მაშინ თქუა უფალმან ჩემდამო: ვიდოდე და მოიგე კარაბაჲ, გამოზელილი კაცისაჲ და მოიყვანენ მოხუცებულთაგან მღდელთაჲსა,
და განხჳდე სამრავალკაცოდ ძეებისა შვილთა მათთაჲსა, რომელი არს წინა კართა ზედა ბჭისა ხარსიდისისა, და წარიკითხენ მუნ ყოველნი სიტყუანი, რომელნიც ვთქუნე შენდამი.
და ჰრქუა მათ: ისმინეთ სიტყუაჲ უფლისაჲ მეფეთა იუდაჲსთა და კაცთა იუდაჲსთა და დამკჳდრებულთა იერუსალიმს და შემავალთა ამათ ბჭეთა შინა, ამათ იტყჳს უფალი ღმერთი ისრაილისაჲ: აჰა მე მოვაწევ ერსა ამას ზედა ძჳრთა, ვიდრეღა ყოველსა მსმენელსა მათსა აღუყივდენ ყურნი მისნი.
მათ წილ, რომელ დამიტევეს მე და განაუცხოეს ადგილი ესე და უკუმევდეს ამას შორის ღმერთთა უცხოთა, რომელნი არა იცოდნეს მათ და მამათა მათთა; და მეფეთა იუდაჲსთა აღავსეს ადგილი ესე სისხლებითა უბრალოებითა.
და უშენნეს მაღალნი ბაალსა დაწუვად ძენი მათნი ცეცხლითა ყოვლადდასაწუველად ბაალისა, რომელნი არა ვამცნენ მათ, არცა მომეგონა გულსა შინა ჩემსა.
ამისთჳს აჰა დღენი მოვლენან, იტყჳს უფალი, და არა ეწოდოს მერმე ადგილსა ამას დაც\ემულება Page of ed. 1709: 82=87a და სამრავალკაცო ძისა ენნომისსა, არამედ სამრავალკაცო სრვისა.
და მოვსრა განზრახვაჲ იუდაჲსი და განზრახვაჲ იერუსალიმისაჲ ადგილსა ამას შინა და დავსცნე იგინი მახჳლისა მიერ წინაშე მტერთა მათთა Page of ms. Ga: 229r და ჴელებსა შინა მეძიებელთა სულებისა მათისათასა და მივსცნე მკუდარნი მათნი საჭმლად მფრინველთა ცისათა და მჴეცთა ქუეყანისათა.
და დავდვა ქალაქი ესე უჩინო საქმნელად და სასტჳნველად; ყოველი თანა-წარმვლელი მის ზედა დაწუხნეს და დაისტჳნოს ყოვლისა ამის წლულებისათჳს.
და ჭამდენ ჴორცებსა ძეთა მათთასა და ჴორცებსა ასულთა მათთასა და თითოეული ჴორცთა მოყუსისა თჳსისათა გარემოდგომილებასა შინა, რომლითა გარემოადგენ მათ მტერნი მათნი და მეძიებელნი სულთა მათთანი.
და შეჰმუსრო კარაბაჲ წინაშე თუალებსა კაცთა, გამოსრულთასა შენ თანა,
და სთქუა მათდა მომართ: ამათ იტყჳს უფალი ძალთაჲ: ესრეთ შევმუსრო ერი ესე და ქალაქი ესე, ვითარცა შეიმუსრვის ჭურჭელი კაცისაჲ, რომელი არშესაძლებელ იყოს განკურნებად მერმე და ტაფეთს თანა დაჰფლვიდენ, რამეთუ არა იყოს ადგილი დაფლვად.
ესრეთ უყო, იტყჳს უფალი, ადგილსა ამას და დამკჳდრებულთა მას შინა მიცემად ქალაქი ესე ქუეყანად დაკუეთესულად.
და იყვნენ სახლნი იერუსალიმისანი და სახლნი მეფეთა იუდაისთანი. ვითარცა ადგილი დაკუთებული არაწმიდებათათჳს, რომელნი ქმნნეს სახლთა შინა, რომელთა შინა უკუმევდეს ერდოებსა ზედა მათსა ყოველსა მჴედრობასა ცისასა და უგებდეს საგებელთა ღმერთთა უცხოთა.
და მოვიდა იერემია დაცემულების\აგან Page of ed. 1709: 82=87b თაფეთისა, ვინაჲ მიავლინა იგი უფალმან წყლულებად მუნ, და დადგა ეზოსა შინა სახლისა უფლისასა და თქუა ყოვლისა მიმართ ერისა:
ამას იტყჳს უფალი ძალთაჲ, ღმერთი ისრაილისაჲ: აჰა მე მოვჰხადნე ქალაქსა ამას ზედა და ყოველთა ზედა ქალაქთა მისთა და დაბათა მისთა ყოველნი ძჳრნი, რომელთა ვიტყოდე მის ზედა, რამეთუ განიფიცხეს ქედი მათი არსმენად სიტყუათა ჩემთა.
