TITUS
Flavius Iosephus, Antiquitates Iudaicae I
Part No. 10
Previous part

Section: 10  
Paragraph: 1  
Line: 7       1) ხოლო ავრამოსს, მსმენელსა განსაცდელისა მათისასა, თანად შიში
Line: 8    შეუჴდა ლოტოჲსთჳს, ნათესვად მისდა მყოფისა და წყალობაჲ სოდომელთათჳს,
Line: 9    მოყუარედ მყოფთა და მახლობელთა. და შეწევნად მათდა მეცადინმან არა
Line: 10    უდებყო, არამედ მოსწრაფექმნილმანდა მეხუთესა ღამესა ზედდამსხმელმან
Line: 11    ასჳრელთამან დანოჲს თანა, რამეთუ ესრეთ სხუაჲ იორდანისა წყაროჲ სახელიდების,
Line: 12    და მიწევნილმან უწინარეს საჭურველთა შინა ქმნისა მათისა, სარეცელთა
Line: 13    შინა ვიდრემე მყოფნი მოაკუდინნა, არცა გონებასა შინა მქონებელნი განსაცდელისანი.
Line: 14    ხოლო ძილად არღა მიდრეკილნი და ბრძოლად სიმთრვალისგან არა შემძლებელნი,
Line: 15    ივლტოდეს. ხოლო ვრამოს, დევნელი, შეუდგა, ვიდრემდის მეორედქმნილნი
Line: 16    მლტოლველ ჰყვნა იგინი სოვად2, დამასკოჲსა ქუეყანად, და უჩუენა მათ,
Line: 17    ვითარმედ ძლევაჲ არა სიმრავლესა შინა და მრავალჴელობასა მდებარედ შემთხუელ
Line: 18    არს, არამედ გულსმოდგინებასა მბრძოლთასა და სიმჴნე მპყრობელ არს ყოვლისა
Line: 19    რიცხჳსა, სამას და ათრვათა მონათა მისთა ანა და სამთა მოყუარეთა ესოდენისა
Line: 20    მჴედრებისა მძლეველმან. ხოლო რაოდენნი განევლტნეს მას, შეურაცხად უკუნიქცეს.

Paragraph: 2  
Line: 21       2) და ავრამოს უკუე, სოდომელთა ტყუეთა მაცხოვნებელი, რომელნი
Line: 22    პყრობილ იყვნეს ასჳრელთა მიერ და ნათესვისა თჳსისა ლოტოჲსი, უკუნიქცა
Line: 23    მშჳდობით. და მიეგება მას სოდომელთა მეფე ადგილსა რომელსამე, რომელსა
Line: 24    უწოდიან "ქუეყანაჲ სამეფოჲ, სადა სოლჳმაჲს ქალაქისა მეფემან, მელქისედეკის,
Line: 25    შეიწყნარა იგი. ხოლო მოასწავებს სახელი ესე "მეფე მართალი და იყო ესევითარი
Line: 26    ჭეშმარიტად, ვიდრეღა ამის მიზეზისათჳს შეემთხჳა მას მღდელ ღმრთისა
Line: 27    ქმნაჲ და სოლჳმას ვიდრემე უკუანაჲსკნელ იეროსოლჳმად უწოდა. ხოლო მოართუა
Line: 28    ამან მელქისედეკის მჴედრობასა ავრამოჲსასა ძღუენნი და ფრიადი უშურველობაჲ
Line: 29    საჴმართაჲ მიანიჭა და იწყო ქებად მისდა სერობასა შინა და კურთხევად
Line: 30    ღმრთისა, ჴელისქუეშედ მოქმედსა მისდა მტერთასა. ხოლო ავრამოჲს, მიმცემელისაგან
Line: 31    ათეულსა ნატყუენავისა მისისასა, მიითუალა ნიჭი მისი. და სოდომელთა
Line: 32    უკუე მეფე ნატყუენავისა ვიდრემე ქონებად ევედრებოდა ავრამოსს, გარნა
Line: 33    კაცთა მიყვანებასა მოქენეობდა, რომელნ ასჳრელთაგან აცხოვნნა, ნათესავად
Line: 34    მყოფნი. ხოლო ავრამოს არა თქუა ამისი ქმნაჲ, არცა სხჳსა სარგებლისა
Line: 35    ნატყუენავისა მისგან მისდამი მისლვაჲ, თჳნიერ რაოდენნი საზრდელ მონათა
Line: 36    მისთა იქმნენ, ნაწილი უკუე რომელიმე მოყუარეთა მისთა მიანიჭა, თანაღმჴედრებულთა.
Line: 37    ესხოს უკუე იწოდებოდა პირველი და ენნიროს და მამვრის.

