და იყო შემდგომად დღეთა მრავალთა, შემდგომად დამშჳდებისა უფლისა მიერ ისრაჱლისა ყოველ\თა Page of ms. Ga: 343vb მტერთა მისთა გარემოჲს, და იისუ მოხუცებულ იყო, გარდასრულ დღეთა.
და მიხადა იისუმან ყოველთა ძეთა ისრაჱლისათა და ბერობასა მათსა და მთავართა მათთა და მწიგნობართა მათთა და მსაჯულთა მათთა და თქუა მათდამი: აჰა, მე დავბერდი და გარდავჰჴედ დღეთა.
ხოლო თქუენ გიხილვან-ყე ყოველნი, რაოდენნი უყვნა უფალმან ღმერთმან თქუენმან ყოველთა ამათ წარმართთა პირისაგან თქუენისა, რამეთუ უფალი ღმერთი ჩუენი იგი გუეთანამბრძოლა ჩუენ.
იხილეთ, რამეთუ მოყარნა თქუენ ზედა წარმართნი დაშთომილნი ესე თქუენდა ნაწილთა შინა ტომთა შორის თქუენთა, იორდანითგან ყოველნი წარმართნი მოსპნა და ზღჳთგან დიდით საზღვარნი დასავალით კერძო მზისაჲთ.
ხოლო უფალი ღმერთი თქუენი -- ესე მოსპობს ამათ პირისაგან თქუენისა, ვიდრემდის წარწყმდენ, და მიუვლენს მათ მჴეცთა ველურთა, ვიდრემდის მოასრულნეს იგინი და მეფენი მათნი პირისაგან თქუენისა. და დაიმკჳდროთ ქუეყანაჲ მათი, ვითარცა მეტყოდა უფალი Page of ms. Ga: 344r ღმერთი ჩუენი ჩუენ.
განძლიერდით უკუე ფრიად დაცვად და ქმნად ყოველთა წერილთა წიგნსა შინა შჯულისა მოსესისათა, რაჲთა არა მიაქციოთ მარჯუნ ანუ მარცხნ.
რაჲთა არა შეხჳდეთ წარმართთა მიმართ დაშთომილთა ამათ და სახელები ღმერთთა მათთაჲ არა სახელიდებოდის თქუენ შორის, არცა ჰმსახუროთ მათ, არცა თაყუანის-სცეთ მათ,
არამედ უფალსა ღმერთსა თქუენსა შეუდგეთ, ვითარ-სახედ ჰყავთ ვიდრე დღისამდე ამის.
და მოსპნეს იგინი უფალმან პირისაგან თქუენისა, ნათესავნი დიდნი და ძლიერნი, და არავინ წინააღგჳდგა ჩუენ წინაშე ჩუენსა ვიდრე დღისამდე ამის.
(!) ერთმან თქუენმან დევნნა ათასნი, რამეთუ უფალი ღმერთი ჩუენი -- ესე გუეთანამბრძოლა ჩუენ, ვითარ-იგი მრქუა ჩუენ.
და დაიმარხეთ ფრიად შეყუარებად უფალი ღმერთი თქუენი.
რამეთუ უკუეთუ მიიქცეთ და შეეძინნეთ დაშთომილთა ამათ წარმართთა თქუენ შორის და მზახობანი ჰქმნნეთ მათდამი და თანააღერინეთ მათ და იგინი თქუენ,
(!) ცნებით უწყოდ\ეთ, Page of ms. Ga: 344rb ვითარმედ არდა შესძინოს უფალმან მერმე მოსპობაჲ წარმართთაჲ ამათ პირისაგან თქუენისა და მახე თქუენდა იყვნენ და საფრჴე და სამშჭულებ ტერფთა შორის თქუენთა და ისრებ თუალთა შინა თქუენთა, ვიდრემდის წარსწყმდეთ ქუეყანისა ამისაგან კეთილისა, რომელი მოგცა თქუენ უფალმან ღმერთმან თქუენმან.
რამეთუ მე გარდავირბენ დღეს გზასა, ვითარ-იგი ყოველნი ქუეყანისზედანი და შეემეცნენით ყოვლითა გულითა თქუენითა და ყოვლითა სულითა თქუენითა, ვითარმედ არა დავარდა სიტყუაჲ ერთი ყოველთაგან სიტყუათა, რომელნი თქუნა უფალმან ღმერთმან თქუენდამი, ყოველნი გეწინეს თქუენ, ერთი არა განსხუაჴმავდა მათგანი.
და იყოს, ვითარ-სახედ მოიწინეს თქუენ ზედა ყოველნი სიტყუანი კეთილნი, რომელნი თქუნა უფალმან თქუენდამი, ეგრეთვე მოაწინეს უფალმან ღმერთმან თქუენ ზედა სიტყუანი ბოროტნი, ვიდრემდის მოგსპნეს თქუენ ქუეყანისა ამისაგან კეთილისა, რომელი მიგცა უფალმან ღმერთმან თქუენ.
გარდასლვისათჳს თქუენისა მცნებასა უფლისა ღმრთისა თქუენისასა, რომელი გამცნო თქუენ, და წარსრულთა ჰმსა\ხუროთ Page of ms. Ga: 344v ღმერთთა სხუათა და თაყუანის-სცეთ მათ და განრისხნეს გულისწყრომით უფალი თქუენ ზედა და წარსწყმდეთ მსწრაფლ ქუეყანისაგან კეთილისა, რომელი მიგცა უფალმან თქუენ.
