სიტყუაჲ, ქმნილი უფლისა მიერ იერემიაჲს მიმართ, მეტყუელი:
აღდეგ და შთავედ სახიდ მეკეცისა და მუნ გესმნენ სიტყუანი ჩემნი.
და შთავედ სახიდ მეკეცისა, და აჰა იგი იქმოდა საქმესა ქვათა ზედა.
დავარდა ჭურჭელი, რომელსა-იგი იქმოდა თიჴისაგან ველთა შინა მისთა, და კუალად შექმნა იგი ჭურჭლად სხუად, ვითარცა სთნდა წინაშე მისსა ქმნად.
და იქმნა სიტყუაჲ უფლისაჲ ჩემდამო, მეტყუელი: არქუ მათ:
უკეთუ ვითარცა მეკეცესა ამას, ვერ ძალ-მიც ქმნად თქუენდა, სახლო ისრაილისაო? აჰა ვითარცა თიჴაჲ ჴელსა შინა მეკეცისასა, ეგრეთ თქუენ ხართ ჴელთა შინა ჩემთა, სახლო ისრაილისაო, იტყჳს უფალი.
აღსასრული ვთქუა ნათესავსა ზედა ანუ მეფობასა მოსპოლვაჲ მათდა და წარწყმედად.
და მოაქციოს ნათესავმან მან უკეთურებათაგან მათთა, და შევინანო ბოროტთათჳს, რომელთა ვსიტყუევდ ყოფად მათდა.
და დასასრული ვთქუა ნათესავსა ზედა და მეფობასა ზედა აღშენებად [10] და დანერგვად.
და ბოროტნი ქმნენ წინაშე ჩემსა არსმენად ჴმისა ჩემისა და შევინანო კეთილსათჳს, რომელნი ვთქუენ ქმნად მათდა.
და აწ თქუ მამაკაცთა მიმართ იუდაჲსთა Page of ms. Ga: 228r და დამკჳდრებულთა მიმართ იერუსალიმს ესრეთ იტყჳს უფალი: აჰა მე აღვზელ თქუენ ზედა ბოროტთა და ვსიტყუავ თქუენ ზედა გულის-სიტყუასა მოიქეცინ კაცადი გზისაგან თჳსისა ბოროტისა და უკეთეს ყვენით სიმარჯუენი თქუენნი და გზანი თქუენნი.
და თქუეს: ვმჴნდეთ, რამეთუ უკუანა განდრეკილე\ბათა Page of ed. 1709: 86a ჩუენთასა ვიდოდით, და კავადმან სათნონი გულისა ჩუენისა ბოროტისანი ვქმნნეთ.
ამისთჳს ამათ იტყჳს უფალი: იკითხეთ წარმართთა შორის, ვის ესმნეს ესევითარნი განსაკრთომელნი ფრიად, რომელნი ქმნნა ასულმან ქალწულმან იერუსალიმისამან?
ნუ მოაკლდეს კლდისაგან ძუძუნი ანუ თოელი ლიბანისაგან? ანუ მიაქციოს წყალი მაიძულებელისაჲ ქარისა მობერვამან?
რამეთუ დამივიწყა მე ერმან ჩემმან, ცულისადმი აკუმევდეს და მოუძლურდნენ გზათა მათთა ზედა საბელთა საუკუნეთა ზედ-სლვისათჳს ალაგთა, არმქონებელთა გზისათა სავალად.
დაწესებად ქუეყანაჲ მათი უჩინო საქმნელად და სასტჳნველად საუკუნოდ; ყოველნი წარმვლელნი მის მიერ განცჳბრდენ და შეხარნენ თავნი მათნი.
ვითარცა ქარმან შემწუველმან, განვაბნინე იგინი წინაშე პირსა მტერთა მათთასა, ქედი და არა პირი უჩუენო მათ დღესა შინა წარწყმედისა მათისასა.
და თქუეს: მოვედით, ვსიტყუოთ იერემიაჲს ზედა გულის-სიტყუაჲ, რამეთუ არა წარწყმდეს შჯული მღდელისაგან და განზრახვაჲ გულისხუმიერისაგან და სიტყუაჲ წინაჲსწარმეტყუელისაგან: მოვედით და დავაბრძოლოთ იგი ენისა მიერ და არა ვისმინეთ ყოველნი სიტყუანი მისნი.
ისმინე ჩემი, უფალო, და ისმინე ჴმაჲ სამართლისა ჩემისაჲ.
უკეთუ მიეგებიან ბოროტნი კეთილთა წილ? რამეთუ შეთქუნეს სიტყუანი ძჳნად სულისა ჩემისა და ტანჯვაჲ მათი დამირწყუეს მე. მოიჴსენე დგომაჲ ჩემი წინაშე პირსა შენსა თქუმად. მათ ძლით კეთილთა გარე-მიქცევად გულის-წყრომაჲ შენი მათგან.
ამისთჳს მისცენ ძენი მათნი სიყმილსა და შეაწყუდიენ იგინი ჴელთა მახჳლისათა. იქმენინ ცოლნი მათნი უშვილო და ქუ\რივებ Page of ms. Ga: 228v და ქმარნი მათნი იქმენინ მოწყუედილ სიკუდი\ლითა Page of ed. 1709: 86b და ჭაბუკნი მათნი -- დაცემულ მახჳლითა ბრძოლასა შინა.
იქმენინ ღაღადებაჲ სახლებსა შინა მათსა, მოავლინენ მათ ზედა ავაზაკნი მყის, რამეთუ ჴელ-ყვეს სიტყუაჲ შეპყრობად ჩემდა და მახენი დაარწყუნეს ჩემ ზედა.
და შენ, უფალთა სცან ყოველი განზრახვაჲ ჩემ ზედა სასიკუდინედ; ნუ ააუბრალოებ უმართლოებათა მათთა და ცოდვათა მათთა პირისა შენისაგან ნუ აჰჴოც. იყვან უძლულებაჲ მათი წინაშე შენსა, ჟამსა შინა გულის-წყრომისა შენისასა ყავ მათ შორის.