Page: 110  
Paragraph: 3  
Line: 1       3) ხოლო ღმერთმან, მაქებელმან სათნოებისა მისისამან, "არა წარსწყმიდნე,
Line: 2    რქუა, სასყიდელნი, რომელთა გიღირს მიდებაჲ შენ ესევითართა მოქალქობათა
Line: 3    ზედა ხოლო ავრამოს მიუგო -- და რაჲ იყოს მადლი ესევითართა სასყიდელთაჲ,
Line: 4    არაყოფასა, რომელთა დაიმკჳდრნენ შემდგომად მისა, რამეთუ ჯერეთ უშვილო
Line: 5    იყო. ხოლო ღმერთმან და ყრმათაცა ქმნაჲ აღუთქუა მას და კუალად მრავლისა
Line: 6    ქმნაჲ მისგან ნათესავისა ვიდრე ქმნადმდე მას მსგავსად რიცხუსა ვარსკულავთასა.
Line: 7    და მსმენელმან ამათმან, მსხუერპლი მოართუა ღმერთსა, მის მიერ ბრძანებულმან.
Line: 8    ხოლო იყ მსხუერპლისაჲ ესევითარი. დიაკეული სამ წლისაჲ და ვაცი სამ
Line: 9    წლისაჲ და ვერძი მსგავსადვე სამ წლისაჲ და გურიტი და რედი, ბრძანებულმან
Line: 10    ღმრთისაგან, განანაწილნა ოთხფერჴნი, მფრინველთაჲსა არაჲს განმყოთელმან.
Line: 11    და ამისა შემდგომად, პირველ დადგმაღმდე ბომონისა, მფრინველნი ზედაფრინვიდეს,
Line: 12    გულისთქუმითა სისხლისაჲთა. და ჴმაჲ საღმრთოჲ მოიწია, მომასწავებელ
Line: 13    მისდა ქმნილობასა ბოროტთა მახლობელთასა მისგან შობილთათჳს ეგჳპტეს
Line: 14    შინა, წელთა რვაასთა, და ძჳრხილულთასა ძლევაჲ მტერთაჲ და დამოყორებილთა
Line: 15    ძლევით ხანანელთასა, ქონებაჲ ქუეყანისა მათისაჲ და ქალაქთაჲ.

