TITUS
Flavius Iosephus, Antiquitates Iudaicae I
Part No. 9
Previous part

Section: 9  
Paragraph: 1  
Line: 24       1) მას უკუე ჟამსა შინა ასჳრელთა ასიაჲსა მპყრობელობასა, სოდომელთა
Line: 25    ყუაოდეს მონაგებნი სიმდიდრისაგან მათდა მიცემულთასა და სიჭაბუკისა
Line: 26    მრავლისა თანად. და მეფენი ხუთნი განაგებდეს ადგილსა მათსა. ვალაკოს,
Line: 27    ვალეას, სჳნავარის და სჳმოვოროს და თანად მეფე ვალინონ. ხოლო თითოეული
Line: 28    თჳსსა კეროსა ჰმთავრობდა. ამათ ზედა ამჴედრებულნი ასჳრელნი და ოთხ
Line: 29    კეროდ მყოფელნი მედრობისანი, მოაოჴრებდეს მათ, ხოლო თითოეულთაზედა
Line: 30    დაწესებულ ყო ერთი მჴედართმთავარი. და ბრძოლისა ქმნილობასა მძლეველთა
Line: 31    ასჳრელთა ხარკი უბრძანეს სოდომელთა მეფეთა. ათორმეტთა უკუე წელთა მმონებელნი
Line: 32    და ბრძანებულთა მათდა ხარკთა აღმასრულებელნი მოთმინეობდეს, ხოლო მეათსამმეტესა
Line: 33    განადგეს. და მოვიდა მათ ზედა მჴედრები ასრელთა მჴედართმთავრობასა
Line: 34    ამაროფსიდოსასა3, არიუხოსასა, ხოდოლამოროჲსასა, თადალოჲსასა. ამათ
Line: 35    ვიდრემე სჳრიაჲ ყოველი მიიტაცეს და გმირთა ნაშობნი დააქციეს. ხოლო
Line: 36    სოდომად ქმნილთა აღიმჴედრეს ჴევსა შინა, სახელდებულსა "ჯურღუმულად
Line: 37    ასფალტოჲსა, რამეთუ მას ჟამსა წყარონი იყვნეს ადგილსა მას შინა, აწ
Line: 38    ვიდრემე, სოდომელთა ქალაქისა უჩინოქმნასა,
Page: 109   Line: 1    ჴევი იგი ტბა იქმნა, ასფალტიტად სახელდებული. და ამის უკუე ტბისათჳს
Line: 2    შმდგომად არა მრავლისა კუალად გამოვაჩინოთ. ხოლო სოდომელთა თანშეაწყვეს
Line: 3    რაჲ ასჳრელთა და ძლიერად ბრძოლაჲ იქმნა, უმრავლეს უკუე ვიდრემე მათნი
Line: 4    მოკუდეს, ხოლო ნეშტნი ტყუე იქმნნეს, რომელთა თანა და ლოტოსცა წარიყვანა,
Line: 5    თანმბრძოლად სოდომელთა მოსრული.



Next part


This text is part of the TITUS edition of Flavius Iosephus, Antiquitates Iudaicae I.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.