და ისუ მოხუცებულ იყო, გარდასრულ დღეთა. და თქუა უფალმან იისუჲს მიმართ: შენ გარდასრულ ხარ დღეთა და ქუეყანაჲ დაშთომილ არს მრავალი დასამკჳდრებელად.
და ესე არს ქუეყანაჲ დაშთომილი. საზღვარნი ფილისტიმისანი, გესირი და ქანანელი
უმკჳდროჲთგან პირის პირით ეგჳპტისაჲთ ვიდრე საზღვართამდე აკკარონისათა მარცხენითად ქანანელთად, შეირაცხებიან ხუთნი სასატრაპესონი ფილისტიმელთანი: ღაზისაჲ და აზოტისაჲ და ასაკლონელი და გეთთისაჲ და აკარონიტელი და ეველი თემანითგან,
და ყოველი ქუეყანაჲ ქანაანისაჲ წინაშე ღაზისა და სიდონნი აფეკადმდე ვიდრე საზღვართამდე ამორრეველთასა,
და ყოველი ქუეყანაჲ გალილათი ფილისტიმისაჲ, Page of ms. Ga: 328vb ყოველნი ლიბანისა აღმოსავალით კერძონი, გალგალითგან მთასა ქუეშე აერმონსა ვიდრე შესავალამდე ემათისა.
ყოველი დამკჳდრებული მთით კერძოსა ლიბანითგან ვიდრე მესერეფოთმაიდმდე, ყოველნი სიდონელნი, მე ესენი მოვსპნე პირისაგან ისრჱლისა, არამედ განუყავ იგი წილითა ისრაჱლსა, ვითარ-სახედ გამცენ შენ.
და აწ განუყავ ქუეყანაჲ ესე სამკჳდრებელად ცხრათა ტომთა და კერძოსა ტომისასა ეფრემს (იორდანითგან ვიდრე ზღუადმდე დიდად დასავალით კერძო მზისაჲთ მისცემს მას, ზღუაჲ დიდი იყოს საზღვარ)
ორთა ტომთა და კერძო ტომისა მანასისსა, მის თანა რუბენისსა და გადისსა, რომელი მისცა მოსემან წიაღ იორდანისა მზისა აღმოსავალით კერძო, მისცა იგი მოსემან, ყრმამან უფლისამან,
არიარითგან, რომელ არს ბაგეთა თანა ნადუარევისა არნონისათა, და ქალაქი საშუალ ჴევისა და ყოველი მესორი მადევაჲთგან,
ყოველნი ქალაქნი სიონ მეფისა ამორრეველთაჲსანი, რომელი მეფობდა ესე\ბონს, Page of ms. Ga: 329r ვიდრე საზღვართამდე ძეთა ამონისთაჲსა.
და გალაადელი და საზღვარნი გესურისანი და მაქათისა, ყოველი მთაჲ აერმონი და ყოველი ბასანელი ვიდრე ელხამდე,
და ყოველი სამეფოჲ ოგისი ბასანს შინა, რომელი მეფობდა აღრაინს შინა და ასტაროთს. ესე დაშთომილ იყო გმირთაგან და დასცა იგი მოსემან და მოასრულა.
და არა მოსრნეს ძეთა ისრაჱლისათა გესსური და მაქიტელი და ქანანელი და მკჳდრი იყო მეფე გესსურისაჲ და მაქიტისაჲ შორის ძეთა ისრაჱლისათა ვიდრე დღედმდე ამად.
თჳნიერ ძეთა ლევისთა არა მიეცა სამკჳდრებელი, უფალი ღმერთი ისრაჱლისაჲ, ესე იყო ნაწილ მათდა, ვითარცა ჰრქუა მათ უფალმან; (და ესე არს განნაწილებაჲ, რომელი განუნაწილა მოსემან ძეთა ისრაჱლისათა არაბოთითგან მოაბისაჲთ წიაღ იორდანესა იერიქოდ მიმართ).
და მისცა მოსემან ტომსა რუბენისსა ერობისაებრ მათისა:
და იყვნეს საზღვ\არნი Page of ms. Ga: 329rb მათნი არიირითგან, რომელ არს პირისპირ ჴევსა არნონისასა, ქალაქი ჴევსა შინა არნონისასა და ყოეელი ქუეყანაჲ მესსორისაჲ
ვიდრე ესებონამდე, და ყოველნი ქალაქნი მყოფნი მესსორს და დებონი და დავემოთი და ვაალი და სახლნი მეელმოთისანი,
და იასსაჲ და კედიმოლი და მიფაათი,
და კარიათემი და სევემაჲ და სარედი და სიორი მთასა შინა ენაკისსა,
...
ყოველნი ქალაქნი მესორისანი და ყოველი სამეფოჲ სიონისი, მეფისა ამორრეველთაჲსაჲ, რომელი დასცა მოსემან, იგი და წინამძღუარნი მადიამისანი: და ევი და როკამ და სურ და ურ და რევეკ, მთავარნი სიონისნი, მკჳდრნი ქუეყანასა სიონს.
და ბალაამ ბეორისი, მისანი. მოკლა წარტყუენვასა შინა.
ხოლო იქმნნეს საზღვარნი რუბენისნი იორდანე საზღვარ, ესე ნაწილი რუბენისი ერობისაებრ მათისა და...
...
და იქმნა საზღვრებ მათდა იაზირი, ყოველნი ქალაქნი გალადისანი და ნახევარი ქუეყანისა ძე\თა Page of ms. Ga: 329v ამონისთაჲ ვიდრე არავამდე, რომელ არს პირისპირ არათსა,
და ესებონითგან რამოთამდე მასფაჲთ კერძო და ვატანი, და მანანი ვიდრე საზღვართამდე დაბონისათა,
და ენემეკი და კითარტანი და თანავარაჲ და სოხოჲ და საფონი და ნეშტი სამეფოჲ სიონისი, მეფისა ესებონისაჲ, და იორდანე საზღვარი ვიდრე ზღუამდე ქენეროთისა, წიაღ იორდანისა აღმოსავალით კერძო.
ესე ნაწილი ძეთა გადისთაჲ ერობისაებრ მათისა (ქედსა მიაქცევენ წინაშე მტერთა მათთა, რამეთუ იქმნა ერობისაებრ მათისა) და ქალაქნი მათნი და ეზონი მათნი.
მისცა მოსემან კერძოსა ტომსა ძეთა მანასესთასა ერობისაებრ მათისა.
და იქმნნეს საზღვარნი მათნი მანაიმითგან და ყოველი ბასსანი და ყოველი სამეფოჲ ოგისი, მეფისა ბასსანისაჲ, და ყოველი დაბნები იაირისაჲ, რომელნი არიან ბასსანელისა შორის სამეოცნი ქალაქნი.
Page of ms. Ga: 329vb და ნახევარი გალადისა და ასტაროთისაჲ და ენადრაინი ქალაქი მეფისა ოგისი ბასანს შინა. და მიეცნეს ძეთა მაქირისთა, ძისა მანასესთა, და ნახევართა ძეთა მანასსესთა ერობისაებრ მათისა.
ესენი, რომელნი დაუმკჳდრნა მოსემან წიაღ იორდანისა, არაბოთს მოაბისასა, წიაღ იორდანესა პირისპირ. იერიქოსა, მზისა აღმოსავალით კერძო
