და მოვიდეს ტომთმთავარნი ძეთა ლევისთანი ელეაზარის მომართ მღდელისა და იისუჲს მომართ, ძისა ნავესსა, და ტომთმთავართა მომართ ნათესავთაჲსა ტომთაგან ძეთა ისრაჱლისათასა.
და თქუეს მათდამი სილოს, ქუეყანასა ქანაანისასა, მეტყუელთა: ამცნო უფალმან ჴელითა მოსესითა მოცემად ჩუენდა ქალაქნი სამკჳდრებელად და გარემოსათესავნი მათნი საცხოვართა ჩუენთა.
და მისცნეს ძეთა ისრაჱლისათა ლევიტელთა Page of ms. Ga: 338r სამკჳდრებელად მათდა ბრძანებითა უფლისაჲთა ქალაქნი და გარემოსათესავნი მათნი.
და აღმოუჴდა წილი ერსა კაათისსა. და იქმნა ძეთა აარონისთა, მღდელთა ლევიტელთაჲ, ტომისაგან იუდაჲსსა და ტომისაგან სჳმეონისსა და ტომისაგან ბენიამენისსა, ნაწილი ქალაქნი ათსამე\ტნი. Page of ms. Ga: 338v
და ძეთა კაათისთა ნეშტთა ტომისაგან ეფრემისსა და ტომისაგან დანისსა და ნახევარ ტომისაგან მანასესსა, ნაწილად -- ქალაქნი ათნი.
და ძეთა გედსონისთა ტომისაგან ისახარისსა და ტომისაგან ნეფთალიმისსა და ნახევარ ტომისაგან მანასესსა ბასანს. ნაწილად -- ქალაქნი Page of ms. Ga: 339r ათსამეტნი.
და ძეთა მერარისთა ერობისაებრ მათისა ტომისაგან რუბენისსა და ტომისაგან გადისსა და ტომისაგან ზაბულონისსა, ნაწილად -- ქალაქნი ათორმეტნი.
და მისცნეს ძეთა ისრაჱლისათა ლევიტელთა ქალაქნი და გარემოსათესავნი მათნი. ვითარ-სახედ ამცნო უფალმან მოსესა სამკჳდ\დრებელად. Page of ms. Ga: 339v
და მისცნეს ტომმან იუდაჲსმან და ტომმან სჳმეონისმან და ტომმან ბენიამენისმან და ტომისაგან ძეთა მანასსისთა ქალაქნი და სახელ-ისხნეს:
ძენი აარონისნი ერისაგან კაათისსა, ძეთაგან ლევისთა, რამეთუ ამათდად იქმნა სამკჳდრებელი.
და მისცეს მათ კათარი-არბოკი, დედაქალაქი Page of ms. Ga: 340r ენაკისი (ესე არს ქებრონი) მთასა შინა იუდაჲსასა, ხოლო გარემოსათესავნი გარემოჲს მისსა.
და აგარაკნი ქალაქისანი და დაბანი მისნი მისცნა იისუმან ძეთა ხალების, ძისა იეფონისთა, დასამკჳდრებელად.
და ძეთა აარონ მღდელისათა მისცა მისალტოლავი კაცისმკლველისაჲ ქებრონი და განჩინებულნი მისდამი, და ლემნაჲ და განჩინებულნი მისდამი.
და იეთერი და განჩინებულნი მისდამი, და ესთემოჲ და განჩინებულნი მისდამი,
და ოლონი და განჩინებულნი მისდამი, და დაბირი და განჩინებულნი მისდამი,
და აირი და განჩინებულნი მისდამი, და ატანი და განჩინებულნი მისდამი, და ბეთამისი და განჩინებულნი მისდამი, ქალაქნი ცხრანი და თჳნიერ ორთა ამათ ტომთასა.
და თჳნიერ ტომისა ბენიამენისსა გაბაონი და განჩინებულნი მისდამი,
ანათოთი და განჩინებულ\ნი Page of ms. Ga: 340v მისდამი, და ალმონი და განჩინებულნი მისდამი ქალაქნი ოთხნი.
ყოველნი ქალაქნი ძეთა აარონისთა მღდელთანი, -- ქალაქნი ათსამმეტნი და გარემოსათესავნი მათნი.
და ერთა ძეთა კაათისთად, ლევიტელთა, დაშთომილთა ძეთაგან კაათისთა. და იქმნა ქალაქი საზღვართაჲ მათდა ტომისა ეფრემისა.
და მისცნეს მათ ქალაქნი მისალტოლავნი მოსისხლისანი: სჳქემი და განჩინებულნი მისდამი, და ღაზარაჲ და განჩინებულნი მისდამი,
და კავასაიმი და განჩინებულნი მისდამი, და ანუ ბეთორონი და განჩინებულნი მისდამი, ქალაქნი ოთხნი.
და ტომისაგან დანისსა ელთოკამი და განჩინებულნი მისდამი, და გებანი და განჩინებულნი მისდამი.
და აილომი და განჩინებულნი მისდამი, და გეთერმონი და განჩინებულნი მისდამი, ქალაქნი ოთხნი.
