TITUS
Nemesios of Emessa, De natura hominum
Part No. 35
Previous part

Chapter: 34(35)  
Page: 141  
Line: 1 
თავი XXXV
Line: 2 
სჳსა-თჳს


Paragraph: 1  
Line: 3    რომელნი გარემოქცევითსა ძალსა ვარსკულავთასა მიზეზსა ყოველთა
Line: 4    ქმნადთასა აჩემებენ, არა მხოლოდ საზოგადოთა გონებრივთა
Line: 5    მბრძულ არიან, არამედ ყოველთა მოქალაქობათა უჴმრად აღმოანენენ.
Line: 6    უჯერეო ვიდრე-მე შჯულნი, ნამეტნავ უკუჱ საბჭონი სასამართლონი.
Line: 7    მტანჯველნი უმიზეზოთანი, უჯერო ქებანი და ძაგებანი, უსარგებლო
Line: 8    ვინაჲვე და ლოცვანიცა, -- ყოველთა სჳსა-ებრ ქმნისა-თჳს; ექსორია
Line: 9    ვიდრე-მე და განგებაჲცა კეთილად -მსახურებასავე-თანა და კეთილ-მოქმედებასა,
Line: 10    ვინაჲთგან კაცნი მხოლოდ ორღანოდ ოდენ ეპოებოდინ
Line: 11    ზენათა ძლითთა ვინაჲვე მოქცევათა და რამეთუ მათ-მიერ მიდრეკად
Line: 12    საქმეთა-მიმართ, არა მხოლოდ ნაწილნი სხეულთანი, არამედ და სულისაცა
Line: 13    მიმოგონებანი. რომელნი ამას იტყჳან, ჩუენ-მიერთა ვიდრე-მე
Line: 14    ყოვლით-ურთ აღჰჴოცენ და ბუნებასაცა მომჴდომთასა, და ესრეთ და
Line: 15    სხუად არარად, გარნათუ ყოველთავე შეაგინებენ. ცრუ ვიდრე-მე და
Line: 16    თჳთ იგი ვარსკულავნიცა, რამეთუ რომელთა-მე მეძ[ა]ვად, ხოლო
Line: 17    რომელთა-მე მოსისხლედ აღმქმნელ, და პირველ ამათსა შემოქმედისა
Line: 18    ამათისა ღმრთისად მიზეზი აღივლინების, რომელ ესევითარნი
Line: 19    შეჰმზადნა, რომელ მიზეზსა ბოროტთა საჭიროდ და იძულებით ზედადამდებენ
Line: 20    ჩუენ, ვითარ არა მხოლოდ ოდენ მოქალაქობათა-ზედა
Line: 21    დადგრომად ამათისა ამის უჯეროებისა, არამედ დიდთა ვინაჲვე ბოროტთა
Line: 22     მიზეზად აღმოჩენად ღმრთისა, ვითარცა წინადაუდგომელ-ყოფად
Line: 23    ვიდრე-მე მეცადინენი მათისა მის წინადადებით ჴელყოფისანი.
Line: 24    არამედ არცა თუ სმენად საჭირო არს ესე, საჩინოდ მქონებელი გმობისა
Line: 25    და უჯეროებისაჲ. ხოლო რომელნი იტყჳან ესრეთ, ვითარმედო
Line: 26    და მებრ სუებრივიცა დაეცვის, -- (თჳთეულსა ქმნილთასა მიეცემოდედ

