TITUS
Nemesios of Emessa, De natura hominum
Part No. 41
Previous part

Chapter: 40(41)  
Line: 4 
თავი XLI
Line: 5 
თუ რომელთა მიზეზთა-თჳს თჳთჴელმწიფე ვიქმნენით


Paragraph: 1  
Line: 6    ხოლო დარჩომილ არს თქუმად, თუ რომელთა მიზეზთა-თჳს
Line: 7    თჳთჴელმწიფე ვიქმნენით. ვინა[ჲ]ვე აწ ვთქუათ, თუ ვითარ მსწრაფლ
Line: 8    სიტყჳერებითსა თანმი[ე]დევნების თჳთჴელმწიფებითი და შობადთაცა
Line: 9    თანმიბუნებულ არს ქცევა[ჲ] და შეცვალებაჲ, უფრო[ჲ]ს ხოლო წინამდებარისა
Line: 10    ნივთისა-გან ქმნილთასა. რამეთუ დასაბამი ქმნისაჲ --
Line: 11    ქცევა, არამედ წინამდებარისა ნივთისა შეცვალებისა-გან -- ქმნადობაჲ.
Line: 12    გაიგონნეს ვინ-მე თქუმულნი, მიმხედველმან ყოველთა ნერგთა და
Line: 13    ცხოველთამან წყლის-შორისთა და მფრინველთა და ჴმელითთამან, რამეთუ
Line: 14    დაუწყუჱდელ ვიდრე-მე ამათი შეცვალებაჲ. არამედ ეს[ე] რომელ
Line: 15    სიტყჳერებითსა თანმიედევნების თჳთჴელმწიფებით[ი], თქუმულთა-შორის
Line: 16    ჩუენ-მიერისა-თჳს ყოფად რაჲსა-მე იპოოს, რომელნი
Line: 17    არაგარეწარად ისმენდენ, საუწყო მათდა. რომლისა-თჳსცა ნუთუ და
Line: 18    აწცა არ უჯერე მოჴსენებად მისვე, შთამომავლისა პირისა ამის და მეძიებელისა,
Line: 19    ვითარმედ:
Line: 20    სიტყჳერებისა[ჲ] რომელი-მე არს მხედვარეობით[ი], ხოლო
Line: 21    რომელი-მე მოქმედებითი. მხედვარეობითი უკუჱ მებრ გონებით, ვითარ

Page: 159  
Line: 1    იგი აქუს მყოფთა; ხოლო მოქმედებითი -- განზრახჳთი და ვითარ
Line: 2    იგი განუსაზღვრებდეს ნაქმადთა მართალსა სიტყუასა. და უწოდენ
Line: 3    მხედველობითსა გონებად, ხოლო მოქმედებითსა -- სიტყუად; და
Line: 4    რომელსა-მე -- სიბრძნედ, ხოლო რომელსა-მე -- ცნობად. რამეთუ ყოველივე
Line: 5    მგულებელი, ვითარ მისსა ჴელმწიფებასა-ზედა ყოფად წინააღჩეულთა
Line: 6    და აღწვალებულთა საქმეთად მგულებელა, რათა წინააღრჩეული
Line: 7    გულებისა-გან გამოირჩიოს და გამომრჩეველმან ქმნეს. არამედ
Line: 8    ყოვლით-ურთ საჭირო არს მათდა, რომელთა აქუს ზრახვითი გულებაჲ.
Line: 9    რათა უფალცა იყვნენ საქმეთა. ხოლო, თუ რად-მე არა უფალ
Line: 10    ვიდრე-მე იყოს საქმეთა, ნამეტნავ ვინაჲვე ჰქონდის ზრახჳთი გულებაჲ.
Line: 11    ხოლო თუ რად-მე ესე, საჭიროდ ვინა[ჲ]-მე თანმიდევნებულ
Line: 12    არს სიტყჳერებისად თჳთჴელმწიფებაჲ, -- რომლისა-თჳსცა ანუ
Line: 13    არა იყოს სიტყჳერ, [და] თუ ნამდჳლ სიტყჳერ ვინაჲ-მე არს,
Line: 14    უფალცა ვიდრე-მე იყოს საქმეთა, და თუ უფალ ვიდრე-მე საქმეთა,
Line: 15    განაღა თჳთჴელმწიფეცა არს. რომლისა-თჳსცა იჩუჱნა ვინაჲვე: ქუჱმდებარისა
Line: 16    ნივთისა-გან ქმნილნი -- ქცევადნი არიან. ორგნითვე ყოვლით
Line: 17    ვინა[ჲ]ვე შეკრბების კაცისა თჳთჴელმწიფებაჲ და ქცევადობაჲ: ქცევადობაჲ
Line: 18    უკუჱ ამის-თჳს, ვინაჲთგან ქმნადი არს, ხოლო თჳთჴელმწიფებაჲ
Line: 19    ამის-თჳს, რომელ სიტყჳერ არს.
Paragraph: 2  
Line: 20       არამედ რაოდენნი უმიზეზებენ ღმერთსა ამის-თჳს, რომელ კაცი
Line: 21    არ შექმნა ბოროტთა არმიმთუალველად, არამედ თჳთჴელმწიფედ,
Line: 22    დაივიწყებენ თჳთ თავთა, მმიზეზობელნი ღმრთისად ამის-თჳს, რომელ
Line: 23    სიტყჳერად ქმნა კაცი და არა უტყუად. რამეთუ საიძულო იყო
Line: 24    ორთა-გან ერთი: ანუ ქმნა[ჲ] უტყუად, გინათუ სიტყჳერებაჲ და
Line: 25    ქმნადთა-შორის მქცევარეობაჲ და თჳთჴელმწიფე ყოფად. იძულებით
Line: 26    უკუჱ ყოველი სიტყჳერი ბუნებაჲ თჳთჴელმწიფე არს და ქცევადი
Line: 27    თჳსისა-ებრ ბუნებისა. არამედ უკუჱ ქუჱმდებარისა ნივთისა-გან ქმნადთა
Line: 28    მებრ ორსახედ აქუს ქცევადობაჲ, ვითარ იგი: ნივთისა-ებრ და თჳთ
Line: 29    მის ქმნადობისა-ებრ, რომლითა ნივთი იქმნების; ხოლო რაოდენნიცა