და ნახევარ ტომისაგან მანასისა თანაკი და განჩინებულნი მისდამი, და[იებათა] Page of ms. Ga: 339vb და განჩინებულნი მისდამი, ქალაქნი ორნი.
ყოველნი ქალაქნი ათნი და განჩინებულნი მათდამი ერთა ძეთა კაათისთასა დაშთომილთა.
და ძეთა გედსონისთა, ლევიტელთა, ნახევარ ტომისაგან მანასისსა ქალაქნი განსაზღვრებულნი მკლველთათჳს, ღავლონი ბასანელისა შორის და განჩინებულნი მისდამი, და ვეესთარანი და განჩინებულნი მისდამი, -- ქალაქნი ორნი.
და ტომისაგან ისსახარისსა კისიორი და განჩინებულნი მისდამი,
და რემაათი და განჩინებულნი მისდამი, და ღომაჲ და განჩინებულნი მისდამი, და პიგინი მწიგნობართაჲ და განჩინებულნი მისდამი, -- ესე ქალაქნი ოთხნი.
და ტომისაგან ასირისა ვასელანი და განჩინებულნი მისდამი, და ნავდონი და განჩინებულნი მისდამი.
და ქელკათი და განჩინებულნი მისდამი, და რაადი და განჩინებულნი მისდამი, -- ქალაქნი ოთხნი.
და ტომისაგან ნეფთალიმისა ქალაქი, რომელ განუჩინეს მოსისხ\ლესა, Page of ms. Ga: 341r კედესი გალილეას და განჩინებულნი მისდამი, და ემათდორი და განჩინებულნი მისდამი, და ნოემმოთი და განჩინებულნი მისდამი, -- ქალაქნი სამნი.
ყოველნი ქალაქნი გედსონისნი ერობისაებრ მათისა, -- ქალაქნი ათსამმეტნი.
და ერთა ძეთა მერარისთასა ლევიტელთა ნეშტთა ტომისაგან ძეთა ზაბულონისთაჲსა მაანი და გარემო სათესავნი მისნი, და კადი და გარემოსათესავნი მისნი,
და სილათი და გარემოსათესავნი მისნი, -- ქალაქნი ოთხნი.
და გარემოსათესავნი იორდანისანი იერიქოჲ ტომისაგან რუბენისა, ქალაქი მისალტოლავი მკლველისაჲ, ბოსორი უდაბნოს შინა, მისორი და გარემოსათესავნი მისნი, და იაზირი და გარემოსათესავნი მისნი.
და გედნონი და გარემოსათესავნი მისნი, და მათათი და გარემოსათესავნი მისნი, -- ქალაქნი ოთხნი.
და ტომისაგან გადისა ქალაქი მისალტოლა\ვი Page of ms. Ga: 341rb მკლველისაჲ რამოთი გალაადს და გარემოსათესავნი მისნი, და მაანი და გარემოსათესავნი მისნი,
და ესებონი და გარემოსათესავნი მისნი, და იაზირი და გარემოსათესავნი მისნი, -- ყოველნი ქალაქნი ოთხნი.
ყოველნი ქალაქნი ძეთა მერარისთანი ერობისაებრ მათისა დაშთომილთანი ტომისაგან ლევისსა. და იქმნეს ქალაქნი საზღვართანი ათორმეტნი.
ყოველნი ქალაქნი ძეთა ლევისთა დანაპყრობისა ძეთა ისრაჱლისათაჲსა შორისთანი -- ორმეოცდარვა ქალაქნი და გარემოსათესავნი მათნი გარემოჲს ქალაქთა ამათ.
ქალაქი და გარემოსათესავნი ყოველთა ამათ ქალაქებთა გარემოჲს ქალაქსა.
და დაასრულა იისუმან, განმყოფელმან ქუეყანისამან, საზღვართა შორის მისთა.
და მისცეს ძეთა ისრაჱლისათა იისუსა ნაწილი Page of ms. Ga: 341v ბრძანებისაებრ უფლისა მისცეს ქალაქი, რომელი ითხოა, თამნასარახი მისცეს მას მთასა შინა ეფრემისსა.
და აღაშენა იისუმან ქალაქი და დაემკჳდრა მას შინა.
და მოიხუნა იისუმან დანაკნი კლდისანი, რომელთა მიერ წინადასცჳთა ძეთა ისრაჱლისათა, იშვნეს რაჲ გზასა ზედა უდაბნოს შინა, რამეთუ არა წინადაცჳთა-ყე უდაბნოს, და დასხნა იგინი თამნასარახს.
და მისცა უფალმან ისრაჱლსა ყოველი ქუეყანაჲ, რომელსა ეფუცა მიცემად მამათა მათთა, და დაიმკჳდრეს იგი და დაეშენა მას შინა.
და დააწყნარნა იგინი უფალმან გარემოჲს, ვითარ-იგი ეფუცა მამათა მათთა. არა წინააღუდგა არავინ წინაშე მათსა ყოველთაგან მტერთა მათთა, ყოველნი მტერნი მათნი მისცნა უფალმან მათ ჴელთა მათთა.
არა დავარდა ყოველთაგან სიტყუათა კეთილთა, რომელთა ეტყოდა უფალი ძეთა ისრაჱლისათა, ყოველი მოიწინეს.
