და იქმნნეს საზღვარნი ტომისა იუდაჲსნი ერობისაებრ მათისა საზღვართაგან იდუმეაჲსათა, უდაბნოჲთგან სინით ვიდრე კადიდმდე სამხრით კერძო.
და იქმნნეს საზღვარნი მათნი სამხრითგან ვიდრე კერძოდმდე ზღჳსა მარილოვნისა, ბორცჳსაგან მიმავალისა სამხრად მიმართ.
და ვალს წინაშე აღსავალისა მიერ აკრავვიმისა და გამოვალს ნაარით და აღვალს სამხრით კადისბარნედ. და გამოვალს ვიდრე რომამდე და აღვალს არავად და გარემოჰვლის გალაადელსა.
და გარემოჰვლის ასელმონასა და მისწუთების ვიდრე ჴევამდე ეგჳპტისა. და არიან მისნი და გამოსავალნი საზღვართანი ზღუასა ზედა, ესე არიან მისნი საზღვარნი სამხრით.
და საზღვარნი Page of ms. Ga: 331rb აღმოსავლით კერძონი: ყოველი ზღუაჲ მარილოანი ვიდრე იორდანედმდე. და საზღვარნი მათნი ბღოარით კერძო ჴევნებითგან ზღჳსაჲთა და იორდანით.
მისწუდებიან საზღვარნი ვეთარავასა ზედა და თანაწარჰვლის ვეთარავასა ბღოარით კერძო და აღიწევიან საზღვარნი ქვისა მიმართ ვეონისა, ძისა რუბენისსა,
და მიიწევიან საზღვარნი მეოთხედსა ზედა ჴევისა აქორისსა და შთავალს გალგალდ, რომელ არს პირ მისავალსა აღომნიიმისასა, რომელ არს სამჴრით კერძო ჴევისა, და წარჰვლის წყალსა ზედა მზის წყაროჲსასა და არს გამოსავალი მისი წყაროჲ როგილი.
და აღვალს საზღვარი ჴევად ენნომისად სამხრით კერძო იევუსისა, რომელ არს იერუსალჱმი, და შთააწევენ საზღვარნი თხემსა ზედა მთისასა, რომელ არს პირისპირ ჴევსა ენნომისასა ზღჳთ კერძო, რომელ არს ნაწილი ქუეყანისა Page of ms. Ga: 331v რაფიიმისაჲ ბღოარად მიმართ.
და წარმოჰვლის საზღვარი თხემით მთისაჲთ წყაროსა თანა წყლისა აფთონისასა და წარმოჰვლის მთასა ეფრონსა და გამოჰყავს საზღვარი ვაალდ (ესე იგი არს ქალაქი იარიმი).
და გარემოჰვლის საზღვარი ვაალითგან ზღუად მიმართ და მთად სეირდ და გარემოჰვლის სამხრით კერძოდ იარიმისა ჩრდილოჲთ (ესე არს ხასალონი) და შთავალს ქალაქად მზისად და წარჰვლის სამხრით კერძო იარიმისა ვის საზღვარი სამხრით კერძო აკკარონისა ჩრდილოდ მიმართ და შთააწევენ საზღვარნი ახარონად მიმართ და თანაწარჰვლის მთასა ქუეყანისა ვაალისასა და შთააწევს იავნილამდე და არს გამოსავალი საზღვართაჲ ზღუასა ზედა.
და საზღვარნი მათნი ზღჳთგან ზღუაჲ დიდი საზღვარებ: Page of ms. Ga: 331vb ესე საზღვარნი იუდაჲსნი და გარემოჲს ერობისაებრ მათისა.
და ხალევს იეფონესსა მისცა ნაწილი შორის ძეთა იუდაჲსთა ბრძანებითა ღმრთისაჲთა. და მისცა მას იისუმან ქალაქი არბოკი, დედაქალაქი ენაკისი, ესე არს ქებრონი.
და მოსპნა მუნ ხალებმან, ძემან იეფონესმან, სამნი ძენი ენაკისნი. სუსი და თოლმაი და აქიმან.
და აღვიდა მიერ ხალებ მკჳდრთა მიმართ დაბირისათა, ხოლო სახელი დაბირისაჲ იყო პირველად ქალაქი მწიგნობართაჲ.
და თქუა ხალებმან: ვინცა ვინ დაიპყრას ქალაქი მწიგნობართაჲ და ეუფლოს მას, და მივსცე მას ასხან, ასული ჩემი, ცოლად.
და დაიპყრა იგი დონოთოხოილ, ძემან კენეზისმან, ძმისა ხალებისმან, უმრწემესმან. და მისცა მას ასხან, ასული მისი, ცოლად.
და იყო განსლვასა მისსა და თანაეზრახა მას, მეტყუელი: ვსთხოო მამასა ჩემსა აგარაკი. და ღაღად-ყო კაჰრაულით და ჰრქუა მას Page of ms. Ga: 332r ხალებმან: რაჲ არს შენდა?