Page: 160  
Line: 1    არ ქუჱმდებარისა ნივთისა-გან იქმნეს, მხოლოდ ერთსახედ ოდენ,
Line: 2    ქმნადობისად, არიან ქცევადნი. არამედ კუალად რომელნი-მე ამათ
Line: 3    უნივთოთანი რაოდენნი უკუჱ ქუჱყნიერთა არიან მეზიარე რაჲთ-მე
Line: 4    კაცთა-მიმართ და თანდამყოლ ქმნადთა და ქცევადთა ნივთიერთა, უმეტეს
Line: 5    არიან სხუათა[ჲ]სა ქცევადნი; ხოლო, რაოდენნიცა კიდოვნებითა
Line: 6    ბუნებისა[ჲ]თა ღმრთისად მებრ დანახეთქითა მახლობელ არიან და გაგონებითა
Line: 7    ნეტარებასა მიინაყოფებენ, თჳთ თჳსდად და მხოლოდ
Line: 8    ღმრთისა-მიმართ არიან მიქცეულ, მოქმედებითთა-გან უკუჱ და ნივთისა
Line: 9    ყოვლით-ურთ თავნი თჳსნი ყვნეს უცხო, არამედ მხედვარეობასა და
Line: 10    ღმერთსა თჳთითნი განეკუთნნეს, -- ჰგიან უქცეველად. თჳთჴელმწიფებითნი
Line: 11    ვინაჲვე და ყოფად მტკიცენი და სიტყჳერცა არიან, არამედ
Line: 12    არღა ვიდრე-მე და თანქცევადნი, პირველ თქმულთა მიზეზთა-თჳს.
Line: 13    და საკჳრველი უკუჱ არარაჲ; რამეთუ კაცთა-განცანი, რაოდენნი მხედველ
Line: 14    იქმნნეს და ნაქმადთა თავნი თჳსნი განაყენნეს, ეგნეს უქცეველად.
Line: 15    არამედ თქუმულთავე ამათთა-[გა]ნ აღმოჩენილ არს, რომელ დასაბამსა
Line: 16    ყოველნივე სიტყჳერნი ბუნებანი რჩეულად შემზადებულ არიან, --
Line: 17    და თუმცა ეგ[რე]თ[ც]ა გებულ იყვნეს, ვითარ იგი პირველადვე აღეგნეს,
Line: 18    ყოვლისავემცა უბადო [ჲ]სა-გან ზეშთა იყვნეს. მიექმნების უკუჱ მათდა
Line: 19    ბოროტი წინააღრჩევისა-ებრ. ესრეთ უკუჱ. რამეთუ რომელნი დაადგრეს
Line: 20    დასაბამით-განსავე მათსა ქმნილებასა-ზედა, ნეტარებაჲ აქუს.
Line: 21    მარტოდ უკუჱ ანგელოსნი იქცეს უსხეულოთა-გან, და არცა თუ ესე
Line: 22    ყოველნივე, არამედ რომელნი-მე მათ-განნი, რაოდენნიცა დაითხინეს
Line: 23    ქუედ-მომართ და ქუჱყნიერთა შეექმნა წადილი და ზენათა-მიმართ და
Line: 24    ღმერთ-თანა მინახეთქისა-გან განშორებულ იქმნეს.
Line: 25    რომლისა-თჳსცა თქუმულთა-გან საუწყო არს, რომელ ბუნებით
Line: 26    ვინაჲვე ქცევადთა ყოფად ჩუენდა და ძალნიცა წინააღრჩევითნი ქცევადნი
Line: 27    ვინა[ჲ]ვე მქონან ჩუენ. არამედ არათუ ამის-თჳს, რომელ ქცევადნი

