TITUS
Nemesios of Emessa, De natura hominum
Part No. 38
Previous part

Chapter: 37(38)  
Line: 13 
თავი XXXVIII
Line: 14 
თუ ვითარ პლატონ იტყჳს სჳსა-თჳს


Paragraph: 1  
Line: 15    ხოლო პლატონ ორობით იტყჳს ვინაჲვე სუესა: რომლისა-მე
Line: 16    -- არსებითად, ხოლო რომლისა-მე -- მებრ მოქმედებითად. არსებითად
Line: 17    უკუჱ -- ვითარ რაჲ სულსა ყოველთასა, ხოლო მოქმედებითად --
Line: 18    ღმრთეებრივსა სჯულად ვიდრე-მე თანაწარუჴდელად და მიზეზად მის-გან
Line: 19    განუვლთოლველად. უწოდს უკუჱ საკრველად ულთოლველობისა
Line: 20    და ამას ვინაჲ-მე -- მხოლოდ მოცემად პირველისა და უზენაესისა
Line: 21    ღმრთისა-გან; არამედ სულსა ყოველთასა -- მკობად ყოველთავე, რომლითა
Line: 22    იგი ყოველთავე ქმნადთა გამოავლენს. ამისდად უკუჱ მებრ
Line: 23    მოქმედებითად სუესა და მებრ განგებითად იტყჳს, არამედ განგებისა-გან
Line: 24    გარეშეცვად სუესა, რამეთუ ყოველივე უკუჱ სუებრივი -- და
Line: 25     განგებისა-ებრ ქმნად, არა უკუჱ და ყოველივე განგებისა-მიერ ქმნილი
Line: 26    -- და ყოფად სუჱბრივცა. ესრეთ უკუჱ საღმრთოჲ სჯული, რომელსა

Page: 148  
Line: 1    ერთბამად სუედცა იტყჳს და განგებადცა, ყოველსავე თჳს-შორის
Line: 2    შესცავს: რომელსა-მე -- ვითარცა წინადადებასა, ხოლო რომელსა-მე
Line: 3    -- წინადადებისა-განსა. რამეთუ პირველობითთა მიზეზთა, ვითარ
Line: 4    რომელთა-მე დასაბამთა, წინადადებითთა-მიერ გარეშეიცავს, რომელ
Line: 5    იგი არს ჩუენ-მიერი თანდაყოლაჲ და მიმოსჯაჲ და მიმართებანი;
Line: 6    ხოლო იძულებით და საჭიროდ ამათდა მიმდგომთა -- წინადადებისაგანთა-მიერ.
Line: 7    და არს უკუჱ ჩუენ-მიერ აღწვალებაჲ ქმნადთაჲ მებრ წინადადებითი,
Line: 8    ხოლო წინამდებარედ ჩუენთა-თჳს თჳთ მათ ჩუენთა-გან,
Line: 9    ვითარცა რაჲ ჩუენდა წინამდებარეობითთა-მიერ ვნებად სჳსა-მიერთა;
Line: 10    ვითარ იგი: ჩუენ-ზედა არს ნავით მავალობაჲ, -- ესე უკუჱ მებრ
Line: 11    სიტყჳს წინდადებით არს წინამდებარედ; რომლისა-თჳსცა ჩუენსა
Line: 12    ამას ნავით მავალობასა და ესრეთ სიტყჳთ განჩენილსა და ჩუენ-მიერ
Line: 13    წინდადებულსა შეუდგეს თუ ვინაჲვე დაქცევაჲ ნავისაჲ, არათუ წინამდებარეობად.
Line: 14    არამედ წინმდებარეობის-განად უწოდს მისდა შედგომილსა
Line: 15    მას და მიმდგომსა ჩუენთა მათ წინდადებულთა და განჩენილთასა,
Line: 16    ესე იგი არს -- ვითარ რაჲ დასაბამთად და საქმითთად ყოფაჲ;
Line: 17    ვითარ რაჲ რომელთა-მე წინამძღ[უა]რ ყოფაჲ ჩუენ-მიერისაცა წინადადებისა-ებრ
Line: 18    სიტყჳსა, ხოლო რომელი-მე მისდა შედგომილ და
Line: 19    მიმდევნებელ სიტყჳთ წინადადებისა-ებრ და არ ჩუენ-მიერ -- საჭიროდ.
Line: 20    ნუუ-მე და სამარადისოჲთ განსაზღვრებულ არს სუჱბრივი, არამედ
Line: 21    ზედშემთხუჱვად პირველ უკუჱ ჩუენ-მიერ დაწყებულთად. ესე ვინაჲ-ვე
Line: 22    ერთჴმა ექმნების -- მიზეზად მოღებასა ღმრთისა უმიზეზოსასა და
Line: 23    უმეუფოდ ვინაჲ-მე სათნოებისა ყოფასა და ყოფადცა უკუჱ მნატებრ ივთა
Line: 24    საუწყოთა.
Paragraph: 2  
Line: 25       არამედ ყოველი ესე სიტყუაჲ მისი* ამას ვინაჲვე მოასწავებს,
Line: 26    ვითარმედ წვალებანი და რომელნი-მე მებრ წინააღრჩევითთა საქმეთა-განნი
Line: 27    ჩუენ-მიერ არიან, ხოლო შემდგომი ამათი და აღსასრული --
Line: 28    საჭიროდ სჳსა-მიერ. ესე უკუჱ შორის წინათა იჩუჱნა არ კეთილ-ქონებად.
Line: 29    ვითარ იგი უწოდს ღმრთისა-გან განჩენად და განზრახვად
Line: 30    სუესა, ხოლო ვითარ იგი წარვლოს რაჲ მეტყუჱლმან ესრეთ სუესაცა