და ჰრქუა მას: მომეც მე კურთხევაჲ, რამეთუ ქუეყანად [ნაგებდ] მიმეც მე, მომეც მე ღოლათმაიმი. და მისცა მას ხალებმან ღოლათი ზენაჲ და ღოლათი ქუენაჲ.
ესე სამკჳდრებელი ტომისა იუდაჲსი.
ხოლო იყვნეს ქალაქნი მათნი ქალაქი პირველი ტომთა ძეთა იუდაჲსთაჲ საზღვართა შორის ედომისათა, უდაბნოსა თანა: ავსეილსა, ედრაი და აღურ,
და კინა და დიმონა და აღდა,
და კედეს და იეთნაზიფ,
და ხელემ და ვალოთ და ვარვა და დაბანი მათნი.
და ქალაქი აგერონი, ესე არს ასორი,
და ამამი და მოლადაჲ,
და ასერდადდაჲ და ვეთფარეთი და ხორლალი,
და სარსულაჲ, და ბერსაბეე და დაბანი ესე და ეზონი მათნი.
ვაალაჲ და ავიმი და ასემი,
და ელთო-. დამი და ქეილი და ერმანი,31 და სიკელეღი და მედემინაჲ და სანსანნაჲ,
და ლაბ\ოთი Page of ms. Ga: 332rb და სელეიმი და რემმონი, -- ქალაქნი ოცდაცხრანი და დაბანი მათნი.
ველობსა ზედა: ესთაოლი და სარაჲ და ასნაჲ,
და რემევნი და ზანაჲ და აღიათემი,
და ინემი და იერიმუთი და ოდოლამი და ნემერაჲ და სოხორი და აზიკაჲ,
და სარღარიმი და ღადირაჲ და ეზოჲ მისი, -- ქალაქნი ათორმეტნი და დაბანი მათნი.
სევნანი და აღასაჲ და მაღდალდალი,
და მასფაჲ და იკარიელი,
და ლაქისი და ვაზკათი და აღალანი,
და ხავვაჲ და ხამასი და ხათლოსი,
და ღადიროთი და ვითდაღოთი და ნოომაჲ და მაი და მაკკიდაჲ, -- ქალაქნი ათექუსმეტნი და დაბანი მათნი.
ლემნაჲ და ათერი,
და იეფთაჲ და ასენნაჲ და ნასივი,
და კილაჲ და ამიასე და ზენი და მარისაჲ და ედომი, -- ქალაქნი ათნი და დაბანი მათნი.
აკკარონი და დაბანი მისნი და ეზონი მისნი.
და აკკარონითგან იემნაი და ყ{ოველ}ნი რაოდენნი არიან მახლობელ: Page of ms. Ga: 332v ასდონი, ასიდოთი და დაბანი მათნი
და ეზონი მათნი ვიდრე ნაოუარევამდე ეგჳპტისა, და ზღუაჲ დიდი განასაზღვრებს.
და მთეურსა შინა საფირისასა და ელთერი და სოხოაჲ.
და რენნაჲ, ქალაქი მწიგნობართაჲ, რომელ არს დაბირი.
და ანოვი და ესთემოჲ და ანიმი,
და ღოსომი და ქილუონი და გილონი, -- ქალაქნი ათერთმეტნი და დაბნები მათნი.
ებერ და ესან და რუმა,
და იანუმ და ვეთაპფუე და აფაკაჲ.
და ხამმატაჲ და ქალაქი არბოკი (ესე არს ქებრონი) და სიორი -- ქალაქნი ცხრანი და დაბანი მათნი.
მასონი და ქერმელი და ზიფაჲ და იეტტაჲ,
და იეზრაელი და იეკდაამაჲ და ზანოჲ და აეკიმი,
და ღავაჲ და თამნაჲ, -- ქალაქნი ცხრანი და დაბანი მათნი.
აური და ბეთსური და გედორი,
და მაროთი და ვეთაროთი და ელთეკენი, -- ქალაქნი ექუსნი და დაბანი მათნი,
თეკოჲ და ეფრათაჲ (ესე არს ბეთ\ლემი) Page of ms. Ga: 332vb და ფადორი და ეტამი და კულონი და ტამი და სორისი და კარემი და ღალამი და ვეთირი და მანოხოჲ, -- ქალაქნი ათერთმეტნი და დაბანი მათნი.
კარიათ ბაალი (რომელ არს ქალაქი იარიმი) და არევმაჲ, -- ქალაქნი ორნი და დაბანი მათნი და ეზონი მათნი.
კედდარგისი და ფეთარავაჲ და მადონი და სოხოხაჲ,
და ნებესანი და ქალაქი ალონი და ენღადდი, -- ქალაქნი შჳდნი და დაბანი მათნი.
და იევუსელი მკჳდრ იყო იერუსალჱმს, და ვერ უძლეს ძეთა იუდაჲსთა წარწყმედაჲ მათი და ღაემკჳდრნეს იევუსელნი იერუსალჱმს შინა ვიდრე დღისამდე ამის.