Page: 142  
Line: 1    ვინაჲვე სჳსაცა, ვითარ იგი წყალსა -- განგრილებაჲ და ვითარ თჳთეულთა
Line: 2    ნერგთასა -- მოღებად ესევითარისა რაჲსა-მე ნაყოფთაჲსა და
Line: 3    ვითარ იგი ქვასა -- დაღმართყვანებაჲ და ცეცხლსა -- ზედაყვანებაჲ. ეგრეთვე
Line: 4    და ცხოველსაცა -- თანადართვაჲ ნებისაჲ და მიმართებაჲ, რაჟამს
Line: 5    მიმართებასა მას არარაჲ ექმნას დამაყენებელ გარეგნით, იგი ვინაჲვე
Line: 6    იყოს სჳსა-ებრ, მაშინ ვიდრე-მე ჩუენ-მიერ იყოს სლვაჲ და დაუცილებელადცა
Line: 7    ვლოთ), -- არამედ რომელნი ამას იტყოდეს, არიან უკუჱ
Line: 8    სტოელთა-გან ნი ხჳრისიპპოს ვინაჲვე და ფილოპატორ და სხუანი
Line: 9    მრავალნი და მბრწყინვალენი, რომელნი არარას სხუასა აღმოაჩენდეს, არამედ
Line: 10    ამას ოდენ, ვითარმედ ყოველივე მებრ სჳსა-გან ქმნად. დაღათუ
Line: 11    მიმართებასაცა წადილისსა სჳსა-გან იტყჳან ჩუენდა მოცემად და ამას
Line: 12    ოდეს-მე სჳისა-გან გარეგნითისა დაყენებად და ოდეს-მე არა, -- საცხადო
Line: 13    არს, რომელ ყოველსავე სჳსა-გან იტყჳან ქმნად და მათსაცა,
Line: 14    რომელთასა ჩუენ-მიერ ყოფად იჭუნეულ ვართ; უკუნქცევით უკუჱ
Line: 15    თჳთ მათთავე სიტყუათა მომჴმარებელნი მათ-მიმართ, ვაჩუჱნებთ თნებისა
Line: 16    მათისა უჯეროებასა.
Paragraph: 2  
Line: 17       რამეთუ*, თუ რად-მე მათ-თჳს მიზეზთა-გან გარემოცვულ ვინაჲვე,
Line: 18    ვითარ იგინი იტყჳან, ყოვლით-ურთ საჭირო ვიდრე-მე ეგრეთ
Line: 19    ქმნად და არა იჭუნეულობად, ვითარმედ ოდეს-მე ესრეთ, ხოლო სხუჱბრცა
Line: 20    ქმნად, ამის-თჳს რომელ საუკუნით-გან ესრე განჩენილ არიან
Line: 21    იგინი, -- საჭირო არს და მიმართებაჲცა ცხოველისაჲ ყოვლით-ურთ
Line: 22    ყოველივე უნაკლულოდ მათვე გარემოცვულთა მიზეზთა-ებრ ყოფად.
Line: 23    ხოლო, თუ რად-მე პირველი მიმართებაჲ საჭიროდ შეუდგების, მაშა
Line: 24    სადაღა იყოს ჩუენ-მიერი? რამეთუ თავისუფლად ვინაჲვე ჯერ არს,
Line: 25    რომელი არსცა; გინათუ გარეშემცველთაჲ მათ ჩუენდა იყოს ოდეს-მე
Line: 26    უკუჱ მიძართებაჲ, ხოლო ოდეს-მე არმიმართებაჲ; ხოლო თუ რად-მე

Page: 143  
Line: 1    საჭიროდ და იძულებით შეუდგების და მიმართებაჲცა, -- საუწყო
Line: 2    რომელ სჳსა-ებრ და მიმართებისაცა იქმნას; არამედ და თუ ჩუენ-მიერცა
Line: 3    ვინაჲვე იქმნებოდის ჩუენისა ბუნებისა-ებრ და მიმართებისა
Line: 4    და განბჭობისა. დაღათუ ჰაზრობენ მას არაქმნად, ტყუილ ვიდრე-მე
Line: 5    იყოს პირველდაწესებული, რომელ იტყოდა, ვითარმედ გარემოდგომილთად
Line: 6    ვინაჲვე საჭირო არს ყოვლისავე მიდევნებაჲ; ესრეთვე უკუჱ
Line: 7    უსულოთაცა-ზედა იპოოს რაჲვე მყოფად. რამეთუ, ვინაჲთგან მიმართებასა
Line: 8    ჩუენ-ზედა დააწესებენ, ამისთჳს რომელ ბუნებაჲ ესე მაქუს
Line: 9    ჩუენ, -- რაჲ იყოს დამაყენებელ და ცეცხლსაცა-ზედა თქუმად
Line: 10    მწუველობაჲ, ვინაჲთგან ბუნებით დასწუავს ცეცხლი? სადაცა ჩუჱულ
Line: 11    იყოს წარმოჩინებად ესე ვიდრე-მე ფილოპატორის-მიერ წიგნსა მას-შინა
Line: 12    "სჳსასა". არა ვიდრე-მე ჩუენ-თჳს სჳსა-გან ქმნადი ჩუენ-მიერ
Line: 13    არს; და რამეთუ ესევე მიზეზი ებანთაცა-ზედა და წინწილათა და
Line: 14    სხუათა რათავე ორღანოთა და ყოველთა უტყუთა და უსულოთა იყოს
Line: 15    მიზეზ, რასაცა რას-მე აქნევდენ მათ მათ-მიერ მოქმედნი, -- რომელი
Line: 16    ესე არს უჯერო.


Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.