Page: 149  
Line: 1    განგებისადვე მიმყვანებელი, მცირედ რაჲ-მე სცვალებს სიტყუათა-მიმართ
Line: 2    საღმრთოთა, რომელი იტყჳს მხოლოდ ოდენ განგებისა-მიერ
Line: 3    ყვანებასა ყოველთასა. და კუალად დიდად განეყოფვის მთქუმელი,
Line: 4    ვითარ იძულებითი ჩუენ-მიერთა შეუდგების აღსასრული. ხოლო
Line: 5    ჩუენ არ იძულებით ზედშემოსრულად ვიტყჳთ განგების-მიერთა,
Line: 6    არამედ მომჴდომად; რამეთუ, თუ რად-მე მებრ იძულებით, პირველ
Line: 7    უმრავლესი ვინაჲ-მე ლოცვ ისაჲ დაიცადოს, რამეთუ, მათისა მის
Line: 8    ჰაზრისა-ებრ, მხოლოდ დასაბამთა საქმეთა-გან იყოს ლოცვისაჲ,
Line: 9    რათა უმჯობესსა აღირჩევდენ, ხოლო შემდგომად აღრჩევისა -- ამაო
Line: 10    ვიდრე-მე ლოცვისა, ვინაჲთგან შემდგომნი ყოველნი იძულებით
Line: 11    ზედშემოჰჴდებიან. ხოლო აღსასრულისათაცა-ზედა შეძლებად ლოცვათა
Line: 12    განუსაზღვრებთ, რამეთუ ვინაჲთგან განგებაჲ არს დაქცევად
Line: 13    მცურვალთა და არ დაქცევად; არა ვინაჲ საჭირო არს ერთისა მათ-განისად,
Line: 14    არამედ მოჴდომისა-ებრ. რამეთუ არა იძულებასა-ქუჱშე
Line: 15    ღმერთი, არცა განზრახვისა მონებად მისდა საჭირო არს რაჲ-მე
Line: 16    თქუმად, რამეთუ ვინაჲთგან იძულებისა არს შემოქმედ; და იძულებაჲ
Line: 17    ვინაჲვე დადვა ვარსკულავთა-შორის სამარადისოდ მებრ იგიობით
Line: 18    მიდრეკად და ზღუაჲცა გარემესაზღვრა და საყოველთაოთა და ტომებითთა
Line: 19    იძულებითნი და საჭირონი საზღვარნი დაუსხნა, რომელთაჲ
Line: 20    ეგულებ წოდებაჲ სუედ, ამისთჳს რომელ ყოვლად ყოვლით-ურთ
Line: 21    ესრეთ იძულებით იქმნებიან, ვითარ რაჲ ყოველივე მებრ მონაცვალეობით
Line: 22    ქმნის-შორისთაჲ ხრწნად და წარდენად; ამისთჳს უკუჱ არა-რაჲ
Line: 23    იყოს მიზეზ და სიტყჳს-გება, არამედ სახელთა-თჳს არარ[ა]ს
Line: 24    [ვ]იჭუნეულებთ მათდა-მიმართ. ხოლო ესე* ყოვლისა იძულებისა-გან
Line: 25    არაჲს-თჳნ ოდენ არა შორის დარჩომილ არს, არამედ უფალ და შემოქმედცა
Line: 26    არს; რამეთუ ჴელმწიფებაჲ ვინაჲ-მე არს და ბუნებაჲ
Line: 27    ჴელმწიფებითი; არამედ არც[ა] არს იძულებაჲ ბუნებისაჲ მის-შორის
Line: 28    და არ საკრვევლთა-ებრ სჯულისათა რას იქმს, რამეთუ ყოველივე
Line: 29    მისდა არს ნებისა-ებრ მოსაჴდომელ და საჭიროცა. და რათა ესე
Line: 30    იჩუენოს, დააყენა ოდეს-მე სრბაჲ მზისაჲ და მთოვარისაჲ, საჭიროდ
Line: 31    და იძულებით ყვანებაჲ და სამარადისოდ იგივე ობის მქონებელობაჲ,

