და გამოვიდა წილი მეორე ძეთა სჳმეონისთაჲ და იქმნა ნაწილი მათი საშუალ ნაწილსა ძეთა იუდაჲსთასა.
და იყო ნაწილი მათი ბერსაბეე და სამააჲ და ხოდადავი,
და ვოლე და ასომი,
და ელთევდაჲ და ბეთული და ერმაჲ,
და ეკელლაგი და ბეთმაჲ და ქერეთი და სარსუსი,
და ვათარონი და აგარაკნი მათნი, -- ქალაქნი ათსამმეტნი და დაბანი მათნი.
ერიმონი და ვათააკი, და იეთერი, და ასარი. -- ქალაქნი ოთხნი და დაბანი მათნი.
გარემოჲს ქალაქთა ამათ ვიდრე ვათელადმდე ვირრამოთისა მიმავალისა იამეთდ სამხრით კერძო. ესე სამკჳდრებელი ტომისა ძეთა სჳმეონისთაჲ ერობისაებრ მათისა. Page of ms. Ga: 335vb
ნაწილისაგან იუდაჲსსა ნაწილი ტომისა ძეთა სჳმეონისთაჲ, რამეთუ იყო ნაწილი ძეთა იუდაჲსთაჲ უფროჲს მათსა და დაიმკჳდრეს ძეთა სჳმეონისთა შორის ნაწილსა მათსა.
და გამოვიდა ნაწილი მესამე ზაბულონისი ერობისაებრ მათისა. და არიან ნაწილნი სამკჳდრებელისა მათისანი ოდოღოლლას.
საზღვარი მათი ზღუაჲ და ღარანნაჲ, და შეკრბების ბეთრავასა ზედა ჴევსა შინა, რომელ არს პირისპირ ეკმადანსა.
და მიიქცევის სედდუდით პირისპირ აღმოსავალით გამო ბეთსამჳსა საზღვართა თანა ხალელოთორისათა და წარჰვლის დაბიროთისა მიმართ და აღიწევის ჴევსა თანა.
და მიერ გამოვალს პირისპირ აღმოსავალისა თართენით კერძო, ქალაქსა თანა კასიმსა, და წარჰვლის რემმონით კერძო ამათარინუაჲსა.
და გარემოჰვლის საზღვართ ბღოარით კერძო [ა]მოთს Page of ms. Ga: 336r თანა. და არს გამოსავალი მათი გაის თანა ეფთაილისასა.
კატანათს და სჳმოონი და ელიდაჲ და აკთლეემი,
ესე სამკჳდრებელი ტომისა ძეთა ზაბულონისთაჲ ერობისაებრ მათისა, -- ქალაქნი მათნი და დაბანი მათნი.
და ისსახარისსა გამოვიდა წილი მეოთხე.
და იქმნნეს საზღვარნი მათნი იაზილი და ხასედოთი და სუსანნაჲ,
და არრენი და სიოენი და რენეთი და ანაქერეთი,
და დაბიროთი და კისონი,
და ღომათი და ანარეთი და ვეთფასისი.
და შეიყოფვიან საზღვარნი ვეთემოთს თანა და სალმის თანა ზღჳს კიდესა და ბეთსამჳს. და არს გამოსავალი საზღვართა მისთაჲ იორდანე.
ესე სამკჳდრებელი ტომისა ძეთა ისსახარისთაჲ ერობისაებრ მათისა, ქალაქნი და დაბანი მათნი.
და გამოვიდა წილი მეხუთე ასირისსა ერობისაებრ მათისა.
და იქმნნეს საზღვარნი მათნი ელკათითგან და აღეფით და ვოთეჲთ და აჲთ Page of ms. Ga: 336rb და აფით,
და ალიმელექით და აბიმეილით და მასსაჲთ. და შეეყოფვის კარმილსა ზღჳს კიდესა თანა და სიორსა და ლაბანათსა.
და მოიქცევის აღმოსავალით კერძო მზისაჲთ ბეთგეეს და შეერწყუმის ზაბულონს და გაინსა და ეფრადილსა ბღოარით კერძო. და გამოვალს საზღვარი საფთანით ვეთმანით და ვალს ზღვარსა ანილისსა და წარმოჰვლის მიწასა ვასუილისსა მარცხენით კერძო.