Page: 161  
Line: 1    ძალნი მქონან ჩუენ, უბადო ყოფა[ჲ] ჩუენი ღმერთსა ვინ-მე
Line: 2    უმიზეზოს; რამეთუ არათუ ძალთა-შორის არიან უბადობანი, არამედ
Line: 3    ჩუჱულებათა-შორის, -- არამედ ჩუჱულებაჲ -- წინააღრჩევათა-ებრ. ვინა[ჲ]ცა
Line: 4    მებრ [წინააღრჩევათა-ებრ] უბადო ვიქმნებით, და არა მებრ ბუნებით
Line: 5    ვართ უბადო. არამედ ისწაოს ვინ-მე განწულილჳთ-რე თქუმულთა[ჲ]
Line: 6    ესრეთ წინათა-შორის.
Paragraph: 3  
Line: 7       რამეთუ ძალად ყოფასა ვიტყოდეთ ესრეთ: ძალითა, რომლითა
Line: 8    თჳთეულთა მოქმედ ვართ ქმნად, შემძლ.ებელ ვიყვნეთ ქმნად; რამეთუ
Line: 9    ყოველივე წინააღმრჩეველობით[ი] ძალი თჳთერთი წინააღმდგომთა
Line: 10    არს, რამეთუ [ერთი და იგივე ძალი თქუმად ტყუვილისაცა და
Line: 11    ჭეშმარიტებისად და] ერთი და იგივე ძალი სიწმიდედცა და ლირწებად;
Line: 12    არამედ არა ვინაჲვე ერთი და იგივე ჩუჱულებაჲ წინააღმდგომთა,
Line: 13    ვითარ რაჲ: ლირწთაცა და წმიდათა, გინათუ ტყუვილისა და
Line: 14    ჭეშმარიტებისა, არამედ უკუჱ წინააღმდგომთა -- წინააღმდგომნიცა; რამეთუ
Line: 15    სიწმიდე მებრ სათნოებითთა ჩუჱულებათა არს, ხოლო ლირწებაჲ
Line: 16    -- უბადოთა. ვინა[ჲ]ცა არ არიან ძალითად უბადობანი, არამედ
Line: 17    ჩუჱულებითად და წინააღრნევითად. რამეთუ არათუ ძალი არს განმმზადებელ
Line: 18    ჩუენდა ლირწებად და ტყუილად, არამედ წინააღრჩევა[ჲ];
Line: 19    რამეთუ ჩუენ-მიერ არს მეჭეშმარიტეობაჲცა და არტყუილი. რომლისა-თდსცა
Line: 20    არა არს უბადო ძალი, არამედ -- ჩუჱულებაჲ; რამეთუ არათუ,
Line: 21    რომელმან მომცა ჩუენ ძალი, მიზეზცა ჩუენდა არს უბადოთა-თჳს,
Line: 22    არამედ -- ჩუჱულებაჲ ჩუენ-მიერი და ჩუენ-გნითი და ჩუენდა-მომართ
Line: 23    ქმნილი. ხოლო ჩუჱულებასა და წინაგანმწყობსა ჩუჱულებასა მოღვაწებისა-მიერ
Line: 24    მოგებად და არა ვინაჲვე უბადოსა.
Paragraph: 4  
Line: 25       განეყოფჳს უკუჱ ძალი ჩ უჱულებასა ამით ვინაჲვე, რამეთუ ძალი
Line: 26    ყოველივე ბუნებითად არს, ხოლო ჩუჱ ულებაჲ* ზედშემოსრულად,
Line: 27    -- რამეთუ ძალნი უსწავლელ არიან, ხოლო ჩუჱულებანი სასწავლოთა-გან
Line: 28    და ჩუჱვათა-მიერ იქმნებიან. ვინაჲვე და აწ, ვინაჲთგან

Page: 162  
Line: 1    ძალი ვიდრე-მე ბუნებით და არ ნასწავლ, არა ვინაჲვე იყოს ბუნებაჲ
Line: 2    მიზეზ უბადოთა[ჲ]სა, არამედ უბადოდ ჩუენი ქცევაჲ საჩუჱვთა, და
Line: 3    ამათ მიზეზთა-გან ბოროტთაცა მოგებად ჩუჱულებათა. არამედ ყოველი
Line: 4    ჩუჱულებაჲ ზედშემოსრულად იჩუჱნა. ხოლო ესე, რომელ ბუნებით
Line: 5    არიან ძალნი, საუწყო არს ამის-გან, რომელ ყოველთავე იგივე
Line: 6    ჰქონან ძალნი, თჳნიერ შობით-გან უქმთაჲსა. არამედ ესე, რომელ
Line: 7    არ ბუნებით არიან ჩუჱულებანი, საუწყო არს ამის-გან, რომელ არა
Line: 8    ყოველივე ერთსა და მასვე ქონებად ჩუჱულებასა, არამედ სხუათა -- სხუანი,
Line: 9    -- ხოლო ბუნებითნი ყოველთავე-შორის სწორად.


Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.