21   Link to sept   მეფე თალახისაჲ, მეფე მაგედონისაჲ,

Verse: 22   Link to sept   მეფე კედდისაჲ, მეფე იეკომნამისაჲ, ქერმერს, მეფე Page of ms. Ga: 328v   ბეთილისაჲ,

Verse: 23   Link to sept   მეფე აღდორისაჲ ნაფედდორს, მეფე ღოინისაჲ გელგელს,

Verse: 24   Link to sept   მეფე თერსაჲსაჲ, ყოველნი ესე მეფენი ოცდაცხრანი.



Next part


This text is part of the TITUS edition of Vetus testamentum iberice, redactio Gelatica.

Copyright TITUS Project, Frankfurt a/M, 18.5.2019. No parts of this document may be republished in any form without prior permission by the copyright holder.