და ევრონსა და რამაამსა და ამმეონსა და კანათსა ვიდრე სიდონამდე დიდად.
და მოიქცევის საზღვარი სამმანდ (!) ვიდრე წყაროდმდე მოსფანისა ტჳრელთაჲსა და მიიქცევის საზღვარი საფანდ მიმართ და არს გამოსავალი მათი ზღუაჲ და წილის საზომითგან ლევით და ზოვით.
და აკკოჲთ და აფეკით და არაკით, -- ქალაქნი ოცდაორნი.
ესე სამკჳდრებელი ტომისა ძეთა ასირისთაჲ ერობისაებრ მათისა, ქალაქნი მათნი და დაბანი მათნი.
და ნეფთალიმსა აღმოუჴდა წილი Page of ms. Ga: 336v მეექუსე.
და იქმნნეს საზღვარნი მათნი: მოალამი და მოლაჲ და ვესენიქსიმი და არმე და იაბოკი და იეფთანე ვიდრე დოკანამდე და იქმნეს გამოსავალნი მათნი იორდანე.
და მიიქცევის საზღვარი ზღუასა ზედა აზანოთს-ათთავორსა და გამოვალს მიერ ეკიკათდ და შეერთების ზაბულონს სამხრით კერძო და ასირს შეერთების ზღჳთ კერძო და იორდანე აღმოსავალით კერძო მზისაჲთ.
და ქალაქი მოზღუდვილი ტჳროსთაჲ: ტჳროსი და ომათი და დაკე და კორეთი,
და არმათი და არილი და ასორი
და კედესი და სარაჲ და წყაროჲ ასორისი,
და იეროთი და მალლარიმი და ბეთამიკი და თაზმუსი, -- ქალაქნი ათცხრამეტნი.
ესე სამკჳდრებელი ტომისა ძეთა ნეფთალიმისთაჲ.
და თანსა აღმოუჴდა წილი მეშჳდე.
და იქმნნეს საზღვარნი მათნი: სარათი და იასე ქალაქი სამჳ\დაელ Page of ms. Ga: 336vb ლავიმი.
და ემონი და ოილათაჲ,
და ედონი და თამნათაჲ და აკკარონი,
და ალკათაჲ,
და აზორი და ვანერავაჲ და გეთრემნასი,
და ზღჳთ იერონთაჲთ საზღვარი მახლობელად იოპისა.
ესე ნაწილი ტოჰმისა ძეთა დანისთაჲ ერობისაებრ მათისა, ქალაქნი მათნი და დაბანი მათნი.
და არა აჭირვებდეს ძენი დანისნი ამორრეველსა, მაჭირვებელსა მათსა, მთასა შინა და არა უტევებდეს მათ შთამოსლვად ღელედ და აჭირვებდეს მთასა მას ზედა ნაწილსა მათსა.
და წარვიდეს ძენი დანისნი და ებრძოლნეს ლაქისსა და დაიპყრეს იგი და დასცეს იგი პირითა მახჳლისაჲთა და დაიმკჳდრეს იგი და უწოდეს სახელი მისი ლასანდან.
და ამორრეველმან დაითმინა მკჳდრობაჲ აილომს შინა და სალამინს. და დამძიმდა ჴელი ეფრემისი მათ ზედა და იქმნნეს იგინი მოხარკე.
და წარვიდეს მოხილვად ქუეყანისა საზღვართა შინა მათთა. და მისც\ეს Page of ms. Ga: 337r ძეთა ისრაჱლისათა ნაწილი იისუს ნავესსა მათ შორის
ბრძანებითა ღმრთისაჲთა. და მისცეს მას ქალაქი, რომელი ითხოა სამნასართი, რომელი არს მთასა შინა ეფრემისსა. და აღაშენა ქალაქი და დაემკჳდრა მას შინა.
ეს შინა (?) არიან განყოფანი, რომელნი განუნაწილნა ელეაზარ მღდელმან და იისუ ნავესმან და მთავართა ნათესავთასა ტომთა შორის ისრაჱლისათა ნაწილთაებრ მათთა სილოს, წინაშე უფლისა, კართა თანა კარვისა საწამებელისათა. და წარვიდეს მოხილვად ქუეყანისა.
