და იქმნნეს საზღვარნი ტომისა ძეთა მანასისთანი, რამეთუ ესე იყო პირმშოჲ იოსებისი. მაქირისსა, პირმშოჲსა მანასისსა, მამისა გალაადისსა, და მამაკაცი მეჰომე იყო, -- გალაადელი და ბასანელი.
და იყო ძეთა მანასისთა ნეშტთაჲ ერობისაებრ მათისა, ძეთა იეხზურისთა და ძეთა ხალეხისთა და ძეთა არიილისთა და ძეთა სჳქემისთა და ძეთა მარინისთა და ძე\თა Page of ms. Ga: 333v სოფესთა. ესე წულნი ერობისაებრ მათისა.
და სალპაად, ძისა ოფერისნი, არა იყვნეს ძენი, არამედ ასულნი. და ესე სახელები ასულთა სალპაადისთ{ა}ჲ: მაალა და ნოა და აღლა და მელხა და თერსა.
და დადგეს წინაშე ელეაზარ მღდელისა და წინაშე იისუჲსა და წინაშე მთავართაჲსა, მეტყუელნი: ღმერთმან ჴელითა მოსესითა ამცნო მოცემად ჩუენდა სამკჳდრებელი საშუალ ძმათა ჩუენთა. და მიეცა მათ ბრძანებითა უფლისაჲთა ნაწილი ძმათა შორის მამისა მათისათა.
და დაიდვა წილის საზომი მათი ასსითგან და ველით ლაბეკით გალაადითგან, რომელ არს წიად იორდანისა.
რამეთუ ასულთა ძეთა მანასესთასა დაიმკჳდრეს სამკჳდრებელი საშუალ ძმათა მათთა, ხოლო გალაადი იქმნა ძეთა მანასისთა დაშთომილად.
და იქმნნეს საზღვარნი ძეთა მანასისთანი დილანოთეკი, რომელ არს Page of ms. Ga: 333vb პირისპირ ძეთა აეთისთა. და ვალს მთათა ზედა იამიბნისათა და იასიფი ქუეყანასა შინა სათითს
მანასსისნი არიან და თაფფოთი საზღვართა შინა მანასსისთა ძეთა ეფრემისთაჲ არს.
შთამოვლენ საზღვარნი ჴევსა ზედა იაირსა ტერემინთოჲთ, ეფრემის ქალაქისაგან. იყოს გამოსლვაჲ მისი ზღუაჲ
სამხრით კერძო ეფრემისსა და ჩრდილოჲთ კერძო მანასისა. და არს ზღუაჲ საზღვარი მათი და ასირსა ზედა შეიყოფვიან ჩრდილოჲთ კერძო და ისსახარისა -- აღმოსავალით.
და არს მანასსი ისსახარს შორის და ასირს ბეთსანს და დაბანი მისნი, და მკჳდრნი ედორისანი და დაბანი მისნი, და მესამედი ნაფეთაჲსაჲ და დაბანი მისნი.
და ვერ შეუძლეს ძეთა მანასისთა მოსრვაჲ ქალაქთაჲ ამათ და მოვიდოდა ქანანელი დამკჳდრებად ქუეყანასა ამას.
და იყო, ვინაჲთგან განძლიერდეს ძენი ისრაელისანი და ყვნეს ქანანელნი მორჩ\ილ, Page of ms. Ga: 334r ხოლო მოსრვით არა მოსრნეს.
ხოლო ეცილნეს ძენი იოსებისნი იისუსა, მეტყუელნი: რაჲსათჳს დამიმკჳდრე ჩუენ ნაწილი ერთი და წილის საზომი ერთი, ხოლო მე ერი მრავალი და ღმერთმან მაკურთხა მე.
და ჰრქუა მათ იისუმან: ერი მრავალი თუ ხარ შენ, აღვედ მაღნარად და განწმიდე თავისა შენისად, უკუეთუ იწროებ მთასა ეფრემისსა.
და თქუეს ძეთა იოსებისთა: არა კმა არს ჩუენდა მთაჲ და ცხენი რჩეული და რკინაჲ ქანანელისა დამკჳდრებულისაჲ ჩემ თანა ბეთსანს შინა და დაბათა მისთა ღელესა ისრაჱლისასა.
და ჰრქუა იისუმან ძეთა იოსებისთა, მეტყუელმან: უკუეთუ ერი მრავალი ხარ და ძალი დიდი გაქუს, არა იყოს შენდა ნაწილი ერთი,
რამეთუ მაღნარი იყოს შენდა ნაწილად, რამეთუ მაღნარი არს და განსწმიდო იგი. და იყოს შენდა მო-რაჲ-ჰ\სრა Page of ms. Ga: 334rb ქანანელი.