Paragraph: 4  
Line: 16       4) ხოლო ავრამოს მკჳდრ იყო ქუეყანასა შინა, გჳგიდ წოდებულსა,
Line: 17    მუხასა თანა. არს უკუე ადგილი ხანანაჲსაჲ, არ შორს ევრონიანთა ქალაქისაგან.
Line: 18    ხოლო მწუხარე ცოლსა ზედა, არა მშობელსა, ევედრებოდა ღმერთსა ყრმისა
Line: 19    წულისა შობასა. და ღმერთმან უკუე მინდობილობაჲ უბრძანა თანად და სხუათა
Line: 20    ყოველთათჳს, ვითარ კეთილთა ზედა მათთა შუამდინარეთით მოსრულსა, და
Line: 21    ყრმისაცა ქმნილობაჲ. ხოლო სარრა, ღმრთისა ბრძანებითა, მიაწვინა ერთი
Line: 22    მჴევალთაგანი, სახელით აღარინ, ნათესავით ეგჳტელი, ვითარ მის მიერ
Line: 23    შვილიერ ქმნილობისათჳს. და უძლებქმნილი მონაჲ მკადრეობდა გინებად,
Line: 24    სარრაჲს მიერ განდედოფლებული, ვითარ მთავრობისა დადგომილობასა მის
Line: 25    მიერ შობადისა ზედა. ხოლო ავრამოს ტანჯვად რაჲ მისცა იგი სარრას, ლტოლვაჲ
Line: 26    განიზრახა, არა მომთმენელმან შეურაცხებათამან და ევედრებოდა ღმერთსა
Line: 27    წყალობისა მინიჭებად მისდა. და შეემთხჳა მას, უდაბნოდ მავალსა, ანგელოზი
Line: 28    საღმრთოჲ, მბრძანებელი მეუფეთა მიმართ უკუნქცევისაჲ, ვინაჲთგან ცხორებასა
Line: 29    უზეშთაესსა მიემთხჳოს, მდაბალქმნილი, და რამეთუ აწ, დედოფლისა მიმართ
Line: 30    უგუნური და თავჴედქმნილი, ამათ ბოროტთა შინა არს. და ღმრთისა ვიდრემე
Line: 31    ურჩქმნილსა და წარმართ მკადრესა, ეტყოდა წარწყმედასა, ხოლო უკუნქცეული
Line: 32    დედა ყრმისა იქმნეს, მის ქუეყანისა მეფექმნილისა. ამათ ირწმუნა და,
Line: 33    მეუფეთა მიმართ აღსრული, შენდობასა მიემთხჳა. და შემდგომად უკუე არა
Line: 34    მრავლისა შვა ისმაილოს, "ღმრთივსმენილი" თქუას თუ ვინ, შესმენისათჳს
Line: 35    ღმრთისა ვედრებასა.

Paragraph: 5  
Line: 36       5) ავრამოჲს ვიდრემე უკუე, აწდა ექუს და ოთხმეოც წლის ქმნილისა,
Line: 37    პირველთქუმული იშვა. ხოლო მეცხრედ და ოთხმეოცდამეათედ აღსრულსა წლად,
Line: 38    გამოჩინებულმან ღმერთმან აღუთქუა, ვითარმედ და სარრაჲსგანცა იქმნეს
Line: 39    მისდა ყრმაჲ. და უბრძანა მას ისაკოდ წოდებაჲ, ცხაღმყოფელმან ნათესავთა
Line: 40    დიდთა მისგან ქმნილობასა და მეფეთასა და ვითარმედ, მბრძოლთა, დაიპყრან
Line: 41    ყოველი ხანანიაჲ სიდონიად ვიდრე ეგჳპტედმდე. ხოლო უბრძანა წინადაცუეთაჲ
Line: 42    სარცხჳნელთაჲ, მნებებელმან დადგრომად მის მიერსა ნათესავსა არა თანააღ\რევად
Page: 111   Line: 1    სხუათა და ამის ქმნად მერვესა დღესა შემდგომად შობისა. ხოლო მიზეზი
Line: 2    წინადაცუეთისა ჩუენისაჲ სხუათა შინა ცხადვყო. ხოლო ავრამოს იკითხვიდა
Line: 3    რაჲ ისმაილოჲსთჳსცა, უკუეთუ ცხონდეს, მრავალჟამეულობაჲ აუწყა ღმერთმან
Line: 4    და ნათესავთა დიდთა მამობაჲ. და ავრამოს ვიდრემე, ამათ ზედა მმადლობელმან
Line: 5    ღმრთისამან, წინადაიცჳთა. მეყუსეულად და ყოველთა მისთანათა და ყრმამანცა
Line: 6    ისმაილოსცა, მას დღესა შინა მეათსამმეტესა წელსა მქონებელმან, ხოლო
Line: 7    ავრამოს თჳთ მომდებელობდა ოთხმეოცდამეათესა ცხრათა თანა.



Next part


This text is part of the TITUS edition of Flavius Iosephus, Antiquitates Iudaicae I.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.