TITUS
Nemesios of Emessa, De natura hominum
Part No. 37
Previous part

Chapter: 36(37)  
Line: 19 
თავი XXXVII
Line: 20 
სხუასახედ სჳსა-თჳს


Paragraph: 1  
Line: 21    ვიეთნი-მე იტყოდეს, ვითარმედ აღრჩევაჲ ქმნადთაჲ ჩუენ-ზედა
Line: 22    არსო, ხოლო აღრჩეულთა აღმოჴდომაჲ სუესა-ზედა; არამედ
Page: 146  
Line: 23    არიან ვინაჲვე ელლენთა ბრძენნი, რომელ რომელსა-მე კეთილად იტყოდეს,
Line: 24    ხოლო რომელსა-მე აცთუნებდეს. არამედ ჩუენ-ზედა დადებად
Line: 25    აღრჩევაჲ ქმნადთაჲ, თჳნიერ აღსასრულისა მათისა, ვინაჲვე მართლიად
Line: 26    თქუეს, ხოლო სჳსა მიჩემებაჲ ამისი -- არა ვიდრე-მე მართლიად.
Line: 27    არამედ იმხილნენ უკუჱ, ამისთჳს რომელ, პირველ, უსრულ ჰყოფენ
Line: 28    სუესა და რომლისად-მე ქონებად და რომლისად-მე -- არა; მერმე,
Line: 29    შედგომად და მიდევნებად იტყჳან მას ჩუენისა წადილისად, რამეთუ
Line: 30    ამისდა მიდევნებად იტყჳან საქმეთა სჳსათა, და ესრეთ იპოოს უფროჲს
Line: 31    ხოლო მიდრეკილად ჩუენ-მიერ, ვიდრეღარა და მიმდრეკელად
Line: 32    ჩუენდა, -- რომლისა-თჳსცა უმეტეს ვიდრე-მე იპოოს კაცი სჳსასა.
Line: 33    ხოლო რომელი დააწესებდა ამას თჳსისა წვალებისა-მიერ, უღირდა
Line: 34    მას, რათამცა განგებაჲ ეთქუა მიზეზად საქმეთა აღსასრულისა; რამეთუ
Line: 35    უფროჲს ხოლო ესე განგებისა არს საქმე, ვიდრეღარა და სჳსა.
Line: 36    არამედ განკუთნვით თჳს განგებისა არს, რათა თჳთეულსა ჩუენ-განსა
Line: 37    უმჯობესისა-ებრ თჳთეულისა განუჩინებდეს ; და ამისთჳს ვინაჲვე
Line: 38    აღრჩეულთა დასასრულისა აღმოსლვაჲ უმჯობესისა-მიმართ და რამეთუ
Line: 39    ოდეს-მე მოჰჴდების და ოდეს-მე არა. ხოლო [უკუჱთუ]სუჱ, [რომელი]
Line: 40    შეწყობილებით მორთულებაჲ ვინაჲ-მე არს მიზეზთა თანაწარუვალი (რამეთუ
Line: 41    ესრეცა განუსაზღვრებენ მას სტოელნი), ესე იგი არს -- წესი და თანაკრვაჲ
Line: 42    უცილებელი, არათუ უმჯობესისა-ებრ, არამედ თჳსისა მიდრეკისა-ებრ
Line: 43    და იძულებისა მიუვლენს აღსასრულსა, -- რაჲ ვინაჲ-მე თქუან ყოვლით-ურთ
Line: 44    უძრავთა-ზედა და სულელთა და ამათ-გან წინააღურჩეველთა?
Line: 45    რაჲ ვინაჲ ნუუ-მე და მებრ სჳსა-გან არსა ესე მათდა, გინათუ -- არა?
Line: 46    არამედ, თუ რად-მე არ სჳსა-ებრ, გარე ვინაჲ-მე განვარდენ სჳსა-გან;
Line: 47    არამედ და თუ სჳსა-ებრ, სა ჭიროდ ვინაჲ-მე შეუდგებოდედ და არცაღა
Line: 48    წინააღრჩევისა-მიერობაჲ; რამეთუ თუ რად-მე წინააღურჩეველიცა
Line: 49    -- სუესა-ქუჱშე, საჭიროდ და წინააღრჩეულიცა; და ესრეთ კუალად
Line: 50    პირველთავე-მიმართ მივიწინეთ, რომელნი იგი იტყჳან, ვითარმედ
Line: 51    ყოველივე სჳსა-ებრ არსო. ხოლო თუ ესე ესრეთ, რაჲსა-თჳს უკუჱ

Page: 147  
Line: 1    ბრძოლაჲ გულის-სიტყჳსა და გულის-თქუმისაჲ მპყრობელთა ვინაჲ-მე
Line: 2    ზედა მათთა და არამპყრობელთა? ვინაჲთგან იძულებით და საჭიროდ
Line: 3    განჩენილა მათდა რომლისა-მე ქმნად, ხოლო რომლისა-მე არა, --
Line: 4    რაჲ ვინაჲ იყოს საჴმარ მათ-შორისი იგი წინაგანწყობაჲ და ბრძოლაჲ?
Line: 5    არამედ და ამასცა-თანა იცოდავე არა მხოლოდ ქმნად ოდენ,
Line: 6    არამედ და ესრე ვითარ ქმნადცა, -- რასა უკუჱ სხუასა იტყჳს, რომელი
Line: 7    ამას იტყოდის, გინათუ ამას, ვითარმედ წინააღრჩევაჲ საქმითთაჲ
Line: 8    არსო? ხოლო, თუ რად-მე წინააღრჩევაჲ ვიდრე-მე არს მბრძოლ
Line: 9    გულის-თქუმისა და მძლე ვიდრე პყრო ბით მოღვაწეთა-მიერ, ხოლო
Line: 10    ძლეულ უმოღუაწეოთა-ზედა და უპყრობთა, -- აღიჴოცების დასაბამით-განვე
Line: 11    წინადადებულისა მათისა სიტყჳსა წინდადებაჲ, ოდეს არღა
Line: 12    იყოს წინააღრჩევაჲ ჩუენ-მიერ.


Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.