Page: 150  
Line: 1    რათა აჩუჱნოს არა-რაჲ მის-გნით იძულებით ნაქმადად, არამედ ყოველივე
Line: 2    ჴელმწიფებრივ მომჴდომად. ერთგზის უკუჱ ესე ვითარი
Line: 3    ქმნა დღე, ვითარი იგი ინიშნა და წერილმანცა, რათა მხოლოდ
Line: 4    აჩუჱნოს და ვინაჲ-მე ჰჴსნნეს საკრველნი, რომელნი იგი დასაბამსავე
Line: 5    დაესხნეს საჭიროდ ვარსკულავთა ძღუანვისა-თჳს. ესრეთვე და ვინათა-მე
Line: 6    კაცთასა დაიცავს ცხოველობასა-შინა, ვითარ -- ილიას და ენოხს,
Line: 7    რომელნი იგი იყვნეს მ[ო]კუდავ და თანამდებ ხრწნისა, -- რათა ამათ
Line: 8    ყოველთა-მიერ ჴელმწიფებაჲ მისი და უიძულებლობაჲ განზრახვისა
Line: 9    თჳსისაჲ მებრ ვიგონებოოთ.
Paragraph: 3  
Line: 10       ხოლო სტოელნი* იტყჳან მათვე ადგილთა მიდგომად ცთომადთა
Line: 11    ვარსკულავთა და მისვე წენტილისად სიგრძეთა-ებრცა და სივრცეთა,
Line: 12    სადა თჳთეული იყო დასაწყისსავე, ოდეს იგი სოფელი შემტკიცდა,
Line: 13     განჩენით თქმულთა ჟამთა მოქცევსა-შორის განცეცხლებად და
Line: 14    განხრწნად მყოფთა ქმნად და მყოფობად სოფლისა ამის მასვე
Line: 15    პირველსა-ზედა წესსა, -- და ვარსკულავთა კუალად მსგავსადვე ყვანებად
Line: 16    თჳთეულსა თჳსისა მის ყვანებისა-ებრ** მოქცევისა ყოვლით-ურთ
Line: 17    უცვალებელად ქმნად, კუალად გებულნი. რამეთუ კუალად ყოფად სოკრატის
Line: 18    და პლატონისდა და თჳთეულისა კაცთაჲსა -- თანად მოყუარეთა
Line: 19    მათთა და მოქალაქეთასა და მათდავე მოქმედებად და მათდავე მიმთხუჱვად
Line: 20    და მათდავე ჴელყოფად, და კუალად ყოვლისავე დაბისა და
Line: 21    აგარაკისა მსგავსადვე კუალადგებად. ყოფად უკუჱ კუალადგებისად
Line: 22    ყოვლისა არა ხოლო ერთგზის, არამედ მრავალგზის, -- უფროჲს ხოლო:
Line: 23    დაუსრულებელად და უსაზღვროდ იგივე კუალადგებად შორის
Line: 24    შემდგომთა მოქცევთაჲსა. არამედ ღმერთთა, რომელნი არ თანამდებ
Line: 25    არიან ხრწნისა ამის, თანმიყოლად ერთსა ვინაჲვე მოქცევსა, უწყებად
Line: 26    და ცნობად სხუათა ყოველთავე მომავალ-ყოფადთა შემდგომთა-შორის
Line: 27    მოქცევთაჲსა; რამეთუ არა ვინაჲვე ყოფად რაჲსავე უცხოჲსა
Line: 28    თჳნიერ პირველისა მის, არამედ ყოველივე ეგევითარივე უცვალებელად
Line: 29    და უკანაჲსკნელთამდისცა. და ამის უკუჱ კუალად გებისა-თჳს

Page: 151  
Line: 1    იტყჳან ვიეთნი-მე ქრისტეანეთა აღდგომასა, რომელ იტყჳან, იოცნებენ;
Line: 2    მრავალნი შესცთეს ერთგზის აღდგომისა-თჳს და არა მოქცევთა-ებრ
Line: 3    ყოფად, მეთნენი ქრისტჱს სიტყუათანი, ამის ესევითა-რად
Line: 4    ვინა-ჲვე წაჰრევენ.


Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.