ARMAZI
Proclus Diadochus, Institutio theologica georgice
Part No. 8
Previous part

Chapter: 8  
Line: 1 
თავი 8
Line: 2 
პირველისა კეთილობისათჳს*


Paragraph: 1     
Line: 3       ყოველთა რაჲთავე კეთილისა მზიარებელთა ეწინაების პირველი
Line: 4    კეთილობაჲ, და რომელი არა არს სხუაჲ თჳნიერ კეთილობაჲ.

Paragraph: 2     
Line: 5       რამეთუ უკუეთუ ყოველნი მყოფნი კეთილობასა მწადე არიან,
Line: 6    საცნაურ, რომელ პირველი კეთილობაჲ იმრ არს და ზესთ მყოფთა. რამეთუ
Line: 7    უკუეთუ ანუ ვითარ ნაწილი იყოს მყოფთაჲ, ანუ ერთ და იგივე
Line: 8    მყოფი და კეთილობაჲ, არცა ვიდრემე იყოს მყოფი მოწადე და
Line: 9    ტრფიალ კეთილობისა, ამისთჳს რომელ თჳთ იყოს კეთილობა. არამედ
Line: 10    ტრფიალი და მწადი მოქენე არს სატრფოჲსა და საწადოჲსა
Line: 11    თჳსისად და სხუაჲ სატრფოჲსა და საწადოჲსგან. და თუ სხუა და
Line: 12    სხუა, იყოს კეთილობაჲ ზიარებული მყოფისგან ვითარ მყოფი. ხოლო
Line: 13    ზიარებული კეთილობისად იყოს ერთ, რამეთუ ესე არს კეთილობაჲ
Line: 14    ერთ ქმნაჲ. არს უკუე რაჲვე კეთილობაჲ მზიარებელსა შორის
Line: 15    მისსა ვითარ მყოფი, რომელსა ზიარებული შეეტრფვის; არამედ
Line: 16    არა თუ მარტივი და საყოველთაოჲ /არს კეთილობაჲ, რომლისად ყოველნი
Line: 17    მყოფნი შეეტრფვიან, რამეთუ ესე ყოველთა მყოფთა საზიაროდ
Line: 18    არს შესატრფოჲ. ხოლო რასავე ნაწილსა შორის მყოფთასა
Line: 19    წარმოდგომილი მისი ოდენ არს მხოლოდ მზიარებელისა. რომლისათჳსცა
Line: 20    პირველი კეთილობაჲ არა არს სხუა რაჲვე თჳნიერ კეთილობისა.
Line: 21    რამეთუ რაჲცაღა დაჰრთო და ჰმატო, დაგიმცვრია და
Line: 22    დაგიკნინებია დართვითა კეთილობაჲ, და ნაწილ და რაჲვე გიქმნია
Line: 23    ნაცვლად საყოველთაოჲსა და მარტივისა კეთილობისა. რამეთუ დართული
Line: 24    არა არს თჳთკეთილობა, არამედ უდარეს მისსა, რამეთუ
Line: 25    თჳსითა თანაწარმოდგომითა კეთილობაჲ ამცრო და აკნინა.

Page: 10  


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.