TITUS
Nemesios of Emessa, De natura hominum
Part No. 36
Previous part

Chapter: 35(36)  
Line: 17 
თავი XXXVI
Line: 18 
ვარსკულავთა-მიერისა სჳსა-თჳს


Paragraph: 1  
Line: 19    ბრძენნი მეგვიპტელნი, რომელნი იტყოდეს მეჭეშმარიტეობად
Line: 20    ვარსკულავთა-მიერსა სუესა, ხოლო უკუნქცევად ვიდრე-მე მისდა ლოცვათა-მიერ
Line: 21    და უკუნსაქცეველთა, იტყჳან ესრეთ, ვითარმედ არს რაჲ-მეო
Line: 22    თჳთ მათ ვარსკულავთა სამსახურო, მაწყნარებელ მათდა, და
Line: 23    სხუ[ა]თაცა ვინათა-მე ზეშთამდებარეთა ძალთა, შემძლებელთა გარე-უკუნქცევად
Line: 24    მისდა, და ამათ მიზეზთა-თჳს ლოცვათა და მსახურებათა

Page: 144  
Line: 1    ღმერთთასა და უკუნსაქცე[ვე]ლთა მეწადე ვართო. არამედ ესენი მომჴდომად
Line: 2    იტყჳან და არა საჭიროდ სუესა, ხოლო მომჴდომთა ბუნებაჲ
Line: 3    -- შეუსაზღვრებელ, ხოლო შეუსაზღვრებელი -- უცნაურ. რომლისა-თდსცა
Line: 4    ამის-მიერ აღიჴოცების უკუჱ ყოველივე მოგობაჲ და უფროჲს
Line: 5    ხოლო შობათმეტყუჱლებად წოდებული, რომელსა იგინი პირველ
Line: 6    სხუათასა ჰმსახურებენ, ვითარ ძლიერსა რას-მე და ჭეშმარიტსა საქმესა.
Line: 7    ხოლო თუ რად-მე თქუან, ვითარმედ აღსასრული ნაკუეთთაჲ*
Line: 8    საცხადო და მეჴელოვნეთა-განცა იცნობების, ხოლო რაჟამს ნაკუჱთი
Line: 9    არა ძალისა-ებრ აღმოჴდესო, ღმერთმან დააცილა იგიო, -- ვთქუათ,
Line: 10    ვითარმედ და ესეცა უჯერო: რომელ, პირველ, მხოლოდ ლოცვაჲ
Line: 11    ოდენ დადვეს ჩუენ-ზედა და მსახურებაჲ ღმერთთაჲ და სხუაჲ არა-რაჲ;
Line: 12    მერმეცა, ვიიჭუნეულოთ მათდა-მიმართ, თუ ვითარ სხუანი ყოველნივე
Line: 13    კაცთა საქმენი და წინააღრჩევანი რომელსა-მე თანდართვასა
Line: 14    ვარსკულავთასა მიმდგომ, ხოლო მარტოდ ლოცვისაჲ ოდენ არს
Line: 15    ჩუენ-მიერ? რამეთუ უღონო ვიდრე-მე, თუ რომელთა მიზეზთა-გან
Line: 16    არს ესე ესრეთ და რაჲ იყოს იგი საჭიროჲ. მერმეცა, თუ რაჲ-მე
Line: 17    არს ჴელოვნებაჲ და სახე უკუნსაქცეველთაჲ, რომელი დააცილებს
Line: 18    სჳსა-მიერსა, -- რაჲ უკუჱ ყოველთა კაცთად ჴელოვნებაჲ იგი იყოს
Line: 19    ვინაჲ-მე მისაწთომელ, გინათუ ვიეთდა-მე, ხოლო ვიეთდა-მე არა?
Line: 20    არამედ თუ რად-მე ყოველთად, არა დააცილებს სიტყჳთ ოდენ ყოვლად
Line: 21    ყოვლით-ურთ უკუნქცევად სჳსა ყოველთა რაჲ ისწაონ ჴელოვნებაჲ
Line: 22    იგი, რომლითა დაიცილებოდის აღსასრული საქმეთა მათთაჲ;
Line: 23    ხოლო თუ რად-მე რომელთა-მე არს მისაწთომელ და რომელთა-მე
Line: 24    არა, რაჲ ვითართა უკუჱ და ვინ იყოს ამისი განმანინებელი? ხოლო
Line: 25    თუ რად-მე და იგივე სუე არს, რომელ რომელთა-მე ღმრთის-მსახურებად
Line: 26    შეიქმს, ხოლო რომელთა-მე არა, -- იპოოს ვინაჲვე ყოველივე
Line: 27    სჳსა-ებრ; რამეთუ ლოცვისა და მსახურებისა-მიერ არათუ ოდენ
Line: 28    არაუდარესად ჩუენ-მიერ აწ გამოჩნდა სჳსა-გან, არამედ და უმეტესადცა.
Line: 29    რამეთუ რასა მარტოდ ჩუენ-მიერად ოდენ დააწესებდეს, აწ
Line: 30    გამოჩნდა უმეტეს სჳსა. ხოლო თუ რად-მე არა სუჱ, არამედ სხუაჲ

Page: 145  
Line: 1    ვინაჲ-მე არს მიზეზ ამათდა, იგივე ვიდრე-მე გამოჩნდეს უფროჲს
Line: 2    ხოლო სუედ. არამედ ლოცვათა-შორისისა შეძლებისა-მიერ და წარმართებისა
Line: 3    ყოველივე სიმტკიცე სჳსა გარეშეიცვის: და შემძლებელთა-თჳს
Line: 4    არავინაჲ იყოს სამე სუებრივი, არამედ არ შემძლეთა-თჳს -- ყოველივე
Line: 5    სჳსა-ებრ. და იპოოს ვინაჲვე რომელთად-მე კაცთად რსო? ხოლ
Line: 6    სუებრივად, ხოლო რომელთა-მე -- არ სჳსა-ებრ. რომლისა-თჳსცა საუწყო
Line: 7     არს, რომელ, რომელი ამას გამოაჩინებდეს იგი ვიდრე-მე არს თჳთ
Line: 8    საკუთრებითი სუე, და კუალად ესრეთ ყოველივე სჳსა-ებრ იპოოს. მერმეცა
Line: 9    და უსამართლო ვიდრე-მე იყოს, რომელი განუყოფდეს, თუ რაჲცავე
Line: 10    იგი იყოს: ანუთუ ეშმაკი რომელი-მე, გინათუ სხუაჲ ვინაჲ რაჲ
Line: 11    სუე იგი. რამეთუ არა ღირსებისა-ებრ განუყოფს კაცთა გუარსა და
Line: 12    სახესა ღმერთთა-მსახურებისასა; რამეთუ რომელი რომლისა იყოს
Line: 13    უფროჲს ღირს, ოდეს ყოველნივე ორღანო ვინაჲ-მე იყვნენ სჳსა და
Line: 14    არარას ვინ თჳსისა ნებისა-ებრ იქმოდეს, ყოვლით-ურთ უფროჲს
Line: 15    ხოლო არა წინააღმრჩეველი? ამათ უკუჱ ესრეთ ქმნილთა-შორის
Line: 16    არცა რომელი მართალ ვინაჲვე და არცა რომელი უსამართლო, რომლისა-თჳსცა
Line: 17    არცა ღირსი და არღირსი სამადლო; არამედ რომელი
Line: 18    სწორთა უსწოროდ გაუყოფდეს -- უსამართლო.


Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.